ಅಪೊಸ್ತಲ್ 8 - गवली उनाई नियमशाऊल गा विश्वासी कुरकू लिंजेन अत्याचार 1 शाऊल स्तिफनुस गा घोगेजेन सेबाई रोंगो राजीके डा। डीका दिन यरूशलेम शहर गा मसीह गा मंडली भेबाव ससातातिंज डाऊ लज्जे एठा कलामके मिंकू चेलाकू आराटे सेबाई-सेबाईकु यहूदिया जिल्हा एठा सामरीया जिल्हानौर गेन फैलातिंजे। 2 अदा कुरकू नी जो परमेश्वर गा मन दोडो डा स्तिफनुस के कब्र गेन डोकेनेच। एठा दियागा घल्जी भेबाव जाम्बे। 3 पेनो शाऊल मसीह गा मंडली के ससातातिंज डा। एठा उरा-उरा गेन मुटे विश्वासी कोरोकु एठा जापाएकु के ओळ-ओळटे जेलेन केटकु डा। सामरीया गेन फिलिप्पुस 4 लेकिन जो विश्वासीकु फैलातिंजे डा, दिकु अच्छा खाबोर घागल लक्के। 5 फिलिप्पुस सामरीया जिल्हा गा म्या पुरान ओलेडो कुरकू गेन मसीह गा खाबोर घागल लज्जे। 6 जो बातो फिलिप्पुस नी मंडीके, डीके कुरकू नी आजुमटे एठा जो चिन्हा देटेन घागल डा डीके डो धोटे म्या चित्तो टे मन येंडाके। 7 जब फिलिप्पुस नी हुकूम जीके घोनेच्कु तलाटे भूतोकु खाट्टेका चिल्लातिंजटे ओटजे, एठा घोनेच्कुका लाखवा गा बिमारी मिंकू एठा लांगळाकु भी साजाएन। 8 इनी रोंगो डी पूरा गा घोनेच कुरकू खुशोएन। शमौन जादूगर 9 डीका पुरान शमौन जीमू गा म्या कोरो डा, जो जादू-टोना डाटे सामरीया जिल्हा गा कुरकू के भूल्लाकू डा, हेज खुदके म्या खाट कोरो मेंटो घागल डा। 10 एठा सेबाईकु सनी टे लेकर खाट टाएन दियागा मान डाटे मंडी डा, “इनी कोरो परमेश्वर गा डी शक्ती होय, जो खाट मंडीवा होय।” 11 डीचनी घोनेच दिननौर टे दिकुके हेजा गा जादू गा कामय टे भुल्लाटे डोकेकु डा, इनिघल्जी दिकु डीचके भेबाव मनातिंजेज डा। 12 जब कुरकू नी फिलिप्पुस गा विश्वास डाके, जो परमेश्वर गा राज्य एठा यीशु मसीह गा जीमू गा अच्छा खाबोर आजुमटे विश्वास डाके, एठा घोनेचका जापाएकु एठा सनाकु नी बपतिस्मा सावे। 13 मेटे शमौन नी खुद का फिलिप्पुस खाबोर गेन विश्वास डाके एठा बपतिस्मा साटे फिलिप्पुस गा सेंग्गोन थंदळ लज्जे। एठा देटेन चिन्हा एठा खापेट-खापेट शक्तीगा कामय दडा धोटे बिचार डा। सामरी कुरकू गा पवित्र आत्मा घाटाऊ 14 जब कलामके मिंकू चेलाकूनी जो यरूशलेम शहर गेन डा आजुम्के कि सामरीया जिल्हा गा कुरकू नी परमेश्वर गा वचन मनातिंजे होय मेटे पतरस एठा यूहन्ना के दिकुगा मेरान कुल्केकु। 15 एठा दिकुनी ओलेडो दिकुगा घल्जी प्रार्थना डाके, ताकी दिकुन पवित्र आत्मा घाटायु। 16 चोयाकी पवित्र आत्मा आए टाएन दिकु तलाटे जेका लिंजेन बान हेजडुका डा, दिकुनी मेटे बस प्रभु यीशु गा जीमू गेन बपतिस्मा सावे डा। 17 मेटे पतरस एठा यूहन्ना नी दिकु लिंजेन टी डोके एठा दिकुन नी पवित्र आत्मा घाटाएन। शमौन गा पापो 18 जब शमौन नी डोके कि कलामके मिंकू चेलाकू मिंकू गा टी धोटे पवित्र आत्मा जिऊवा होय, मेटे दिकु मेरान डामा साटे मंडीके, 19 “इनी शक्ती इंज्के भी घाले, कि जो जेकाभी लिंजेन टी डोए, देटेन पवित्र आत्मा घाटायु।” 20 पतरस नी दियाटे मंडीके, “आम एठा अमा डामा स्यायु, चोयाकी आमनी परमेश्वर गा दान डामा टे मोलाटे सा गा बिचार डावे। 21 इनी सेवा गेन अमा न तुनिका भागो होय न तुनिका हिसा। चोयाकी अमा मन परमेश्वर गा सम्मान सच्चो बान होय। 22 इनिघल्जी आमगा बुराई टे मन बदलाटे प्रभु टे प्रार्थना डाए, शायद परमेश्वर अमा बुरा बिचार के मापोकिवा। 23 मन बदलाए चोयाकी इंज दोडोवा मेना, कि आम नफरत गा काटिच टे भेट्टिके होय एठा पूरा रोंगो टे पापो गेन जकळातिंज्के होय।” 24 शमौन नी जवाब जीके, “आपे इंजा घल्जी प्रभु टे प्रार्थना डाए, कि जो बातो आमनी मंडीके, डे तलाटे तुनिकाभी इंजा लिंजेन बाकी हेयु।” 25 इनिघल्जी पतरस एठा गावही जीटे एठा प्रभु यीशु गा वचन घालटे, यरूशलेम शहर गेन हिरायेन। यरूशलेम शहर गेन हिरा टेमोन दिकुनी सामरीया जिल्हा गा चोटोका गाँव गेन अच्छा खाबोर घागल लज्जे। खुश देशो किन्नर के फिलिप्पुस गा शिक्षा 26 डाबोलटे प्रभु गा म्या स्वर्गदूत नी फिलिप्पुस टे मंडीके, “बिडे डो दक्षिण कोनेन डी कोरान सेने, जो यरूशलेम शहर टे गाजा शहर गेन सेनेवा होय। येटेन सुनसान जगा कोरा होय।” 27 देटेन बिटजे डो सेने लज्जे एठा अचानक खुश देशो गा म्या कोरो टे मिलातिंजे जो म्या किन्नर डा। देटेन महत्वपूर्ण हाकमिठाच डा जो खुश देशो गा रानी गा सेबाई खाजाना गा देखभाल दडा डा। देटेन आराधना दडा यरूशलेम शहर गेन हेन डा। 28 डीच हेजा देशोन हिरा लक्के डा एठा हेजा रथ गेन सुबानका परमेश्वर गा कोनेटे मंडीमिठाच यशायाह गा पुस्तक पपाळातिंज लक्के डा। 29 मेटे पवित्र आत्मा नी फिलिप्पुस टे मंडीके, “मेरान सेने डो इनी रथ गा सेंग्गो-सेंग्गोन सेने।” 30 फिलिप्पुस साळुपटे रथ गा मेरान आदिरजे एठा डीचके परमेश्वर गा कोनेटे मंडीमिठाच यशायाह गा पुस्तक पपाळातिंजटे आजुम्के मेटे दियाटे प्रश्न कोम्बाराके, “आम जो पापळातींज लक्के होय, चोच डीके समझातिंजे लक्के होय?” 31 डीचनी जवाब जीके, “अगर जेका इंज्के ससामझातिंज मिठाच बान टासो, मेटे इंज इनिके बान समझातिंजू।” एठा डीचनी फिलिप्पुस टे बिनती डाके, कि रथ लिंजेन पेळेजे डो इंजा मेरान सुबाने। एठा फिलिप्पुस रथ लिंजेन पेळेचटे सुबांजे। 32 पवित्र ग्रंथ गा जो पाठ पपाळातिंज लक्के डा, देटेन इनी डा: “देटेन मेंडाकू गा रोंगो घोगेज घल्जी इडीके, एठा जैसा मेंडा कोणटे हेजा गा हुफ ससाला मिंकू मेरान कायोमका थंदळवा होय, डेनेगोका जब कुरकू नी डीचके तक्लिप जीके डीचनी भी हेजा चाभु बान खुल्लाडुका कायोमका थंदळके। 33 दियागा अपमान डाके एठा दियेन न्याय बान घाटाडुका, एठा जे दिकुगा कोंकु गा बातो जे घालेवा? चोयाकी पृथ्वी लिंजेन दियागा जान सेगेवा होय।” 34 एने लिंजेन किन्नर नी फिलिप्पुस टे कोम्बराके, “इंज अमाटे बिनती दडावाकी येटेन घाले कि परमेश्वर गा कोनेटे मंडीमिठाच येटेन जेगा बारेन मंडीवा होय, हेजा या तुनिका दूसरा गा बारेन गेन?” 35 मेटे फिलिप्पुस नी मंडी सुरुके, एठा इनिका पवित्र ग्रंथ टे सुरुवात टे डीचके यीशु गा अच्छा खाबोर घाल्के। (इनिघल्जी देटेन हाकमिठाच समझातिंजे एठा यीशु लिंजेन विश्वास डाके)। 36 कोरान सेंदरा-सेंदरा दिकु तुनिका तलाव गा मेरान आदिरजे, मेटे किन्नर नी कोम्बाराके, “डोगे येटेन डा होय, नका इंजेन बपतिस्मा सा गेन चोच रुकावट होय?” 37 फिलिप्पुस नी जवाब जीके, “अगर आम सेबाई मन टे विश्वास दडावा होय, मेटे सेगेवा होय।” डीचनी जवाब जीके, “इंज विश्वास दडावा मेना, कि मसीह यीशु का परमेश्वर गा कोणटे होय।” 38 मेटे डीचनी रथ तेटेगेन गा हुकूम जीके, एठा फिलिप्पुस एठा किन्नर बर्खिंज भी तलाव गेन आगोरोएन एठा फिलिप्पुस नी डीचके बपतिस्मा जीके। 39 जब डीच डा तलाटे ओठ्टे माठान हेन, मेटे प्रभु गा आत्मा फिलिप्पुस के देटे ठुल्जेनेच। एठा किन्नर डाबोलटे बान दोडुका। एठा डीच खुशीटे हेजा देशोन डाबोलटे ओले। 40 पेनो फिलिप्पुस अश्दोद शहर गेन इडीकेनेच। जब देटेन कैसरिया शहर गेन आदिरजे, मेटे डीचनी सेबाई शहर गेन अच्छा खाबोर घागल्टेका म्या जगा टे दूसरा जगा टाएन हेजा गा सेंदरा गा यात्रा चलुका डोके। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation