ಅಪೊಸ್ತಲ್ 9 - गवली उनाई नियमशाऊल गा मन बदलाऊ 1 इनी तलान शाऊल जो आए टाएन प्रभु यीशु गा चेलाकू धधामकातिंज एठा घोगेच गा धुनेनके डा, देटेन खाटयाजक गा मेरान ओले। 2 एठा दियाटे दमिश्क पूरा गा आराधना जगा गा जीमू लिंजेन इनी मकसद गा चिठ्ठीनौर आसिवे, कि तुनिकाभी साना या जापाए, मसीह गा समूह टे संबंध डा दिकुके टोलटे यरूशलेम शहर गेन सालेकु। 3 जब शाऊल एठा दियागा सोपतीकु दमिश्क पूरा गा आदिरुन का डा मेटे म्या गा बादोन म्या बदळा टे शाऊल गा उफुन भी कोनेन उजाला चमकातिंजे, 4 एठा देटेन ओटेन बोचोएन, एठा परमेश्वर गा इनी आवाज आजुम्के, “हे शाऊल, हे शाऊल, आम इंज्के चोया सतातिंज्कोम लक्के होय?” 5 डीचनी कोम्बाराके, “हे प्रभु, आम जे होय?” यीशु नी जवाब जीके, “इंज यीशु मेना, डीचके आम सतातिंजेज्बा होय। 6 पेनो नका बिडे डो पुरान सेने एठा जेका आमके घालेवा कि आमेन चोच दडा होना होय।” 7 जो कोरो दियागा सेंग्गोन डा, डीच कायोमका थंदळजे, चोयाकी आवाज मेटे आजुमू डा, पेनो जेकाकेका दोडो बान डा। 8 मेटे शाऊल ओटे टे बिटजे। पेनो जब मेट उघाळजे मेटे दियेन चोचकाभी बान दोडुका इनिघल्जी दिकु दियागा टी उठाटे दमिश्क पुरान सैय्येनेच। 9 देटेन आफाई दिन टाएन अंदळाका थंदळके। एठा डीचनी न चोच्का जोवे न नुडूका। शाऊल गा बपतिस्मा 10 दमिश्क पुरान हनन्याह जीमू गा म्या चेला डा, दियाटे प्रभु यीशु नी दर्शन गेन मंडीके, “हे हनन्याह!” डीचनी मंडीके, “हां प्रभु।” 11 मेटे प्रभु यीशु नी दियाटे मंडीके, “बिडे डो सीधी जीमू गा गिलीन सेने डो यहूदा गा उरा गेन शाऊल जीमू म्या तरसुस शहर गा थंदळ मिठाच के कोम्बाराकेच, चोयाकी डीच प्रार्थना दडा लक्के होय। 12 डीचनी दर्शन गेन डोके होय कि हनन्याह जीमू गा म्या कोरोनी हेंडो दियागा लिंजेन टी डोके कि देटेन डाबोलटे दोडो लज्जे।” 13 हनन्याह नी जवाब जीके, “हे प्रभु, इंज्नी इनी कोरो गा बारेन घोनेच कुरकू टे आजुम्के होय कि इनिजनी यरूशलेम शहर गेन अमा चोखरा कुरकू गा सेंग्गोन खाट बुराई डाके होय। 14 एठा येटेन भी इनीजेन मुख्यायाजककु कोनेटे हाक घाटाएन होय, कि जो अमा लिंजेन विश्वास दोडोवा होय, दिकुके टोलटे यरूशलेम शहर गेन साकुवा।” 15 पेनो प्रभु नी दियाटे मंडीके, “आम सेंजू, देटेन इंजा कलामके कुरकू होय, जो अलग्गो जाटो गा कुरकू, राजाकु गा एठा इस्राएली कुरकू गा सम्मान इंजा खाबोर घालेवा। 16 इंज डीचके घालेवा, कि कुरकू के इंजागा बारेन घागल वोजीटे टोनोगो कासु तुटूल होना होय।” 17 मेटे हनन्याह डी उरा गेन हेन, देटेन शाऊल पेळाके डा एठा दिया लिंजेन हेजा टी धोटे मंडीके, “हे डाई शाऊल, प्रभु यीशु, जो डी कोरान देटे आम हेन आमेन डोके मेना डा, डीच्कानी इंज्के कुल्लेमी होय, ताकी आम डाबोलटे दोडो लज्जू एठा पवित्र आत्मा टे भेट्टीयु।” 18 पेनो दियागा मेट टे सिलीच गा रोंगो चोच्का बोचोके, एठा डीच दोडो लज्जे एठा बिटजे डो बपतिस्मा सावे। 19 एठा आटा जोम्टे तखात हेन। देटेन चोटोका दिन टाएन डी चेलाकू गा सेंग्गोन थंदळके दमिश्क पूरा गेन डा। शाऊल द्वारा यीशु मसीह गा घागल 20 तुरुटो शाऊल नी दमिश्क पुरान यहूदी आराधना जगानौर गेन यीशु मसीह गा बारेन शिक्षा जिऊ सुरुके, कि यीशु का परमेश्वर गा कोणटे होय। 21 सेबाई आजुममिंकू बिचारजे डो मंडी लज्जे, “चोच येटेन डीका कोरो बान होय जो यरूशलेम शहर गा पुरान दिकुके जो मसीह यीशु गा विश्वासीकु डा नशोकु डा, एठा इंगान भी इनिघल्जी हेन डा, कि दिकुके टोलटे मुख्यायाजककु गा मेरान सैय्याकु होना?” 22 पेनो शाऊल नी येठाभी ठायका शक्तीशाली रुपोटे खाबोर घागल सुरुके एठा इनी बातो गा साबुत जी-जीटे कि यीशु का मसीह होय, दमिश्क पूरा गा थंदळ मिंकू यहूदी कुरकू गा मंडीका कायोमकु लज्जे। 23 जब शाऊल के दमिश्क पुरान थंदळ लठ्ठाका घोनेच टेमो डाएन मेटे यहूदी कुरकू नी डीचके घोगेच योजना आरुके। 24 पेनो दिकुगा योजना शाऊलेन मालूम्जे। दिकुनी मेटे डीचके घोगेच गा घल्जी रातो दिन फाटाक गेन ताटाकातिंजटे थंदळ लक्के डा। 25 म्या रातो चेलाकू डीचके डी घोटा गा ऊँचा दीवार लिंजेन सैय्येनेच, जो शहर के घेराके डा। मेटे दिकुनी दीवार गा म्या खुल्लाके हिसा टे दोरा इस्तमाल डाटे म्या खाट टोपलान इटान आगुरुके। इनी रोंगो डीच दमिश्क पुराटे बचातिंजटे ओटजे। यरूशलेम शहर गेन शाऊल 26 शाऊल नी यरूशलेम शहर गेन आदिरजे डो चेलाकू गा सेंग्गोन मिलातिंजू कोशिश डाके। पेनो सेबाईकु दियाटे हिगरा डा, चोयाकी दिकुन विश्वास बान डाऊ लक्के डा, कि देटेन भी यीशु मसीह गा चेला होय। 27 पेनो बरनबास नी डीचके हेजा गा सेंग्गोन कलामके मिंकू चेलाकू गा मेरान सैय्येनेच डो दिकुटे मंडीके, कि इनिजनी तुनी रिती टे दमिश्क पूरा गा कोरा गेन प्रभु यीशु के डोकेनेच, एठा प्रभु नी इनिजाटे बातोवे। डाबोलटे दमिश्क पुरान इनिजनी टोनोगो हिम्मत टे यीशु गा घाबोर घाल्के। 28 कलामके चेलाकूनी बरनबास लिंजेन यकीन डाके इनिघल्जी शाऊल दिकुगा सेंग्गोन यरूशलेम शहर गेन हार जगान ओले। 29 देटेन बिना हिघराटे प्रभु यीशु मसीह गा खाबोर घागल लज्जे, एठा यूनानी भाषा मंडीमिंकू यहूदी कुरकू टे बातो-चितो एठा हिंज-मान दडा डा। पेनो दिकु डीचके घोगेज गा कोशिश दडा डा। 30 इनी चिनाटे डाईचो टाकुनी डीचके कैसरिया शहर गेन सैय्येनेच, एठा दिकुनी दियागा घल्जी डोंगाटे तरसुस शहर गेन सेने गा सोए डाके, जो दियागा पेळा गा पूरा डा। 31 इनी रोंगो सेबाई यहूदिया जिल्हा, गलील जिल्हा एठा सामरीया जिल्हा गेन मसीह गा मंडली आराम्बो घाटाएन एठा डेगा फायदा डाऊ लज्जे। देटेन प्रभु गा हिगरा एठा पवित्र आत्मा गा द्वारा जोश टे भेट्टेन एठा घोनेच कुरकू विश्वासी आरोएन। ऐनियास गा सजाऊ 32 डाबोलटे येनोगो डायेन कि पतरस डी सेबाई जिल्हानौर इखाट लठ्ठाका डी चोखरा कुरकू मिलातिंजू घल्जी ओले, जो लुद्दा पुरान थंदळ डा। 33 देटेन दियेन ऐनियास जीमू गा लाखवा बिमारी कोरो घाटाएन, जो इलार साल टे पारकोमेन सोडके डा। 34 पतरस नी दियाटे मंडीके, “हे ऐनियास! यीशु मसीह आमके साजाकोम्बा होय। बिडे अमा बिंदिल टूले।” मेटे देटेन तुरुटो बिटजे डो टेंगेनजे। 35 लुद्दा पुरा एठा शारोन पूरा गा सेबाई थंदळ मिंकू नी डीचके साजाका धोटे प्रभु यीशु मसीह लिंजेन विश्वास डाके। दोरकास जे जीवन दान 36 याफा पुरान तबीता जीमू गा म्या विश्वासी जापाए डा। यूनानी भाषा गेन दियागा जीमू दोरकास, डेगा मतलब म्या घोतळीच। देटेन घोनेच्का भला - भला कामय एठा गिरबोकु गा मदत दडा डा। 37 डी टेमोन जब पतरस लुद्द पुरान के डा दोरकास बिमारजे डो गोएन। एठा दिकुनी डीचके आंगुचटे माठा गा खुलीन डोकेनेच। 38 लुद्दा पुरा याफा पूरा गा मेरान होय, चेलाकू इनी आजुमटे कि पतरस देटेनेज होय बरी कुरकिंज के कुलटे दियाटे बिनती डावे, “आलेगा मेरान हेजे गेन टेमो बाकी दडा।” 39 मेटे पतरस बिटजे डो दिकुगा सेंग्गोन ओले, एठा जब देटेन आदिरजे, मेटे दिकु डीचके माठा खुलीन सैय्येनेच। एठा सेबाई विधवाकु जाम लठ्ठाका दियागा मेरान हेन डो टेंगेनके एठा जो कुर्ता एठा कपळे दोरकास नी दियागा सेंग्गोन थंदळ लठ्ठाका आरुके डा, घागल लज्जे। 40 मेटे पतरस नी सेबाईकु के बल्लान ओटकेकु, एठा ठोपरे जेगाटे प्रार्थना डाके। एठा म्हाळा कोने धोटे मंडीके, “हे तबीता बिडे।” मेटे डीचनी हेजा मेट उगाळके एठा पतरस के धोटे बिटजे डो सुबांजे। 41 डीचनी टी बळातिंजटे डीचके ठुल्जेनेच एठा कलामके मिंकू चेलाकू एठा विधवाकु के हाकोटे डीचके जीटा एठा झाटटो घाल्केनेच। 42 इनी बातो सेबाई याफा पुरान फैलातिंजे। एठा घोनेच्कूनी प्रभु यीशु लिंजेन विश्वास डाके। 43 एठा पतरस याफा पूरा गेन शमौन जीमू तुनिका कातळे गा धंधा दडामिठाच गा येनेन घोनेच दिन टाएन थंदळके। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation