ಕೊಲೊಸ್ಸೆ 1 - गवली उनाई नियमशुभकामयनौर 1 इंज पौलुस, जो परमेश्वर गा इच्छाटे मसीह यीशु गा कलामके मिठाच चेला मेना, एठा डाई तीमुथियुस गा कोनेटे भी इनी पत्र मसीह गेन दिकु चोखरा एठा विश्वास लायको डाईचो गा जीमू ओल्बा मेना, जो कुलुस्से शहर गेन थंदळवा होय। 2 आलेगा परमेश्वर बाटे एठा प्रभु यीशु मसीह गा कोनेटे कृपा एठा शांती आपेन घाटाऊ लज्जू। धन्यवाद 3 जब आले आपे घल्जी प्रार्थना दडावा होय, आले आलेगा प्रभु यीशु मसीह गा बाटे मतलब परमेश्वर गा धन्यवाद दडावा होय। 4 चोयाकी आलेनी आजुम्के होय, कि मसीह यीशु लिंजेन आपेगा विश्वास होय एठा सेबाई चोखरा कुरकू टे आपे प्यार दोडोवा होय। 5 आपेगा विश्वास एठा प्यार डी आसा लिंजेन निर्भर होय, जो आपेगा घल्जी स्वर्ग गेन सजाका डोके होय। डेगा बारेन आपे पेलाभी आजोमके होय, जब अदा कुरकू आपेगा मेरान हेजे एठा मसीह यीशु के अच्छा खाबोर के आपेके घाल्के, जो परमेश्वर गा सच्चो वचन होय। 6 डीके आजुमटे घोनेचका कुरकू विश्वास दडा लक्के होय एठा अच्छा खाबोर दुनिया गें फैलातिंजू लक्के होय। एठा इनी बातो के नका पूरा खिजाटे समझातिंजे होय, कि परमेश्वर चोटो कृपा मिठाच होय। इनी डीका जो आपेगा तालान डी टेमो टे डाऊ लक्के होय जब आमनी पेला बार खाबोर आजुम्के डा। 7 दियागा का शिक्षा आपेनी आलेगा प्यारा सोप्ती इपफ्रास टे इथूके, जो आलेगा घल्जी मसीह गा विश्वास लायको सेवक होय। 8 डीचकानी आलेके आपेगा डी प्यार गा बारेन घल्ले होय, जो आपेन पवित्र आत्मा द्वारा घाटाएन होय। आत्मिक उन्नति गा घल्जी प्रार्थना 9 इनिघल्जी जो दिन टे आपेगा बारेन इनी आजुम्के होय, आलेभी आपेगा घल्जी हमेशा प्रार्थना एठा बिनती दडा लक्कूवा होय, कि डीच आपेके सेबाई आत्मिक ज्ञान एठा दिमाग जिकी होना, देटे आपे परमेश्वर गा इच्छा पूरा रुपोटे समझातिंजा होना। 10 ताकी आपे प्रभु इच्छा रोंगो जीवन बिबातातिंज गा लायको आरोए एठा हमेशा जो दियेन अच्छा लगातिंजुवा होय डीका डाए, एठा आपे हमेशा हरेक प्रकार गा अच्छा कामय डाए ताकी आपे परमेश्वर के येठाभी जादा बेहतर तरीका टे चिनाएच होना। 11 कि परमेश्वर आपेके हेजा गा महिमा गा शक्ती रोंगो सेबाई प्रकार गा सामर्थ्य टे तखातदार कोम, ताकी आपे आराम्बो एठा खुशीटे आपना कासुनौर के सहेसेनजा होना। 12 एठा बाटे परमेश्वर गा धन्यवाद दडा लक्कू, डीचनी आलेके इनी लायको आरुकेमी कि उजाला गा राज्य गेन चोखरा कुरकू गा सेंग्गोन विरासत गेन बेल्लायु होना। 13 चोयाकी डीचकानी आलेके अंधकार गा शक्तीनौर गा काबू टे आराटे, हेजा प्रिय कोणटे गा राज्य गेन मुकेमी। 14 जो कोणटे गा बलिदान गा द्वारा परमेश्वर नी आलेके आलेगा आराके मतलब पापो गा मापो जिले होय। मसीह गेन मिलातिंजू 15 मसीह बान डूगुमिठाच परमेश्वर गा खिजा होय एठा सेबाई दुनिया गेन पेला कोण होय। 16 चोयाकी दियागा का द्वारा परमेश्वर नी बदळा गेन एठा पृथ्वी लिंजेन सेबाईका आरुके, डोके मिनी या बान डूगु चीजोनौर, चोच प्रधाननौर, चोच हाक, आध्यत्मिक शक्तीनौर, चोच प्रभुतानौर, सेबाईका दियागा व्दारा एठा दियागा घल्जी आरुके मेना होय। 17 मसीह सेबाई दुनिया गेन आरुके मिनी सेबाई चीजो टे पेला होय एठा सेबाई दुनिया दियागा का द्वारा म्या सारी रोंगो हेजा सही जगानौर गेन कामय दडा लक्कूवा होय। 18 डीका हेजा कोम्बोर, मतलब मसीह गा मंडली गा कपार होय। डीचका सुरुवात होय एठा गोएन मिठाच जाटे जीटामिंकू तलाटे पेला डाएनमिठाच होय, कि सब बातो गेन डीचका अच्छा ठहरातिंजू। 19 चोयाकी बाटे परमेश्वर खुशी इनिजेनका होय, कि मसीह गेन परमेश्वर गा सेबाई स्वाभव मुयू होना। 20 परमेश्वर नी हेजा कोणटे गा द्वारा सेबाई दुनिया गा सेंग्गोन डाबोलटे मिलातिंजू टाएन डाके। परमेश्वर नी हेजा कोणटे गा क्रूस लिंजेन आडीके मिनी पचना गा द्वारा दुनिया गेन शांती गा स्थापना डाके, एठा सेबाई चीजोनौर दियाका द्वारा हेजा टी गेन सैय्ये, चाहे डी पृथ्वी होय या बदळा गा। 21 आपे कुरकू भी आपना बुरा कामय गा वोजीटे परमेश्वर टे लेंक्कीनजे डा एठा मन गेन दुश्मनी भेट्टेन डा। 22 परमेश्वर नी नका हेजा गा कोणटे गा कोम्बोर गेन गुजू गा द्वारा आपेगा सेंग्गोन भी मिलातिंज्के, ताकी आपेके हेजा सम्मान चोखरा एठा बिनादागो एठा निर्दोष आरुटे ओडेचबा। 23 पेनो आपेन नी विश्वास गा आधार लिंजेन पक्का एठा अटल आरुका थंदळ होना एठा डी अच्छा खाबोर गा आसा के डीके आपेनी आजुम्के होय बाकी आरा, एठा डेगा खाबोर बदळा इटान सेबाई दुनियान डाके होय, एठा डेगा इंज पौलुस सेवक आरोएन। मसीह गा मंडली घल्जी बळाई 24 आपे घल्जी इंज कासु गेन भी खुशोऊवा मेना, एठा मसीह गा कासुनौर गा बचातिंज्के भागो दियागा कोम्बोर घल्जी मतलब मसीह गा मंडली गा घल्जी, हेजा कोम्बोर गेन पुराएवा मेना। 25 मसीह गा मंडली गा घल्जी, इंज परमेश्वर गा योजना गा द्वारा कलामके भाग्य मेना, जो आपे घल्जी इंज्के जीकेमी, ताकी इंज परमेश्वर गा वचन के पूरा प्रचार डाकी होना। 26 मतलब डी भेदो के जो जमानानौर एठा पीढीनौर टे कुरकू टे ऊखुकेका, पेनो नका परमेश्वर गा डी चोखरा कुरकू लिंजेन ओटके होय। 27 परमेश्वर नी दिकुके घागल चाहताके डा ताकी दिकु चिनाया, कि अलग्गो जाटोनौर गेन डी भेदो गा महिमा मूल्य चोच होय एठा डी भेदो इनी होय, कि मसीह जो महिमा गा आसा होय आपेन नी थंदळवा होय। 28 इनिघल्जी आले मसीह गा प्राचर डाटे हर म्या कोरोकु के चेतावनी जेबा एठा सेबाई ज्ञान टे दिकुके इथूवा होय, देटे कि हरेक म्या कोरो के मसीह गेन पक्काटे परमेश्वर गा सम्मान ओटकेच। 29 इनिघल्जी घल्जी, इंज मसीह गा डी शक्ती रोंगो जो इंजेन ताखात गा सेंग्गोन आसर डाएवा होय, तन-मन येंडाटे मेहनात भी दडावा मेना। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation