गलातियों 2 - गवली उनाई नियमपौलुस गा कलामके मिठाच चेला पक्काएन 1 चौदह साल गा बदोन, इंज बरनबास गा सेंग्गोन यरूशलेम शहर गेन ओले एठा तीतुस के भी सेंग्गोन साईय्येनेच। 2 इंज देटेन ओले, चोयाकी परमेश्वर नी इंज्के टिपिले डा, कि इंजेन देटेन सेने होना। एठा जब इंज देटेन ओले, मेटे इंज मसीह गा मंडली गा अगुवोकु टे कोरो रुपोटे मिलातिंज्के एठा दिकुके डी अच्छा खाबोर गा बारेन घाल्के जो इंज अलग्गो जाटोकु गा तालान प्रचार दडा लक्के डा। ताकी येनेगो बाकी डाऊ, कि जो इंज दडा लक्के डा या जो इंज दडा चलुका डोके डा, डेगा चोच्का परिणाम बाकी डाऊ। 3 इंजा सोप्ती तीतुस, जो कि म्या यूनानी होय, यरूशलेम शहर गा मसीह गा मंडली गा अगुवोकु नी डीचके मनेन जेनेच। पेनो दिकुनी खतना दडा गा घल्जी दिया लिंजेन तुनिका दबाव बान येंडाडुका। 4 इनी डी लाबाळ डाईचो गा वोजीटे डाएन, जो आलेगा समूह गेन कायोम टेका हेन एठा डी आजादी के नाशो दडा गा कोशिश दडा लक्के डा। जो आलेगा उध्दार दडामिठाच यीशु मसीह गेन आलेन घाटाएन होय। ताकी दिकु आलेके डाबोलटे यहूदी नियम गा गुलाम आरुकेमी होना। 5 आले डी कुरकू गा सेंग्गोन म्याघिळी गा घल्जी भी सहमत बान दडुका, आले अच्छा खाबोर गा सच्चो वचन के आपे कुरकू गा घल्जी पूरा रुपोटे आरुका दोडो चाहता डा। 6 यरूशलेम शहर गा मसीह गा मंडली गा डी अगुवोकु नी इंजा शिक्षा गेन चोच्काभी बान जोळातिंजडुका। इंज तुनिका भेद बान दडा, इंजेन इनी बातो टे तुनिका फरक बान बोचो, कि दिकु अगुवोकु जे होय, चोयाकी परमेश्वर मठा रुपो धोटे न्याय बान दडा। 7 पेनो येनेगा बादोन दिकु अगुवोकु समझातिंजे कि इंज्के डीका खिजा खतना बान दडुका कुरकू गेन अच्छा खाबोर गा प्रचार दडा गा घल्जी हाकोलेमी डा। जो खिजा पतरस के यहूदी कुरकू गा घल्जी हाकोलेनेच। 8 चोयाकी जो परमेश्वर नी पतरस के यहूदी कुरकू गा तालान कलामके मिठाच चेला आरुटे दियागा द्वारा सेवा गा कामय डाके, डीचकानी इंज्के अलग्गो जाटो गा कुरकू गा तालान कलामके मिठाच चेला आरुटे इंजा द्वारा सेवा गा कामय डाके। 9 जो कोरो मसीह गा मंडली गा धारण समझातिंजू डा, मतलब याकूब, पतरस (कैफा) एठा यूहन्ना दिकुनी कृपा गा डी वरदान चिनाये जो इंजेन घाटाएन होय। दिकुनी इंज्के एठा बरनबास गा सेंग्गोन टी मिलातिंजटे इनी घाल्के, कि दिकु आलेगा सेंग्गोन इनी बातो गा घल्जी सहमत होय, कि आले अलग्गो जाटो गा कुरकू गा मेरान सेने एठा दिकु यहूदी कुरकू गा मेरान सेने। 10 दिकुनी बस म्या बातो मंडीके कि आले यरूशलेम शहर गा गिरबो विश्वासीकु गा मदत डाए। आए टेमोन इंज खुद इनी कामय दडा गा घल्जी आरीके डा। अन्ताकिया शहर गेन पतरस गा खिलाफ 11 जब म्या दिन पतरस (कैफा) अन्ताकिया शहर गेन हेन, मेटे इंज्नी कुरकू गा सम्मान दियागा खिलाफ डाके, चोयाकी डीच दोषी डा। 12 इनिघल्जी कि डीच पेला अलग्गो जाटो गा कुरकू गा सेंग्गोन आटाजोम डा, पेनो जब याकूब गा कोनेटे अदा कोरोकु हेन, जो खतना गा रिवाज के ममानातिंज मिंकू यहूदी डाई डा। दिकुगा हिघराटे डीच अलग्गो जाटो गा कुरकू टे अलग्गो थंदळ लज्जे। 13 एठा दियागा सेंग्गोन दूसरा यहूदी डाईचो नी भी इनी खिजा गा ढोंगो डाके, येटे टाएन कि बरनबास नी भी दिकुगा हिगरा गा वोजीटे अलग्गो जाटो गा कुरकू गा सेंग्गोन मेल-जुल दडा बंदोके। 14 जब इंज्नी डोके कि दिकुगा स्वाभव अच्छा खाबोर गा सच्चो गा अनुकूल बाने होय, मेटे इंज्नी सेबाईकु सम्मान पतरस (कैफा) टे इनी मंडे, “अगर आपे, जो जनम टे यहूदी गा खिजा बाने बनकी अलग्गो जाटोकु गा खिजा थंदळवा होय, मेटे आपे अलग्गो जाटोकु गा खिजा थंदळके चोया मजबूर दडावा होय?” विश्वास एठा कामय 15 आले जो जनम टे यहूदी होय। एठा दिकु अलग्गो जाटो होय, दिकुके यहूदी पापी मंडीवा होय। 16 फिरभी आले हाडाई होय, कि कोरोकु मूसा गा नियम गा कामयनौर गा द्वारा धर्मी बान ठहरातिंजडुका होय, बनकी यीशु मसीह गेन विश्वास दडा गा द्वारा धर्मी ठहरातिंजके होय। इनिघल्जी आलेनी यीशु मसीह गेन विश्वास डाके होय, देटे आले मूसा गा नियम गा द्वारा बाने, बनकी मसीह गेन विश्वास डाटे धर्मी ठहरातिंजूबा होय, चोयाकी मूसा गा नियम गा कामय गा द्वारा तुनिकाभी कोरो परमेश्वर गा नजर गेन धर्मी बान ठहरातिंजू। 17 अगर आलेभी, जो मसीह गा द्वारा धर्मी ठहरातिंजू चाहतावा होय, एठा पापी ठहरातिंजूबा होय, मेटे चोच येनेगा मतलब इनी होय, कि मसीह पापो के बढावा जेबा होय, बाने बिलकुल बाने! 18 पेनो अगर इंजागा कोनेन डाबोलटे सेनेवा मेना, डीके इंज्नी पेला मनेन डुका बाने डा, मतलब इनी कि नियम के आरुका दोडो गा द्वारा इंज आए टेमोन पापो दडा मेना। 19 चोयाकी इंज मूसा गा नियम द्वारा नियम गा घल्जी गोएन मेना, देटे इंज परमेश्वर गा घल्जी जीवन बितातिंज कि। 20 इंज मसीह गा सेंग्गोन क्रूस लिंजेन गोएन मेना। इंज नका जीटा बान थंदळ डुका, बनकी मसीह इंजेन जीटा होय। नका इंज इंजा कोम्बोर गेन जो जीवन बिबातातिंजबा मेना, मेटे बस डी विश्वास टे जीटा मेना जो परमेश्वर गा कोणटे लिंजेन होय, डीचनी इंजाटे प्यार डावे एठा इंजा घल्जी खुदके जीकेनेच। 21 इंज इनी बातो के बान मेन बान साकता, कि परमेश्वर नी आलेके हेजा कृपा गा वोजीटे बचातिंजकेमी। चोयाकी अगर मूसा गा नियम के ममानातिंज गा द्वारा तुनिका कोरो गा धर्मी आरु संभव डाऊ धारे, मेटे मसीह के गुजू बान होना डा। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation