गलातियों 1 - गवली उनाई नियमनमस्कार 1-2 इंज, पौलुस जो कलामके मिठाच चेला मेना, इनी पत्र गलातिया जिल्हा गा मसीह गा मंडलीनौर के ओल लक्के मेना। जो विश्वासी डाईचो येटेन इंजा सेंग्गोन होय, दिकुभी आपेके नमस्कार दडावा होय। इंज तुनिका कोरो या तुनिका हाक गा द्वारा कलामके मिठाच चेला बान आरुडुका। पेनो इंज आलेगा यीशु मसीह गा द्वारा एठा परमेश्वर गा द्वारा कलामके मिठाच चेला आरुके मेना, डीचनी मसीह के मुर्दाकु तालाटे डाबोलटे जीटाकेनेच। 3 इंज प्रार्थना दडावा मेना कि आलेगा परमेश्वर बाटे एठा आलेगा प्रभु यीशु मसीह गा कोनेटे आपेन कृपा एठा शांती घाटाऊ चाले। 4 आलेगा परमेश्वर बाटे गा इच्छा गा रोंगो मसीह यीशु नी हेज खुदके आलेगा पापो गा वोजीटे बलिदान डाके। ताकी आले इनी आए टेमो दुनिया गा कुरकू गा बुरा आसर टे बचातिंज थंदळे। 5 इंज प्रार्थना दडावा मेना, कि कुरकू परमेश्वर गा महिमा हमेशा-हमेशा गा घल्जी डाए लक्कू। अच्छा खाबोर बस म्याका होय 6 इंज अचम्बोऊवा मेना, कि परमेश्वर डीचनी आपेके मसीह गा कृपा गा द्वारा हेजा कुरकू डाऊ गा घल्जी हकोलेकु। दियाटे आपे येटो झाल्लो इखाट टे म्या उनाई शिक्षा के मनेन जे होय। 7 पेनो अच्छा खाबोर मेटे म्याका होय, पेनो अदा कुरकू मसीह गा अच्छा खाबोर के बिबागळातिंज चाहतावा होय, एठा डी कुरकू नी आपेके भाहकातिंज्केमी होय। 8 पेनो अगर आले तालाटे जेका म्याखोम या तुनिका स्वर्गदूत भी चोया बाने होय, जो अच्छा खाबोर आलेनी आपेके घाल्के होय, दियाटे अलग्गो जेका दूसरा अच्छा खाबोर आपेके घाले टासो, मेटे परमेश्वर दिकुके श्रपो जे। 9 जैसा आले पेला मंडीके मेना होय, डेनोगोका इंज नका डाबोलटे मंडीवा मेना, कि डी अच्छा खाबोर के आराटे डीके आमनी मनेन जे होय, अलग्गो तुनिका दूसरा अच्छा खाबोर घालेवा होय, मेटे परमेश्वर दिकुके श्रपो जे। 10 सपा रुपोटे इंज कुरकू के खुशो दडा गा कोशिश बान दडा लक्के मेना। अगर इंज आए टाएन कुरकू केका कुकूशो चाहता डा, मेटे मसीह गा भाग्य बान थंदळ डा। कलामके मिठाच चेला आरु गा घल्जी हाको 11 हे विश्वासी डाईचो, इंज आपे कुरकू के विश्वास जेबा मेना, कि इंज्नी जो अच्छा खाबोर घाल्के होय, डी कोरोकु गा द्वारा आरुके मिनी बाने होय। 12 चोयाकी इंज्नी डीचके तुनिका कोरो टे बान इथूडुका होय एठा न जुना सनाकु गा द्वारा विरासत गेन घाटाके परंपरानौर टे मनेनडुका, बनकी खुद यीशु मसीह नी डीचके इंजा लिंजेन ओटकेनेच। 13-14 आपे हाडाई होय, कि जब इंज यहूदी धर्म गा नियमनौर गा का पालन दडा लक्के डा, मेटे टोनोगो जीवन बितातिंजे डा। इंजा घोनेच सेबाई सोप्तीकु जो इंजा का उमार गा डा, दिकुभी यहूदी धर्म गा पालन दडा डा। पेनो इंज्नी दिकु सेबाईकु के टाउन आराकेकु, चोयाकी इंज इंजागा जुना सनाकु गा रिती-रिवाजनौर गा पूरा दिल टे पालन दडा डा। डी टेमो इंज यीशु लिंजेन विश्वास दडामिंकू के जो परमेश्वर गा आराधना दडा डा, दिकुके ससातातिंज गा घल्जी ओटके मेना डा, इंज्नी दिकु सेबाईकु के नाशो दडा गा कोशिश डाके। 15-16 पेनो मेटे परमेश्वर नी हेजा गा कोणटे के इंजा लिंजेन ओट गा फैसला डाके, ताकी इंज अलग्गो जाटोकु गा तालान यीशु गा बारेन घागल होना। एठा डीच परमेश्वर का होय, डीचनी इंजा डाऊ गा पेलाटेका इंज्के कलाम्जेमी, एठा हेजा कृपा गा वोजीटे डीचनी इंज्के हेजा सेवा दडा गा घल्जी हाकोलेमी। जब यीशु हेज खुदके इंजा लिंजेन ओटकेमी, मेटे इंज सलाह सा गा घल्जी जेका गा का मेरान बान सेनडुका। 17 एठा जो इंजाटे पेला कलामके मिंकू चेलाकू डा, दिकुटे मिलातिंजू गा घल्जी इंज यरूशलेम शहर बान सेंडुका। बनकी इंज तुरुटो अरब देशोन ओले एठा बादोन दमिश्क पुरान हिराके। 18 डाबोलटे आफाई साल गा बादोन, परमेश्वर गा कलामके मिठाच चेला पतरस (कैफा) टे इंज मिलातिंजू गा घल्जी यरूशलेम शहर गेन ओले एठा दियागा मेरान पंद्रह दिन टाएन थंदळके। 19 डी टेमो इंज सिर्फ म्या कलामके मिठाच चेला टे मिलातिंजके, डीच प्रभु यीशु गा डाईटे याकूब डा। 20 परमेश्वर इंजा गवाही जेबा होय, कि इंज्नी आपेके जो ओल्के होय डेन चोच्काभी लाबाळ बाऊ होय। 21 येनेगा बादोन इंज सीरिया जिल्हा एठा किलिकिया जिल्हान ओले। 22 डी टेमो यहूदिया जिल्हा गा मसीह गा मंडलीनौर, जो मसीह गेन होय, दिकु इंज्के कोरो रुपोटे बान हाडाई डा। 23 दिकुनी बस येनोगोका आजुम्के डा, कि जो कोरो आले लिंजेन अत्याचार दडा डा, डीच नका डी विश्वास गा अच्छा खाबोर घागल लक्के होय, डीके डीच नाशो दडा गा कोशिश दडा डा। 24 एठा दिकु इंजा बारेन परमेश्वर गा स्तुति दडा डा। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation