इफिसियों 1 - गवली उनाई नियमनमस्कार 1 इंज पौलुस, परमेश्वर गा इच्छाटे यीशु मसीह गा कलामके मिंकू चेलाकू मेना, इफिसुस शहर गा मसीह यीशु गेन विश्वास दडामिंकू परमेश्वर गा चोखरा कुरकू के इनी पत्र ओल्बा मेना। 2 इंज प्रार्थना दडावा मेना कि आलेगा परमेश्वर बाटे एठा प्रभु यीशु मसीह गा कोनेटे आपेन कृपा एठा शांती घाटाऊ चाले। मसीह गेन आत्मिक आशीर्वाद नौर 3 परमेश्वर गा धन्यवाद डायु, जो आलेगा प्रभु यीशु मसीह गा बाटे होय, चोयाकी मसीह यीशु गा सेंग्गोन आलेगा रिश्ता डाऊ गा वोजीटे डीचनी आलेके स्वर्ग गा हरेक प्रकार गा आत्मिक आशीर्वाद नौर जिले होय। 4 परमेश्वर नी दुनिया गा आरु दडा टे पेला मसीह गेन आलेगा रिश्ता आरु गा द्वारा आलेन दियागा सम्मान चोखरा एठा निर्दोष ठहरातिंजूबा। 5 परमेश्वर नी हेजा प्यार गा वोजीटे पेलाका फैसला डाके डा कि यीशु मसीह गा द्वारा आले दियागा गोद सावेमिंकू कोणकु आरुयु। इनी परमेश्वर गा भला इच्छाटे डाएन होय। 6 इनिघल्जी आले परमेश्वर गा महिमा टे भेट्टिके कृपा गा वोजीटे दियागा स्तुति डाए। डी कृपा आलेके परमेश्वर गा प्रिय कोण गा द्वारा घाटाएन होय। 7 चोयाकी आलेके मसीह गा पचना गा द्वारा आराएन मतलब पापो गा मापो घाटाएन होय। इनी परमेश्वर गा खाट कृपा गा परिणाम होय। 8 एठा डीचनी डी कृपा के हेजा सेबाई ज्ञान एठा समझो गेल्ला आलेन घोनेचटेका जिले होय। 9 परमेश्वर नी हेजा इच्छा गा भेदो आले लिंजेन हेजा भला मकसद गा रोंगो ओटके डा, जो डीचनी मसीह गा द्वारा डी कामय के पूरा दडा गा घल्जी ठहरातिंजके डा। 10 जब इनी योजना गा पुराऊ गा टेमो हेन, मेटे परमेश्वर बदळा एठा पृथ्वी गा सेबाई सामोननौर के मसीह गा हाक गा हात टाल्लेन म्या जागान गोलाके, ताकी मसीह इनी सेबाई बातो लिंजेन हाक डोकी। 11 परमेश्वर नी आले यहूदी कुरकू के भी मसीह गेन हेजा कुरकू डाऊ घल्जी कलाम्जेकु, ताकी आले परमेश्वर गा कोनेटे विरासत घाटायु होना। चोयाकी इनी सुरुवात टेका दियागा योजना डा। डीचनी हेजा योजना एठा इच्छा गा रोंगो का डाके। 12 आले यहूदी कुरकू, पेला कुरकू होय दिकुनी मसीह लिंजेन आसा डोके डा, एठा आले इनिघल्जी कलमजे मेना डा, कि आले परमेश्वर गा महिमा गा स्तुति गा वोजीटे डायु। 13 एठा जब आपेनी सच्चाई गा वचन के आजुमटे विश्वास डाके, जो उध्दार गा अच्छा खाबोर होय, मेटे आपे भी परमेश्वर गा कुरकू आरोएन। आपेनी मसीह लिंजेन विश्वास डाके एठा परमेश्वर नी हेजा गा वादा गा रोंगो आपेके पवित्र आत्मा जीटे आपे लिंजेन चिक्खा येंडाके। 14 आलेगा घल्जी पवित्र आत्मा गोलाके डामा गा रोंगो होय, कि आले डी विरासत के घाटाएवा, डीके जिऊ गा वादा परमेश्वर नी हेजा कुरकू टे डाके होय। येटेन इनी बातो गा पक्का सबुत होय कि परमेश्वर हेज कुरकू के पूरा आजादी जेबा देटे परमेश्वर गा महिमा एठा स्तुति डायु। पौलुस गा प्रार्थना 15 जब टे इंज्नी प्रभु यीशु मसीह लिंजेन आपेगा मजबूत विश्वास एठा डी प्यार गा बारेन आजुम्के, जो आपे परमेश्वर गा कुरकू टे दोडोवा होय, 16 तबटे इंज्नी आपेगा गा घल्जी परमेश्वर गा धन्यवाद दडा बान आराडुका, एठा हमेशा आपेके इंजा प्रार्थनानौर गेन यादो दडा लक्कूवा मेना। 17 इंज परमेश्वर टे प्रार्थना दडावा मेना, कि परमेश्वर जो आलेगा प्रभु यीशु मसीह गा महिमा टे भेट्टिके बाटे होय। डीच आपेके आत्मिक ज्ञान एठा समझो जे, ताकी आपे दिकुके पूरा तरीका टे हाडाईयु होना। 18 इंज इनी भी प्रार्थना दडावा मेना कि सच्चाई के समझातिंजू गा घल्जी डीच आपेगा मदत डाकी, ताकी आपे चिनाया होनाकी आपेगा हाकोऊ गा आसा चोच होय, एठा परमेश्वर गा कुरकू गा घल्जी दियागा वादा डाके मिनी आशीर्वाद नौर चोटो महान एठा महिमा टे भेट्टिके होय। 19-20 इंज चाहतावा मेना कि आपे इनी चिनाया कि परमेश्वर गा शक्ती चोटो महान होय, जो मसीह लिंजेन विश्वास दडामिंकू गा तालान कामय दडावा होय। इनी डीका महान शक्ती होय डेगा द्वारा परमेश्वर नी मसीह के गोएन मिठाच जाटे डाबोलटे जीटाटे स्वर्ग गेन हेजा जेवना कोनेन सुबांकेनेच। 21 डी जगान परमेश्वर नी मसीह के सेबाई रोंगो गा प्रधानता, हाक, शक्ती, प्रभुता, एठा हर म्या जीमू गा मठान, जो न बस इनी जामनान पेनो हेजे मिनी जामानान भी याजक ठहरातिंज्केनेच होय। 22 परमेश्वर नी सेबाईका दियागा का हाक गेन जीके, एठा डीचके मसीह गा मंडली गा भलाई गा घल्जी सेबाई बातो लिंजेन प्रधान ठहरातिंज्केनेच। 23 मसीह गा मंडली, मसीह यीशु गा कोम्बोर होय, एठा मसीह गा भेट्टिव होय। जो पूरा खिजाटे सेबाई चोच्काभी भेट्टेवा होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation