गलातियों 4 - गवली उनाई नियमविश्वास आलेके परमेश्वर गा कोणकुटे आरुकोम्बा होय 1 इंज इनी उदाहरण गा द्वारा समझातिंजुवा मेना, कि म्या लकपति कोरो गा म्या कोण जब टाएन डीच कोणटे होय, मेटे टाएन दियेन एठा म्या भाग्य गा तालाबिचोन तुनिका अंतर बाऊ होय, हालाकी बादोन डीच पूरा संपत्ति गा मालिको आरुवा। 2 डीच मेटे टाएन देखभाल दडामिठाच गा हाक गा हात टाल्लेन थंदळवा होय, जब टाएन डीच डी उमर टाएन बान आदिरु जब डीच मालिको आरुवा। डी उमर दियागा बाटे द्वारा तय डाके मेना होय। 3 डीका खिजाटे आले डी जवान कोण गा खिजा डा। एठा आले डी रिती-रिवाजनौर एठा नियमनौर गा गुलाम डा जो इनी दुनिया गेन होय। 4 टेमो पुराऊ लिंजेन परमेश्वर नी हेजा कोणटे के कुल्केनेच। डीचनी म्या जापाए गा द्वारा जनम सावे एठा डीच मूसा गा नियम गा हात टाल्लेन ओटजे मेना। 5 देटे डीच मूसा गा नियम गा हात टाल्लेन थंदळ मिंकूके आराकेकु एठा आलेके परमेश्वर गा कोणकुटे आरु गा हाक जिले। 6 आले परमेश्वर गा कोणकुटे होय, चोयाकी परमेश्वर नी हेजा कोणटे गा आत्मा के आलेगा दिलेन कुल्ले होय, जो आत्मा परमेश्वर के “हे अब्बा, हे बाटे” मंडीटे हाकोवा होय। 7 इनिघल्जी नका आपे गुलाम बाने होय, पेनो परमेश्वर गा कोणकुटे होय एठा चोयाकी आले परमेश्वर गा चाफ्निकु होय, मेटे इनिघल्जी डीच आलेके डी सेबाई चोच्काभी जेबा जो चोच्काभी दियागा मेरान दियागा चाफ्निकु गा घल्जी होय। गलातिया शहर गा मसीह गा मंडली गा घल्जी पौलुस गा चिन्ता 8 जब आपे परमेश्वर के बान हाडाई डा, मेटे डी टेमो आपे दिकुगा भाग्य डा, जो साही गेन परमेश्वर होय का बाने। 9 पेनो नका आपे परमेश्वर के चिनायेनेच होय या इनी मंडे कि परमेश्वर नी आपेके हेजा आरुयेमी होय, मेटे डाबोलटे आपे कमजोर यानेकी निकम्मा दूसरा शिक्षानौर गा भाग्य आरु गा घल्जी चोया हिरा लक्के होय? चोच आपेन डाबोलटे दिकुगा भाग्य आरु गा इच्छा होय? 10 आपे अलग्गो जाटो गा कुरकू मूसा गा नियम गेन जीकेमिनी हुकूम गा खिजा दिननौर, महीननौर, मौसमनौर एठा सालनौर गा पालन दडावा होय। 11 जो चोच्काभी आपे दडा लक्के होय डेगा वोजीटे इंज चिंतान के मेना, चोयाकी इंजेन शक होय तोटेनका आपेगा तालान इंजा सेवकाई गा कामय वोया बाकी डाऊ। 12 हे विश्वासी डाईचो, इंज आपेटे बिनती दडावा मेना, कि आपे डेनोगोका व्यवहार डाए जैसा व्यवहार इंज दडा मेना, चोयाकी म्या यहूदी मेना, मेटे भी इंज्नी मूसा गा नियम के ममानातिंज आराके। एठा इंज आपेगा खिजा आरोएन, जो यहूदी बाऊ होय। 13 पेनो आपेके इनी यादो होंगा, कि इंज पेला बार आपेगा मेरान म्या बिमारी गा वाजा अच्छा खाबोर घागल हेन डा। 14 जब कि बिमारी आपेगा घल्जी म्या परेशानी डा, पेनो फिरभी आपेनी इंजाटे खीजो बान दडुका एठा नका इंज्के लेंक्कीन केमी। पेनो आपेनी इंज्के डीका खिजाटे मनेन जेमी, जैसा आपे परमेश्वर गा म्या स्वर्गदूत के या यीशु मसीह गा स्वागत दडा लक्के डा। 15 डी टेमो आपे कुरकू आपे खुदके धन्य समझातिंजे डा। नका आपे कुरकू गा डी मन गा भाव तुंगान ओले? इंज आपेगा बारेन इनी मंडी सकतावा मेना कि अगर सम्भव डाऊ टासो, मेटे आपे आपेगा मेट भी ओटटे जिली होना। 16 मेटे नका येनोगो चोया होय, कि आपे इंज्के आपना दुश्मान ससामझातिंज्बा होय? चोच इनी इंजा आपेके सच्चो घागल गा वाजा होय? 17 डी लाबाळ कुरकू आपेगा पक्षा जीटाऊ गा घल्जी पूरा कोशिश लक्के होय। दिकु अच्छा मकसद टे येनोगो बान दडा लक्के होय। दिकु आपेके इंजाटे अलग्गो कोम चाहतावा होय, देटे आपे दिकुगा का सेंग्गोन मिलातिंजू। 18 एठा हमेशा का अच्छा मकसद गा घल्जी आरीयु होना उत्तम डाऊवा होय, एठा सिर्फ डीका टेमो बाने, जब इंज आपेगा सेंग्गोन थंदळवा मेना। 19 इंजा अच्छा चाफ्निकु, जब टाएन आपे मसीह गा खिजा बान आरु, मेटे टाएन इंज आपेगा घल्जी लाच्के जापाए गा रोंगो तक्लिप सेहेनेवा मेना। 20 इंज चाहतावा मेना कि नका आपेगा सेंग्गोन थंदळकु, ताकी इंज आपेटे नम्र तरीका टे बातो डाए धारे। चोयाकी इंज आपेगा प्रति भेबाव चिंताके मेना। बरी वादा सारा एठा हजीरा 21 आपे जो मूसा गा नियम गा हात टाल्लेन थंदळ चाहतावा होय, इंज्के इनी घल्ले, चोच आपे इनी बान आजोम कि नियम चोच मंडीवा होय? 22 पवित्र ग्रंथ गेन ओल्के होय कि अब्राहम गा बरी कोणकिंज डा, म्या भागनी टे एठा दूसरा जापाएटे। 23 अब्राहम गा कोणटे, जो डीचके भागनी हजीरा टे डाएन मेना डा, डीच बस कोरोकु गा योजना टेका डाएन मेना डा। पेनो अब्राहम गा दूसरा कोणटे जो दियागा जापाएटे सारा टे डाएन डा, दियागा जनम परमेश्वर गा करार गा पुराऊ गा परिणाम स्वरूप डाएन डा। 24 इनी बरी जापाए किंज गा तुल्न बरी वादानौर टे डाए सकतावा होय। डी वादा जो परमेश्वर गा इस्राएल गा कुरकू गा सेंग्गोन सीनई टुक्की लिंजेन टोलके डीच हाजिरा गा खिजा होय। डीच डी चाफ्निकु के पैदाकुवा होय जो भाग्य आरुवा होय। 25 हाजिरा सीनई टुक्की के दर्शातिंजेवा होय जो अरब देशो गेन होय। डी आए गा यरूशलेम शहर गा खिजा होय डेगा कुरकू मूसा गा नियम गा गुलाम होय। 26 पेनो स्वर्गीय यरूशलेम शहर अब्राहम गा जापाएटे सारा गा खिजा होय, एठा दियागा कोणकुटे गुलाम बाऊ होय। इनी यरूशलेम शहर आलेगा आंटे गा खिजा होय, जो विश्वास दडावा होय। 27 चोयाकी जैसा परमेश्वर गा कोनेटे मंडीमिठाच यशायाह नी पवित्र ग्रंथ गेन ओल्के होय, “हे बांजली जापाए आम डीचनी चोलाकाभी चाफ्निकु बान दडुका एठा डीचनी चाफ्निकु के जनम जिऊ गा पीडा के चोलाकाभी महसूस बान दडुका, खुशोके होय, एठा खुशीटे सिरिंजटे आरीयु! चोयाकी आराके मिठाच गा कोणकुटे भी येठाभी होय।” 28 हे विश्वासी डाईचो, अब्राहम गा कोणटे इसहाक गा खिजा जो परमेश्वर गा करार गा रोंगो डाएन डा आलेभी परमेश्वर गा करार गा रोंगो परमेश्वर गा कोणकुटे आरोएन होय। 29 जैसा डी टेमो कोम्बोर गा रोंगो जनम डाएन इश्माएल, आत्म गा शक्तीटे जनम डाएनमिठाच इसहाक के सतातिंजेच डा, डेनोगोका आपे डी कुरकू गा द्वारा सतातिंजुवा होय जो चाहतावा होय कि आपे नियम गा पालन डाए। 30 पेनो पवित्र ग्रंथ मंडीवा होय, कि भागनी जापाए एठा दियागा कोणटे के लेंक्कीन कुलकेच, चोयाकी भागनी गा कोण गा मेरान बाटे गा दौलत गा तालाटे चोच्काभी बान होना। इनी बाटे गा जापाए गा कोणटे के घाटाऊ होना जो भागनी बाऊ होय। 31 जो इंज मंडी लक्के मेना दियागा निचोळ इनी होय, आले भागनी जापाए, मतलब नियम गा चाफ्निकु बाऊ होय, पेनो आजादी जापाए मतलब विश्वास डाईचो गा चाफ्निकु होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation