इफिसियों 4 - गवली उनाई नियममसीह गा कोम्बोर गेन एकता 1 इनिघल्जी इंज जो प्रभु यीशु गा सेवा दडा गा वोजीटे कैदी मेना, आपेटे बिनती दडावा मेना, कि जो हाको गा घल्जी परमेश्वर नी आपेके हाकोलेमी होय, डेगा रोंगो आपना जीवन बितातिंजे। 2 मतलब आपे पूरा रुपोटे दीनता एठा नम्रता गेल्ला, एठा आराम्बो उठाटे प्यार टे इनिज-दियागा सहेंजा। 3 इनिज-दियागा सेंग्गोन हमेशा म्या मुठ्ठो गेन थंदळ गा कोशिश डाए, चोयाकी परमेश्वर गा आत्मा गा द्वारा आपे म्याजे मेना होय। 4 आले सेबाई विश्वासी कुरकू म्या कोम्बोर गा अंगो गा खिजा होय। एठा आले सेबाईकु नी म्याका पवित्र आत्मा घाटावे होय, जैसा कि आपे कुरकू के डीका आसा जीके डा, जब आपेके परमेश्वर गा कुरकू आरु गा घल्जी हाकोलेमी डा। 5 आले सेबाईकु मेरान म्याका प्रभु होय, एठा आले बस प्रभु यीशु मसीह लिंजेन का विश्वास दडावा होय, एठा आले सेबाईकु नी म्याका रोंगो बपतिस्मा घाटाके होय। 6 म्याका परमेश्वर होय, डीच सेबाईकु प्रभु होय, डीच सेबाईकु लिंजेन राज्य दडावा होय, डीच आले सेबाईकु गा द्वारा कामय दडावा होय, एठा डीच आलेगा तालान थंदळवा होय। आत्मिक वरदान 7 मसीह नी घोनेचटेका आले तालाटे हरेक के आत्मिक वरदान जीके होय, जैसा डीचनी दिकुके जिऊ गा फैसला डाके। 8 इनिघल्जी पवित्र ग्रंथ मंडीवा होय, “डीच खाट उचा लिंजेन पेळेन एठा बंदियोंकु के ठोलजेकु। डीचनी कोरोकु के आशीर्वाद जीके।” 9 जब पवित्र ग्रंथ मंडीवा होय, “डीच खाट उचा लिंजेन पेळेन” मेटे डेगा चोच मतलब होय? बस इनी कि डीच पृथ्वी लिंजेन सेबाई टे ईटा जगान आगुरुके डा। 10 मसीह जो ओटे लिंजेन आगुरुके, डीच डीका कोरो होय जो बदळा टे भी मठान पेळेच्केनेच, ताकी पूरा दुनिया के डीच हेजा थंदळ टे भेट्टिकेकु। 11 डीच मसीह डा डीचनी इनी वरदान जीके डा। डीचनी अदा कुरकू के कलामके मिंकू चेलाकू मेंटो ठहरातिंज्केकु, एठा अदा कुरकू के परमेश्वर गा कोनेटे मंडीमिंकू मेंटो ठहरातिंज्केकु, अदा कुरकू के अच्छा खाबोर घागल मिंकू मेंटो ठहरातिंज्केकु, एठा अदा कुरकू के मसीह गा मंडली गा जगिलीमिठाच एठा अदा कुरकू के गुरूजीकु मेंटो ठहरातिंज्केकु। 12 इनी रोंगो टे डीचनी सेवा गा कामय गा घल्जी परमेश्वर गा कुरकू के लायको आरुकेकु, ताकी मसीह गा कोम्बोर पूरा तरिख टे मजबूत आरोयु एठा पक्कायु चाले। 13 इनी मेटे टाएन डाऊ चालेवा जब टाएन कि आले सेबाई विश्वास दडा गा द्वारा म्या बान आरु टाएन। मेटे परमेश्वर गा कोण गा सेंग्गोन रिश्ता डाऊ गा वाजाटे पक्का विश्वासी आरुवा एठा पूरा रितो टे मसीह यीशु गा रेंगो आरुयु जो बिलकुल पक्का होय। 14 इनिघल्जी नका सम्माटे आले चफनीकू गा खिजा बर्ताव बाकी होना, जो कोरोकु गा बेअक्कल आरु गा कला एठा चतराय टे, डी गा धोका गा बातो एठा शिक्षानौर गा द्वारा म्या सानी डोंगा गा रोंगो टुलजे एठा इग-उगांन इखाडेवा। 15 पेनो प्यार गा भावना टे सच्चो के मंडीटे, आले हर म्या बारेन मसीह गा खिजा पक्काऊवा होय, जो दियागा कोम्बोर रुपो मसीह गा मंडली गा कापर होय, मतलब मुख्या होय। 16 दियागा हात टाल्लेन सेबाई कोम्बोर, हरेक जोड़ा गा मदत टे म्या सेंग्गोन मिलातिंजटे एठा म्या सेंग्गोन जुडतिंजटे, डी आसर गा रोंगो जो हरेक कोम्बोर गा सही-सही कामय दडा गा द्वारा दियेन डाऊवा होय, हेजा खुदके खाडेवा होय, कि डीच प्यार गेन बळातिंजे चाले। मसीह गेन उनाई जीवन 17 प्रभु नी इंज्के जो हाक जिले होय, डेगा सेंग्गोन इंज आपेके इनी चेतावानी जेबा मेना, कि जो कुरकू परमेश्वर के बान हाडाई होय, दिकुगा बेमतलब गा बिचार गा सेंग्गोन जीवन बाकी बिबातातिंज। 18 दिकु चोच्काभी बान समझातिंजू। चोयाकी दिकु पूरा खिजाटे दिमाग का बाऊ एठा जिद्दी होय, इनी वोजीटे दिकु परमेश्वर गा जीवन टे अलग्गोकुवा होय। 19 चोयाकी दिकु नका सेरोम महसूस बान दडा, दिकुनी गिदळी कामय दडा गा घल्जी खुदके बदलाके होय। दिकु हर खिजा गा गिदळी कामय दडावा होय, एठा दिकु जदा टे जदा गिदळी कामय दडा चाहतावा होय। 20 पेनो आपे कुरकून मसीह टे येनेगो शिक्षा बान घाटाडुका। 21 इंजेन याकिन होय कि जब आपेनी यीशु मसीह गा बारेन आजुम्के, मेटे आपेनी दियाटे सच्चो शिक्षानौर इथूवे। 22 इनिघल्जी आपे कुरकू के आपना पेला खिजा व्यवहार एठा जुना स्वभाव के आराकी होना डा, चोयाकी डी बहकातिंज मिनी इच्छानौर गा वोजीटे बिगळातिंजुवा होय। 23 पेनो परमेश्वर के मौका जे, कि डीच आपेगा मन गा बिचार के पूरा रितो टे उनाई डाकी। 24 एठा उनाई स्वभाव के उरिया, जो खुद परमेश्वर गा स्वभाव रोंगो होय। इनिघल्जी इनी उनाई स्वभाव गा रोंगो बर्ताव डाए, डेन सच्चो धार्मिकता एठा पवित्रता होय। उनाई जीवन गा नियम 25 इनिघल्जी आपे कुरकू लाबाळ मंडी आराकी एठा हरेक विश्वासी इनिज-दियाटे सच्चो मंडे, चोयाकी आले म्याका कोम्बोर गा अंगो होय। 26 अगर आपेन खीजो हेजेवा होय टासो, मेटे ध्यान डोए कि आपे पापो बाकी दडा, एठा आपेगा खीजो पूरा दिन बाकी थंदळ। 27 शैतान के आपेके भुबल्ला गा घल्जी मौका बाकी जिऊ। 28 जो चुरी दडाका डा, डीच नका टे चुरी बाकी दडा, पेनो मेहनत डाए कि डीच हेजा टी टे डाके मिनी उपयोगी कामयनौर गा द्वारा अलग्गो कुरकू गा जरुरत गेन मदत डाकी होना। 29 तुनिका गिदळी बातो आपेगा चाभु टे बाकी ओट, येनेगा बाजाय, डी बातो के मंडे जो कुरकू के विश्वास गेन पक्का आरु गेन मदत दडावा होय, ताकी आपे जो मंडीवा होय, दियाटे आपेगा आजोम मिंकूके गा भला होय। 30 पवित्र आत्मा के आपना जीवन बिबातातिंज गा तरीका गा वोजीटे दुखी बाकी दडा। चोयाकी पवित्र आत्मा, परमेश्वर गा कोनेटे जीकेमिनी चिक्खा होय, जो इनी बातो के ठहरातिंजेवा होय कि डी दिन हेजेवा जब डीच आपे कुरकू के पूरा तरीका टे आराकोम्बा। 31 आपे कुरकू सेबाई रोंगो गा काटिच एठा प्रकोप एठा खीजो, एठा आरी, एठा खिलाफबेन एठा सेबाई हिज्जमोळ गेल्ला हर खिजा गा बुराईनौर के आपना तालाटे लेंक्कीने। 32 इनिज-दिया लिंजेन कृपालु, एठा करुणामय होना, एठा जैसा परमेश्वर नी मसीह गा द्वारा आपेगा अपराध मापोके, डेनोगोका आपे भी इनिज-दियागा अपराध मापोए। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation