ಇಬ್ರಿಯ 10 - गवली उनाई नियमजानवर गा बलिदान बान हसिलु 1 मूसा गा नियम हेजे मिनी टेमो गेन हेजे मिनी अच्छा चीजो गा बस म्याका बेकार फुटू होय, पेनो दिकुगा आसली रुपोन बाने। इनिघल्जी नियम गा गेल्ला कुरकू हर साल म्याका बलिदान पेळेजे चालेवाका होय, लेकिन इनी बलिदान डी कुरकू के चोलाकाभी पूरा तरीका टे चोखरा बान आरु सकतावा होय, जो परमेश्वर गा आराधना दडा गा घल्जी मेरान हेजेवा होय। 2 अगर इनी बलिदाननौर गा द्वारा परमेश्वर गा आराधना दडामिंकू के सपाकुवा एठा दिकु खुदके पापो गा वाजाटे दोषी बान ममानातिंज लक्के। मेटे बलिदान जिऊ गा बातो बान डाऊ। 3 लेकिन जानवरकु गा बलिदान गा पचना पापो के लेंक्कीने बान साकता। येनेगा बाजाय, हर साल इनी डी कुरकू गा पापो के यादो जिऊवा होय जो दिकुनी डाके होय। 4 चोयाकी इनी बान डाऊ होय, कि डोबाकु एठा बकराकु गा पचना पापो के लेंक्कीन कि। मसीह गा बलिदान हासिल 5 इनिघल्जी मसीह नी दुनिया गेन हेन डो इनी मंडीके, “आमनी न मेटे बलिदान मेंके एठा न पेपेळेच, पेनो आमनी इंजा घल्जी म्या कोम्बोर तैयार डाके होय।” 6 आम न मेटे होमबलि टे एठा न पापो बाली टे खुशोके होय। 7 मेटे मसीह नी परमेश्वर टे मंडीके, “हे परमेश्वर! इंज अमा इच्छा पुपारा घल्जी हेन मेना, जैसा कि पवित्र ग्रंथ गेन इंजा बारेन ओल्के मेना होय।” 8 जैसा मसीह नी पेला मंडीके होय, “आमनी बलिदान पेपेळेच, होमबलि यानेकी पापोबलि बान मेनडुका। आम दिकुटे खुशोडुका बाने” येठाभी इनी सेबाई बलि मूसा गा नियम गा रोंगो का पेळेजेवा मेना होय। 9-10 जैसा मसीह पवित्र ग्रंथ गेन इनी भी मंडीवा होय, “हे परमेश्वर, इंज आमगा इच्छा पुपारा घल्जी हेन मेना।” एठा परमेश्वर गा इच्छा गा रोंगो, यीशु मसीह नी बलिदान गा रुपोन बस म्या बार हेजा कोम्बोरके पेळेचके एठा इनिजगा द्वारा, परमेश्वर नी आलेके चोखरा आरुकेमी होय। इनी खिजा, मसीह परमेश्वर गा द्वारा जीकेमिनी पेला करार गा बलिदाननौर के म्याधेळेनेवा होय, ताकी डीच परमेश्वर गा द्वारा जीकेमिनी उनाई करार चालुकी होना। 11 हर म्या यहूदी याजक मेटे वेदी गा सम्मान टेंगेंटे हारेक दिन सेवा दडावा होय, एठा म्याका रोंगो गा बलिदाननौर के बार-बार पेळेजेवा होय, लेकिन इनी सेबाई बलिदान चोलाकाभी पापो के लेंक्कीन बान डाए साकता। 12 पेनो मसीह, पापो गा घल्जी म्याका बलिदान गा तौर लिंजेन पेपेळेच गा बादोन, हमेशा गा घल्जी परमेश्वर गा सिंघासन गा जेवना कोनेन सुबांजे मेना होय। 13 एठा नका मसीह देटेन इनिजगा राह दोडो लक्के होय कि दियागा दुश्मनकु दियागा हाक गा हात टाल्लेनकु होना। 14 डीचनी म्याका बलिदान पेपेळेच गा द्वारा दिकुके जो पवित्रकुवा होय, हमेशा गा घल्जी पक्का डाकेकु होय। 15 इनिजगा संबंध गेन पवित्र आत्मा गा गवाही भी आलेगा मेरान होय। चोयाकी पवित्र ग्रंथ गेन प्रभु नी पेलाटेका मंडीके डा। 16 “टेमो हेजे लिंजेन इंज दिकुगा घल्जी इनी उनाई करार पक्का डाएवा”, प्रभु मंडीवा होय, “इंज इंजागा नियम दिकुगा दिल गेन डोएबा, इंज दिकुके दिकुगा मन लिंजेन अक्ष्यारटे ओलेवा”। 17 “डाबोलटे परमेश्वर मंडीवा होय, इंज दिकुगा पापो एठा अपराधनौर के यादो भी बान दोडो।” 18 एठा जब परमेश्वर नी आलेगा पापोनौर के मापोके मेना होय, मेटे डाबोलटे पापो गा घल्जी डाबोलटे बलिदान गा तौर लिंजेन पेपेळेच गा जरुरत बान थंदळ डुका। आले विश्वास गा सेंग्गोन परमेश्वर गा मेरान हेन 19 हे विश्वासी डाईचो, नका आले विश्वास दडावा होय, कि यीशु मसीह गा जीवन बलिदान दडा गा वोजीटे आलेन इनी हिम्मत होय, कि आले स्वर्गीय खाट चोखरा जगान मु सकतावा होय। 20 बलिदान गा रुपोन गोएन डो, मसीह नी स्वर्गीय चोखरा डेरा गा डी परदा टे मुटे आलेगा घल्जी उनाई कोरा के खुल्लाके देटे आलेन जीवन घाटाऊवा होय। 21 नका आलेके म्या महान याजक घाटाएन होय, जो परमेश्वर गा उरा लिंजेन कालाम्के मेना होय। 22 इनिघल्जी आले आलेगा दोषी मन के चोखरा दडा गा घल्जी आपना मन लिंजेन मसीह गा पचना गा चेरसी डाटे एठा आपना कोम्बोरके सापा डा टे आबुंजटे सापा मन टे एठा पूरा विश्वास गा सेंग्गोन परमेश्वर गा मेरान हेजे। 23 आले बिना घबरातिंज गा आलेगा आसा गा गवाही के मजबूत टे रोकातिंजटे डोकी, चोयाकी परमेश्वर हेजा वादा के पूरा दडा गेन विश्वास लायको होय। 24 आलेके मेटे इनी बातो गा ध्यान दोडो होना, आलेन इनिज-दियागा मदत दडा गा घल्जी आले तुनिरोंगो प्यार एठा अच्छा कामय दडा गा घल्जी इनिज-डीचके आरिकुवा होय। 25 आले आलेगा आराधना गा सभानौर गेन म्यागुका बाकी आरा, जैसा कि अदा कुरकू डाए चालेवा होय। पेनो आले इनिज-डीचके आराकी चाले एठा सावधान डाए चाले। जब आपे डी दिनके मेरान हेजे टे दोडो लक्के होय, मेटे येनोगो दडा येठाभी जरुरी डाऊ सकतावा होय। 26 चोयाकी जब आले सच्चाई गा पूरा ज्ञान हासिल गा बादोन भी, अगर आले जान बुझ टेका पापो दडावा होय, मेटे पापो गा घल्जी तुनिका बलिदान अच्छा बान थंदळ। 27 लेकिन दिकुके बस परमेश्वर गा फैसला एठा घोनेच तेजो सिंगेल से नशोऊ गा वोजीटे हिगरा गा जरुरत होय, जो डी कुरकू के नशोकुवा जो परमेश्वर गा खिलाफ टेंगेन्बा होय। 28 जो कोरो मूसा गा नियम गा उल्लंघन दडावा होय, मेटे बाएरा या कोरो किंज गा गवाही लिंजेन, बिना दया गा जान जिऊ गा दण्डो जेबा होय, 29 मेटे आपे कुरकू सोचातिंजे, कि जो कोरो परमेश्वर गा कोणटे गा तिरस्कार दडावा होय, वादा गा डी पचना के बिसोटो मेंबा होय, डेगा गा द्वारा डीच चोखरा डोकेनेच मेना डा, एठा कृपा गा आत्मा गा अपमान दडावा होय, मेटे येनोगो कोरो चोटो घोर दण्डो गा लायको समजा तिंजेबा। 30 येनोगो दडामिंकू भयानक दण्डो के घाटाऊवा, चोयाकी परमेश्वर का होय डीचनी येनोगो मंडीके होय, आले हाडाई होय कि परमेश्वर नी इनी मंडीके होय, “हिरा इंजा कामय होय, इंज का बदला सेगेवा।” एठा डाबोलटे इनी, कि “प्रभु हेजा कुरकू गा न्याय डाएवा।” 31 जीटा परमेश्वर टे सजा घटाऊ म्या घोनेचका हिगरा बातो होय। 32 आपे कुरकू डी बितातिंजके दिन गा बारेन सोचातिंजे जब आपेनी पेला बार मसीह गा बारेन इथूके डा। यादो डोए कि आपे चोफर टे वफादार आरुके, यादो डोकी कि तुनी खिजा आपे भायनक तक्लिप सेहेसेन गा बादोन भी विश्वास लायको आरुका थंदळे। 33 आपे कुरकू तालाटे अदा कुरकू के सेबाई गा दोडो-दोडो अपमान एठा अत्याचार एठा सेसेहेन बोचोएन, एठा अदा कुरकू मेटे खुद गा इच्छाटे डी कुरकू गेन शामिल जे होय दिकुगा अपमान डाके एठा दिकुगा सेंग्गोन अत्याचार डाके। 34 चोयाकी आपेनी न बस कैदीकु गा सेंग्गोन दिकुगा कासु गेन कासुके बनकी जब आपे कुरकू गा डामा संपत्ति रुटिये मेटे आपेनी इनी खुशीटे नुकसान के सेहेनजे, एठा आपे मालूम होय, कि आपेनी आयभी डी चीजो के आपना मेरान डोके होय जो परमेश्वर नी वायदा डाके डा, जो घोनेच बेहतर होय एठा जो हमेशा गा घल्जी आरुका थंदळवा होय। 35 इनिघल्जी आपे कुरकू आपना देटेन पक्का विश्वास बाकी आरा, ताकी आपेन परमेश्वर गा कोनेटे म्या खाट ईनाम घाटायु। 36 आपे कुरकू के आराम्बो दोडो गा जरुरत होय, देटे परमेश्वर गा इच्छा पूरा दडा गा बदोन आपे डी सेबाई चोच्का हासिले, डेगा वादा परमेश्वर आपेटे डाके होय। 37 चोयाकी पवित्र ग्रंथ इनी मंडीवा होय, “जो हेजेमिठाच होय, डीच थोडाका टेमो बड़ोन हेजेवा। देटेन टेमो बान डाऊ। 38 इंजा धर्मी कोरो विश्वास गा द्वारा जीवन हसिलेवा, पेनो अगर जेका टाउन बाजोए, मेटे इंज डी लिंजेन खुशीवा बाने होंगा।” 39 आले डी कुरकू टे बाने होय, जो टाउन बाजोएन गा वाजा नाशोऊवा होय, बनकी आले डी कुरकू टे होय, जो परमेश्वर लिंजेन हेजा विश्वास द्वारा जीवन हासिलेवा होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation