ಅಪೊಸ್ತಲ್ 16 - गवली उनाई नियमपौलुस एठा तीमुथियुस 1 डाबोलटे पौलुस दिरबे शहर एठा लुस्त्रा शहर गेन भी ओले, एठा देटेन तीमुथियुस जीमू म्या चेला डा। दियागा आंटे यहूदी विश्वासी डा, पेनो दियागा बाटे यूनानी देशो गा थंदळ मिठाच डा। 2 तीमुथियुस लुस्त्रा शहर एठा इकुनियुम शहर गा विश्वासीकु डाईचो गेन जीमू के डा। 3 पौलुस गा इच्छा डा, कि देटेन इंजा सेंग्गोन सेंदाराये। एठा जो यहूदी कुरकू डी जगा गेन डा दिकुगा वाजा तीमुथियुस के साटे दियागा खतना डाके, चोयाकी दिकु सेबाई कून मालूम डा, कि दियागा बाटे यूनानी देशो गा थंदळ मिठाच डा। 4 पौलुस एठा दियागा सोपतीकु पूरा-पूरा टे सेने लठ्ठाका डी हुकूम के जो यरूशलेम शहर गा कलामके मिंकू चेलाकू एठा जुनाकु नी ठहरातिंजके डा। डी सेबाई हुकूम के मामानतींज गा घल्जी विश्वासीकु पोचातींजे डा। 5 इनी रोंगो मसीह गा मंडलीनौर के विश्वास गेन पक्का डोन ओले, एठा उम्ना गेन हारेक दिन बळातिंजू डा। पौलुस गा दर्शन 6 पौलुस एठा दियागा सोपतीकु फ्रूगिया जिल्हा एठा गलातिया जिल्हा टे सेने लठ्ठाका ओले। चोयाकी पवित्र आत्मा नी दिकुके आसिया (एशिया) जिल्हा गेन वचन घागाल टे बान मेनके। 7 एठा दिकुनी मूसिया जिल्हा गा मेरान पोचतिंजे बितूनिया जिल्हा गेन सेने गा चाहता डा। पेनो यीशु गा आत्मा नी दिकुके सेन्डाये डुका बाने। 8 इनिघल्जी देटेन मूसिया जिल्हा टे सेने लठ्ठाका बंदरगाह मिनी शहर त्रोआस जिल्हा गेन हेन। 9 देटेन पौलुस नी रातो का म्या दर्शन डोके कि मकिदुनिया इलका गा थंदळ मिठाच म्या कोरो टेंगेनजे मेना, दियाटे बिनती डाटे मंडीवा होय, “समुद्र गा उधेळेन आगुरुटे मकिदुनिया जिल्हा गेन हेजे, एठा आलेगा मददत डाए।” 10 दियागा इनी दर्शन धोटेका आलेनी तुरुटो मकिदुनिया जिल्हा सेने इच्छा डा, येटेन सामझातिंजटे, कि परमेश्वर नी आलेके दिकुके अच्छा खाबोर घागल गा घल्जी हाकोलेमी होय। 11 इनिघल्जी बंदरगाह मिनी शहर त्रोआस जिल्हा टे खाट डोंगा खुल्लाटे आले सीधा सुमात्रके द्वीप एठा दूसरा दिन नियापुलिस शहर गेन हेन। 12 देटे टे आले फिलिप्पी शहर गेन पोचतिंजे, जो मकिदुनिया जिल्हा गा मुख्या पूरा, एठा रोमी कुरकू गा बस्ती होय। एठा आले डी पूरा गेन थोळासा दिन टाएन थंदळके। 13 परमेश्वर गा चोखरा दिन आले पूरा गा फाटक गा बल्लान गडा गा धुरान येटेन सामझातिंजटे ओले, कि देटेन यहूदी कुरकू गा प्रार्थना दडा गा जगा होंगा। एठा सुबान्टे डी जापाएकु टे जो म्या खाठ्ठा के डा, बातो लज्जे मेना। यूरोप गा पेला विश्वासी 14 लुदिया जीमू थुआतीरा पूरा गा बैंजनी कपळे किकीजी मिठाच जो परमेश्वर गा म्या भक्त जापाए आजुम लक्के डा। प्रभु नी दियागा मन खुल्लाके, ताकी पौलुस गा बातो लिंजेन मन येंडाके। 15 जब डी जापाएनी हेजा गा उराकु गेल्ला बपतिस्मा सावे, मेटे डीचनी बिनती डाके, “अगर अमा इंज्के प्रभु लिंजेन विश्वास दडामिठाच समझातिंजेवा, मेटे सेन्द्रा टे बो डो इंजा उरा गेन थंदळे,” एठा देटेन आलेके मनातिंजटे सैय्येमी। भूतो आत्मा टे आरागु 16 जब आले प्रार्थना दडा गा जगा चेल्के डा, मेटे आलेन म्या भाग्नी घाटाएन डेंनी म्या एगो भूतो डा, दियागा मददत टे हेजे मिनी टेमो घाले डा। एठा देटेन हेजे मिनी टेमो घालटे हेजा स्वामीकु गा घल्जी घोनेच डामा कमयाटे सेगे डा। 17 देटेन पौलुस एठा आलेगा टाऊटे हेंडो चिल्लातिंजू लज्जे, “इनी कोरो परमयाजक परमेश्वर गा भाग्यकु होय। जो आपे लिंजेन उध्दार गा कोरा ओडे लक्के होय।” 18 देटेन भाग्नी घोनेच दिन टाएन येनोगोका दडा लक्के, पेनो पौलुस परीशान जे टाउन इखाके एठा डी भूतो टे मंडीके, “इंज अमा के यीशु मसीह गा जीमू टे हुकूम जेबा होय, कि डी भाग्नी टे ओठ्जु एठा भूतो डीका टेमोन ओठ्जे मेना।” 19 जब डी भाग्नी के स्वामीकु नी डोके, कि आलेगा कमाई गा आसा स्याएन, मेटे पौलुस एठा सीलास के उठाटे चौक गेन प्राधानकु गा मेरान ओळटे सैय्येनेच। 20 एठा दिकुनी फौजीकु गा हाकमिठाच गा हाकिमकु गा मेरान सैय्येनेच डो मंडीके, “इनी जो यहूदी कुरकू होय, आलेगा पुरान खाट हालचाल मचातिंजे लक्के होय। 21 एठा येनोगो रितो-रिवाज घागाल लक्के होय, दिकुके मानेनकेच या मामनातिंज आले रोमी नागरिक घल्जी साही बाने होय।” पौलुस एठा सीलास जेल गेन 22 मेटे गर्दी गा कुरकू पौलुस एठा सीलास गा खिलाफ गेन म्या खाठ्ठायेन डो हेन, एठा हाकिमकु नी दियागा कपळे त्याटे कोलाके, एठा डीचके बाल्खा मुन्मांडा गा हुकूम जीके। 23 एठा घोनेच बाल्खा घैय्ये दिकुनी डीचके जेलेन येंडाकेनेच एठा दरोगा के हुकूम जीके कि दिकुके चौकासी टे डोके। 24 डीचनी येनोगो हुकूम घाटाटे डीचके तालान खुलीन डोकेनेच, एठा दियागा नंगाके लकड़ी गा साकीळी टे टोल्केनेच। पौलुस एठा सीलास के जेल टे आरागु 25 अदा रातोन लगभग पौलुस एठा सीलास प्रार्थना दडा लठ्ठाका परमेश्वर गा भाजन सिरिंज लक्के डा, एठा कैदीकु दिकुगा आजोम लक्के डा। 26 कि एटोगेन अचानक म्या भूकंप डाएन, येटे टाएन कि जेल गा पैय्या हिलातिंज्जे, एठा तुरुटो सेबाई दारोजो खुल्लायेन। एठा सेबाईका बंधान खुल्लायेन मेना। 27 एठा दरोगा बिटजे, एठा जेल गा दारोजो खुल्ला धोटे समझातिंजे कि कैदीकु साळूप जे। इनिघल्जी डीचनी तालवार ओळटे हेजा गा हेज्केका घोगेच लक्के डा। 28 पेनो पौलुस नी खाट आवाज टे हाकोटे मंडीके, “आपना खुदके चोचका तखलिफ बाकी जिऊ, चोयाकी आले सेबाईकु येटेनके होय।” 29 मेटे देटेन दिवा आसी टे पक्काटे तालान साळुपजे एठा कपतिंजू लठ्ठाका पौलुस एठा सीलास गा सम्मान झुकतिंजे। दरोगा गा मन बदलाऊ 30 येनेगा बड़ोन पौलुस एठा सीलास के बल्लान साटे डीचनी कोंबाराके, “हे साहेबो, उध्दार घाटाऊ गा घल्जी इंज चोच डाए?” 31 डीचनी मंडीके, “प्रभु यीशु मसीह लिंजेन विश्वास डोए, मेटे अमा एठा अमा उराकुन उध्दार घाटौवा।” 32 एठा दिकुनी डीचके, एठा दियागा सेबाई उरा गा कुरकू के प्रभु गा वचन घाल्के। 33 एठा रातो डीका टेमोन डीचनी दिकुके सैय्येनेच दियागा घाव आबुंजके, एठा डीचनी हेजा गा सेबाई कुरकू गेल्ला तुरुटो बपतिस्मा सावे। 34 एठा डीचनी हेजा गा उरा गेन सैय्येनेच दियागा सम्मान आटा डोके, एठा सेबाई उराकु गेल्ला परमेश्वर लिंजेन विश्वास धोटे दिकु सेबाई घोनेच खुशोके डा। 35 दूसरा फेजेर हाकिमकु नी सिपाहीकु के इनी मंडी गा घल्जी कुल्केकु कि डी कुरकिंज के आराकेकु। 36 दरोगा नी इनी बातो पौलुस टे मंडीके, “हाकिमकु नी आपिंजके आरा गा हुकूम जिले होय। इनिघल्जी नका ओठ्जेडो शांती टे सेनजू।” 37 पेनो पौलुस नी डीचके मंडीके, “दिकुनी आलेके जो रोम शहर गा थंदळ मिंकू होय, आनोवा बान टोकाडुका बिना, कुरकू गा सम्मान मुंडाकेमी, एठा जेलेन येण्डाकेमी, एठा नका चोच उखुटे ओडबा होय? येनोगो बाने, पेनो दिकु अमा हेजे डो आलेके बल्लान सैय्येकेमी।” 38 सिपाहीकु नी इनी बातो हाकिमकु टे मंडीके, एठा दिकु इनी आजुमटे कि दिकु रोमी नागरिक होय, दिकु हिघारायेन। 39 एठा हेंडो दिकुटे माफी आसिवे, एठा बल्लान साटे बिनती डाके कि पूरा टे सेंजू। 40 दिकु जेलाटे ओठ्जेडो लुदिया गा येटेन ओले, एठा विश्वासी डाईचो टे मिलातिंजटे दिकुके आरीकेकु कि रोजोका प्रभु यीशु लिंजेन विश्वास डाए चाले, एठा ओले मेना। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation