ಕೊಲೊಸ್ಸೆ 3 - गवली उनाई नियमपवित्र जीवन गा नियम 1 इनिघल्जी जब आपे मसीह गा सेंग्गोन जीटाएन होय, मेटे स्वर्गीय बातो गा कोनेन मन येंडाए, येटेन मसीह परमेश्वर गा जेवना कोनेन हेजा गा सिंघासन लिंजेन सुबांके होय। 2 पृथ्वी लिंजेन गा बातो लिंजेन बाने, पेनो स्वर्ग गा विषयनौर लिंजेन मन येंडाए। 3 चोयाकी आपे आपेगा पापो गा स्वभाव गेन गोएन मेना होय एठा आपेगा जीवन मसीह गा सेंग्गोन परमेश्वर गेन उखुके मेना होय। 4 आपेगा सच्चो जीवन मसीह होय एठा जब डी ओटबा, मेटे आपे भी डेगा महिमा गेल्ला दियागा सेंग्गोन ओटबा। जुना जीवन एठा उनाई जीवन 5 इनिघल्जी आपे आपेगा बुरा इच्छानौर के आरागे, जो आपेगा पापी स्वाभव टे जोळातिंज्के होय, मतलब आनोवा, बिसोटोपण, बुरा कामयनौर, बुरा इच्छा एठा लालीचो जो कि मूर्तीपुजा गा बराबोर होय। 6 चोयाकी इनी बुरा कामयनौर गा वोजीटे, जो कुरकू दियागा हुकूमनौर पालन बान दडा, परमेश्वर पक्का रुपोटे दिकुके कडी सजा जेबा। 7 म्या टेमो आपे भी येनेगोका इच्छा रोंगो जीवन बिबातातिंज डा, एठा येनेगा का रोंगो सेंद्रा डा। 8 पेनो नका आपे सेबाई बातो के आराकी, मतलब खीजो, गुस्सा एठा दुश्मनी, तुनिकाभी खिलाफबेन बातो एठा आराम गा बातो आपेगा चभुटे बाकी ओट। 9 इनिज-दियाटे लाबाळ बाकी मंडी, चोयाकी आपेनी पापोमय स्वाभव के दियागा कामय गेल्ला आगुरुके होय, 10 एठा म्या उनाई स्वाभव उरीये होय। इनी डी उनाई स्वभाव होय, जो हेजा सिरजनहार गा रोंगो उनाई आरुवाका होय, कि डीच डीके भली-भाती समझतिंज। 11 सबुत गा रुपोन, नका न जेकाभी यूनानी एठा यहूदी कुरकून जेकाभी, एठा न खतना एठा न खतना बान दडुका मिंकू जेकाभी भेद-भाव होय, न डोंगोरेन, न गाँव गेन जेकाभी, न गुलाम एठा न आजादी गेन जेकाभी भेद-भाव होय, पेनो मसीह सेबाईका होय एठा मसीह सेबाईकुन होय। मसीह जीवन 12 आपे परमेश्वर गा कुरकू होय, डीचनी आपेके हेजा चोखरा कुरकू आरु गा घल्जी कलाम्केमी एठा आपेटे प्यार डावे। इनिघल्जी आपे दया, नम्रता, भालाई, सब्य्रता गेन एठा सहनशीलता गा स्वभाव के उरिया। 13 जब चोलाकभी आपेन जेका लिंजेन आनोवा तोटाका मौका घाटायु, मेटे इनिज-दियागा सहेंजा एठा इनिज-दियागा मापोकेकु। जैसा प्रभु नी आपेगा गुनाह मापोके, डेनोगोका आपे भी इनिज-दियागा गुनाह मापोए। 14 सेबाई टे महत्वपूर्ण बातो जो आपेन दडा होना, डी इनी होय, कि इनिज-दियागा टे प्यार डाए। येनेगो दडा टे आपे पूरा खिजाटे म्यागुवा। 15 मसीह गा शांती आपेगा मनेन राजो डाए, चोयाकी आपे सेबाईकु म्याका कोम्बोर गा अंगो होय, इनिघल्जी आपेन इनिज-दियागा सेंग्गोन शांती टे थंदळ घल्जी हाकोकेमी होय, एठा धन्यवाद डाए लक्कू। 16 मसीह गा वचन के मौका जे, कि डी बिचारनौर लिंजेन एठाभी आसर डाकी होना। सेबाई ज्ञान गेल्ला इनिज-डीचके इथूकु एठा घाले, एठा आपना मन गेन धन्यवाद गा सेंग्गोन परमेश्वर गा घल्जी भाजन एठा स्तुतिगना एठा आत्मिक गना सिरिंजे। 17 जो चोच्काभी आपे मंडे या डाए, सेबाईका प्रभु यीशु गा जीमू टे डाए, एठा दियागा द्वारा परमेश्वर बाटे गा धन्यवाद डाए। मसीह खटला गा घल्जी नियम 18 हे जापाएकु, आपना सानाकु गा आजुमे, चोयाकी मसीही आरु गा नाते आपेन येनेगो दडा होना। 19 हे सानाकु, आपना जापाएकु टे प्यार डाए एठा दिकुगा सेंग्गोन कठोर व्यवहार बाकी दडा। 20 हे चाफ्निकु, मसीही आरु गा नाते हमेशा आपना आंटे-बाटे गा हुकूम गा पालन डाए, चोयाकी येनेटे परमेश्वर खुशोऊवा होय। 21 हे बाटेकु, आपना कोणकूके खीजो बाकी जिऊ, कही येनेगो बाकी डाऊ कि दिकु निरासोजू। 22 हे सेवककु, जो कोम्बोर गा रोंगो आपेगा स्वामी होय, दिकुगा हुकूमनौर पालन डाए। कोरोकु गा सम्मन घाटाऊ घल्जी घागल कामय बाकी दडा, पेनो मन गा सिधाई टे एठा परमेश्वर गा हिगरा टे कामय डाए। 23 जो चोचका आपे डाए तन-मन टे इनी समझातिंजटे डाए, कि कोरोकु घल्जी बाने पेनो प्रभु गा घल्जी दडावा होय। 24 यादो डोए कि परमेश्वर आपेके पुरस्कार गा रुपो गेन जयदाद जेबा, जो डीचनी हेजा गा कुरकू गा घल्जी तैयारके होय। चोयाकी मसीह सच्चो स्वामी होय, दियागा आपे सेवा दडावा होय। 25 एठा बुरा दडामिंकू इकुगा बुराई गा ईनाम घाटाऊवा, चोयाकी परमेश्वर हर जेका गा न्याय बिना पक्षपात गा डाएवा। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation