ಅಪೊಸ್ತಲ್ 18 - गवली उनाई नियमकुरिन्थुस गेन पौलुस 1 येनेगा बादोन पौलुस एथेन्स शहर के आराटे कुरिन्थुस शहर गेन हेन। 2 एठा देटेन अक्विला जीमू गा म्या यहूदी कोरो घाटाएन, दियागा जनम पुन्तुस जिल्हा गेन डाएन डा। एठा खुद जापाए प्रिस्किल्ला गा सेंग्गोन इटालीया जिल्हा टे उनाई गेन का हेन डा। चोयाकी सम्राट क्लौदियुस नी सेबाई यहूदी कुरकू के रोम टे सेने गा हुकूम जीके डा। इनी कानून गा वोजीटे देटेन दिकु कुरिन्थुस शहर गेन हेन। 3 पौलुस दिकुटे मिलातिंजू ओले चोयाकी पौलुस एठा अक्विला म्याका धंधा डा। इनिघल्जी डीच दिकुगा सेंग्गोन थंदळके एठा डेरा आरु गा कामय डावे। 4 एठा पौलुस हरेक परमेश्वर गा चोखरा दिन आराधना जगा गेन हिंज-मान डाटे यहूदी कुरकू एठा यूनानी कुरकू के भी यीशु मसीह लिंजेन विश्वास दडा गा घल्जी समझातिंजकु डा। 5 जब सीलास एठा तीमुथियुस मकिदुनिया जिल्हा टे हेन। मेटे दियागा घल्जी डामा साले, चोयाकी पौलुस कामय आराटे वचन घागल एठा यहूदी कुरकू के गवाह जे डा कि यीशु का मसीह होय। 6 पेनो जब यहूदी कुरकू पौलुस गा खिलाफबेन जे। मेटे डीचनी इंजा कपडे झाटका टे दिकुटे मंडीके, “परमेश्वर गा खाबोर के बान स्वीकारे दडा गा वोजीटे आपे खुद का डी दण्डो गा घल्जी जिम्मेदार होय, जो आपेन परमेश्वर गा कोनेटे घाटाऊवा। नका टे इंज अलग्गो जाटो गा कुरकू तालान सेनेवा डो परमेश्वर गा खाबोर गा प्रचार डाएवा।” 7 एठा आराधना जगा टे सेन्द्रा टे देटेन तीतुस यूस्तुस जीमू गा परमेश्वर गा भक्त गा उरा गेन अलग्गो जाटो कुरकू के इथू गा घल्जी हेन। दिया उरान आराधना जगा टे मेरान का डा। 8 मेटे आराधना जगा गा मुख्या क्रिस्पुस नी हेजा गा सेबाई उराकु गेल्ला प्रभु लिंजेन विश्वास डाके। एठा घोनेचकुनी कुरिन्थुस शहर गेन थंदळ मिंकू नी पौलुस के आजुमटे विश्वास डाके एठा बपतिस्मा सावे। 9 एठा प्रभु नी रातो के दर्शन गा वाजाटे पौलुस टे मंडीके, “बाकी हिगरा, पेनो वचन गा प्रचार डाएजा एठा कायोम बाकी थंदळ। 10 चोयाकी इंज आपे सेंग्गोन होय, एठा जेका आपे लिंजेन पेळेचटे अमा नुकसान बान दडा। चोयाकी इनी पुरान गेन घोनेच कुरकू जो इंजा लिंजेन विश्वास डोएबा।” 11 इनिघल्जी पौलुस दिकुके परमेश्वर गा वचन इथू लठ्ठाका डेढ साल टाएन थंदळके। 12 जब गल्लियो अखाया जिल्हा गा राज्यपाल डा। मेटे यहूदी धर्म गा सम्मा कुरकू सेबाईकु राजेन डो पौलुस लिंजेन पेळेचटे हेन, एठा दियाटे न्याय गा सिंघासन गा सम्मान साटे मंडी लज्जे, 13 “येटेन कुरकू के सामझतिंजकुवा होय, कि परमेश्वर गा उपासो येनोगो रिती टे डाए, जो मूसा गा नियम गा खिलाफबेन होय।” 14 जब पौलुस मंडीन का डा, मेटे गल्लियोनी याहुदियो धर्म गा सम्मा कोरो टे मंडीके, “हे यहूदी कुरकू, अगर येटेन चोचकाभी अन्याय या बेकार गा बातो डाऊ मेटे कि साही डा कि इंज आपेगा आजोमबा। 15 पेनो अगर येटेन हिंज-मान शब्द, एठा जीमू, एठा आपेगा येटे गा नियम गा बारेन गेन होय, मेटे आपेका डोगे। चोयाकी इंज इनी बातो गा न्यायि आरु बान चाहता।” 16 एठा गल्लियोकु नी हुकूम जीके कि दिकुके न्याय गा सिंघासन गा सम्माटे बल्लान ओटकेनेच। 17 मेटे सेबाई कुरकू नी आराधना जगा गा मुख्या सोस्थिनेस के उठाटे न्याय गा सिंघासन गा सम्मान घोच्केनेच। पेनो गल्लियोकु नी इनी बातो गा चोचकाभी चिन्ता बान दडुका। अन्ताकिया शहर के हिरा 18 इनिघल्जी पौलुस घोनेच दिन टाएन कुरिन्थुस शहर गेन थंदळके, डाबोलटे विश्वासी डाईचो टे बिदाटे किंख्रिया पुरा गेन ओले मेना। डी पूरा गेन पौलुस नी हेजा कापार टाकुलुके चोयाकी डीचनी म्या मन्नत मनातिंज्के डा। बदोन समुद्र गा कोरा टे सीरिया जिल्हा गेन ओले मेना। दियागा सेंग्गोन प्रिस्किल्ला एठा अक्विला भी डा। 19 एठा डीचनी इफिसुस शहर गेन पोचतिंजटे प्रिस्किल्ला एठा अक्विला के देटेन आराकेकिंज, एठा अमा खुद का आराधना जगा गेन ओलेडो यहूदी धर्म गा सम्मा कोरो टे अमा इंज दडा लज्जे। 20 जब कुरकू नी दियाटे बिनती डावे, “आलेगा सेंग्गोन एठा थोळासा दिन थंदळे।” मेटे डीचनी बान मेनडुका। 21 पेनो येटेन मंडीटे दिकुटे बिडाएन, “अगर परमेश्वर मेन टासो इंज आपेगा मेरान डाबोलटे हिराबा।” एठा डीच इफिसुस शहर टे आराटे खाट डोंगा खुल्लाटे ओले। 22 एठा कैसरिया शहर गेन आगुरुटे (यरूशलेम शहर गेन) ओले, एठा यरूशलेम शहर मसीह गा मंडली गा ओले एठा दिकुके नमस्कार डाटे अन्ताकिया पूरा गेन हेन। पौलुस गा आफाई प्रचार यात्रा गा सुरुवात 23 डाबोलटे अदा दिन थंदळ टे अन्ताकिया पूरा टे ओले मेना। एठा म्या कोनेटे गलातिया जिल्हा एठा फ्रूगिया जिल्हा टे सेबाई चेलाकूके पक्का डो इखाटकेकू। अपुल्लोस जीमू गा ज्ञानी कोरो 24 अपुल्लोस जीमू गा म्या यहूदी दियागा जनम सिकन्दरिया शहर गेन डायेन डा। जो भाषण जिऊ गेन माहिर डा एठा पवित्र ग्रंथ के अच्छा खिजाटे हाडाई डा इफिसुस शहर गेन हेन। 25 डीचनी प्रभु गा कोरा गा शिक्षा घाटावे डा। एठा आत्मिक आरीटे मन येंडाटे यीशु गा बारेन गेन साही-साही घागल डा एठा इथू डा। पेनो डीच बस यूहन्ना गा बपतिस्मा गा बातो हाडाई डा। 26 डीच आराधना जगा गेन बेफिकार टे मंडी लक्के डा, पेनो प्रिस्किल्ला एठा अक्विला दियागा बातो आजुमटे, डीचके हेजा गा उरान सालेनेच एठा परमेश्वर गा कोरा डीचके एठाभी अच्छा रेंगो टे घाल्के। 27 एठा जब डीचनी बिचार डाके कि दिधेळेन आगुरुटे अखाया जिल्हा गेन सेने मेटे विश्वासी डाईचो नी डीचके सेने गा घल्जी आरिकेनेच चेलाकूके ओल्के कि दिकु दियागा अच्छा खिजाटे स्वागत डाए। डीचनी देटेन आदिरटे डी कुरकू गा खाट मदत डाके दिकुनी कृपा गा वाजाटे विश्वास डाके डा। 28 अपुल्लोस नी पूरा रुपोटे यहूदी धर्म गा सम्मा कोरो गा बातो के इंकार दडा एठा पवित्र ग्रंथ गा सारा टे साबित डाए डा कि यीशु का मसीह होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation