ಕೊಲೊಸ್ಸೆ 2 - गवली उनाई नियम1 इंज चाहतावा मेना कि आपे चिनाया, कि आपेगा घल्जी एठा लौदीकिया पुरा गा कुरकू गा घल्जी, एठा डी सेबेईकु घल्जी जो इंज्के व्यक्तिगत तौर टे बान हाडाई, कि इंज भेबाव मेहनत दडावा मेना। 2 इंज इनी दडावा मेना, ताकी दिकुन आरी घाटायु एठा प्यार टे इकु-इकून जुळतिंज थंदळे, एठा दिकु ज्ञान गा सेबाई डामा हसिलजा होना एठा दिकुके परमेश्वर बाटे गा उखु योजना गा बारेन पूरा समझो होना, जो खुद मसीह होय। 3 चोयाकी दियागा द्वारा परमेश्वर गा ज्ञान एठा मन ओटबा होय, जो म्या उखुके मिनी खजाना रोंगो होय। 4 इनी इंज इनिघल्जी मंडीवा मेना, कि जेका आपेके बहलातिंजू मिनी बातो टे धोका जीटे भुल्लाकेमी बाकी। 5 चोयाकी इंज कोम्बोर गा भाव टे आपेगा सेंग्गोन बान मेना, मेटे भी आत्मिक भाव टे आपेगा मेरान मेना, एठा आपे डीका खिजाटे जीवन बिबातातिंज लक्के होय जो खिजाटे आपेन बिबातातिंज सही होय। मसीह गेन आरुका थंदळे 6 इनिघल्जी, जैसा आपेनी मसीह यीशु के प्रभु मेंटो मनेन केनेच होय, डेनोगोका डीका के डेका रोंगो डाए लठ्ठाका आपना जीवन बितातिंजे। 7 डेनका अमागा विश्वास एठा आपना ताला गा आत्मिक तरक्की डाए, आमेन जो विश्वास गा शिक्षा हासिलजे होय, डेनका पक्का आरु थंदळकु, एठा परमेश्वर गा धन्यवाद डाए चाले। 8 ध्यान टे थंदळे कि जेका आपेके डी कोरोकु बेकार ज्ञान एठा वोया बातो गा द्वारा धोका बाकी जिऊ होना, जो कुरकू गा परम्परा गा रोंगो एठा संसारिक गा शिक्षा रोंगो मेटे पेनो मसीह गा कोनेटे बाने होय। 9 चोयाकी मसीह गा कोम्बोर अंगोन परमेश्वर गा पूरा स्वभाव हेजेवा होय। 10 आपे मसीह पूरा आरोएन होय। एठा मसीह यीशु सेबाई प्रधानताओ लिंजेन एठा अधिकारी लिंजेन मुख्या होय। 11 जब आपेनी मसीह लिंजेन विश्वास डाके, मेटे आपेगा खतना कोरोकु द्वारा टी टे बान दडुका, बनकी मसीह गा द्वारा डाएन, एठा आत्मिक तरीका टे डाएन होय, जो कोम्बोर गा पापोमय स्वभाव के आगुरोएवा होय। 12 चोयाकी जब आपेगा बपतिस्मा डाएन, आपे मसीह गा सेंग्गोन गळातिंज्के। एठा डीका बपतिस्मा गेन परमेश्वर गा शक्ती लिंजेन विश्वास दडावा होय, डीचनी डीचके गोएन मिठाच जाटे जीटाकेनेच, ताकी आपे भी मसीह गा सेंग्गोन जीटायु। 13 पेला टेमो आपे आपना पापो गा वोजीटे एठा आपेगा खतना डाके डाऊ गा वाजाटे आत्मिक तौर टे घोच्के डा। पेनो नका परमेश्वर नी आपेके मसीह गा सेंग्गोन जीटाकेमी होय एठा आपेगा सेबाई पापो के मापोके होय। 14 डीचनी आलेके गुनेगार ठहरातिंजे मिनी विधीनौर गा ओलके रद्दाके होय, जो विधी एठा नियमनौर गा वोजीटे आलेगा गा खिलाफबेन डा एठा डीचके क्रूस लिंजेन खिलानौर टे ठोकातिंज पूरा रोंगो टे लेंक्कींकेनेच होय। 15 मसीह नी डी क्रूस लिंजेन हेज खुदके हरेक प्रधानता एठा अधिकारनौर टे हरातिंज्के एठा दिकुके दुनिया गा नजरेन ईटा टिपीके। एठा क्रूस गा जीटाऊ गा यात्रा गेन दिकुगा सेबाईकु सम्मान तमाशा आरुके। 16 इनिघल्जी जोजोम-नुनू या तिवार या उनाई चंद्र, या परमेश्वर गा चोखरा दिननौर गा बारेन जेका आपे लिंजेन आनोवा बाकी तोटाका होना। 17 चोयाकी इनी सेबाई नियम हेजे मिनी बातो साईली होय, पेनो मसीह सच्चाई होय। 18 जेका आमके अमा ईनाम टे लेंक्कीन कोम टासो, येनोगो कोरो, आरी गेल्ला घागल लठ्ठाका, स्वर्गदूतकु गा आराधना डाटे एठा ताला गा आत्मिक दोडो गा दावा दडा लठ्ठाका, खुदके खाट समझातिंजेवा होय, एठा आपना दुनिया गा ज्ञान गा वोजीटे घमंड टे भेट्टीवा होय। 19 डीचनी कोम्बोर गा आए टेमो खाबोर के मनेन दडा एठा इथू बंदोके, जो मसीह गा मेन खाबोर डा, जो खिजा म्या कापर कोम्बोरके सुचना दडावा होय, डीका रोंगो मसीह हेजा गा सेबाई कुरकू के सुचना दडावा होय ताकी दिकु म्यामुठ्ठी थंदळे एठा जुळतिंज थंदळे एठा बळातिंजू चाले, जैसा कि परमेश्वर चाहतावा होय दिकु विकसित डायु। मसीह गा सेंग्गोन जीवन बिबातातिंज एठा गुजू 20 जैसा कि आपे मसीह गा सेंग्गोन गोएन एठा इनी दुनिया गा पारंपरिक शिक्षानौर टे आझाद जे होय, मेटे डाबोलटे येनोगो जीवन चोया बिबातातिंज्बा होय, जैसा कि आपे इनी दुनिया गा होय? आपे येनोगो विधीनौर गा पालन चोया दडावा होय, 21 कि “इनी बाकी उठा,” “डीके बाकी जोम,” एठा “दूसराकु के बाकी उठा”? 22 इनी सेबाई विधीनौर टे तुनिका फायदा बाने, इनी बस कुरकू गा नियम एठा शिक्षानौर होय। एठा इनी येनेगो चीजो टे संबंध दोडोवा होय, जो उपयोग गेन हेजे लिंजेन नाशोऊवा होय। 23 चाहे चोच्काभी डायु इनी नियम कोरो रुपो सधना एठा कळाक्को स्वभाव द्वारा ज्ञान गा लाबाळ दिखावा दडावा होय, पेनो कोम्बोर गा इच्छानौर के रोराकातिंजेन येनेटे चोच्काभी फायदा बान डाऊ। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation