ಕೊಲೊಸ್ಸೆ 4 - गवली उनाई नियममसीही कृपा 1 हे मलिकोकु, आपना-आपना भाग्यकु गा सेंग्गोन साही न्याय एठा साही व्यवहार डाए, इनी समझातिंजटे कि स्वर्ग गेन आपेगा भी म्या मलिको होय। 2 प्रार्थना दडा गेन चालुकू एठा परमेश्वर के हमेशा धन्यवाद जिऊ लठ्ठाका जाट्टो थंदळे। 3 डेनोगोका आले घल्जी भी प्रार्थना दडाका लक्कू, कि परमेश्वर आलेके वचन घागल गा येनेगो मौका सेगे, कि आले मसीह गा डी भेदो गा वर्णन डाकी डेगा वोजीटे इंज जेलेनके मेना। 4 प्रार्थना डाए, कि इंज मसीह गा भेदो के खुल्लाटे खाबोर घाल्की होना जैसा इंजेन दडा होना। 5 साही मौका गा इस्तमाल डाटे अविश्वासीकु गा सेंग्गोन दिमागदरी गा सेंग्गोन व्यवहार डाए। 6 आपेगा बातो-चितो हमेशा आरी मिनी एठा मनेन घैय्यु होना, एठा आपेन हर जेकाकेभी के साही तरीका टे जवाब जिऊ हाडाई होना। आखरी नमस्कार 7 हे इंजा प्रिय डाई तुखिकुस, जो प्रभु गा कामय गेन आलेगा सेंग्गो कामय मिठाच एठा विश्वास लायको सेवक होय, इंजा बारेन सेबाई बातो आपेके घालेवा। 8 इनिघल्जी इंज डीचके आपे मेरान कुलेच लक्के मेना, कि आपेन आलेगा हाल मालूम्जू एठा डीच आपेगा दिलनौर के तसल्ली जे। 9 इंज दियागा सेंग्गोन उनेसिमुस के कुलेच लक्के मेना, दिकु प्रिय विश्वास लायको डाई जो आपेगा का पूरा टे होय। दिकु आपेके एनेगा सेबाई बातो घालेवा। 10 अरिस्तर्खुस, जो इंजा सेंग्गोन जेलेंके होय, एठा मरकुस जो बरनबास गा डाईटे लगातिंजुवा होय दिकुगा आपेके नमस्कार। आपेनी दियागा बारेन पेलाका हुकूम घाटावे डा, कि जब मरकुस आपेगा मेरान हेजे मेटे आपे दियागा स्वागत डाकी। 11 यीशु, जो यूस्तुस जीमू गा मंडेबा होय, आपेके नमस्कार दडावा होय। खतना डाके कुरकू तलाटे बस इंकू आफाईकु परमेश्वर गा राज्य गा घल्जी इंजा कामय दडामिठाच एठा इंजा हिम्मत गा वाजा थंदळके होय। 12 इपफ्रास गा कोनेटे, जो आपेगा का पूरा गा तलाटे होय एठा यीशु मसीह गा भाग्य होय, आपेके नमस्कार दडावा होय। डीच हमेशा आपेगा घल्जी प्रार्थना दडा लक्कूवा होय, देटे आपे कुरकू सेबाई बातो गेन परमेश्वर इच्छाके पूरा रुपोटे पुपारान पक्का आरुका थंदळे। 13 इंज खुद दियागा कठिन मेहनात गा बारेन गवाही जेबा मेना, जो डीच आपेगा घल्जी एठा लौदीकिया पुरा एठा हियरापुलिस शहर मिंकू गा घल्जी दडाका लक्कूवा होय। 14 प्यारे डाक्टर लूका, एठा देमास आपेके नमस्कार दडावा होय। 15 लौदीकिया पुरा गा विश्वासी डाईचो के एठा बोकजाईकु के एठा बोकजाई नुमफास के एठा दियागा उरा गेन गोलाऊमिनी मसीह गा मंडली के आलेगा नमस्कार मंडीकी। 16 जब इनी पत्र आपे येनेन पळातिंजके कि मेटे येनेगो डाकी कि लौदीकिया पूरा गा मसीह गा मंडली गेन भी इनी पत्र पळातिंजोम एठा डी पत्र जो लौदीकिया पुराटे हेन डीके आपे भी पळातिंजे। 17 एठा अरखिप्पुस, टे मंडीकी कि जो सेवा प्रभु गेन डीचके जीके होय, डीके ध्यान टे पुराए। 18 इंज पौलुस, इंजा टीनौर टे इनी पत्र ओल्बा मेना एठा आपेके नमस्कार मंडीवा मेना। इनी यादो डोकी कि इंज जेलेनके मेना। परमेश्वर गा कृपा आपे सेंग्गोन थंदळकु। आमीन। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation