ಅಪೊಸ್ತಲ್ 14 - गवली उनाई नियमपौलुस एठा बरनबास गा इकुनियुम शहर गेन खिलाफबु 1 इकुनियुम शहर गेन एनोगो डायेन कि पौलुस एठा बरनबास यहूदी कुरकू गा आराधना जगान ओले एठा एनोगो घाऊरोंगो घाल्के कि यहूदी कुरकू एठा यूनानी कुरकू तलाटे घोनेच्कूनी विश्वास डाके। 2 पेनो विश्वास बान दडा यहूदी कुरकू नी अलग्गो जाटो गा कुरकू गा मन विश्वासी डाईचो गा खिलाफबेन भाळकातिंज्केकु एठा काटिच ओटके। 3 पौलुस एठा बरनबास घोनेच दिन टाएन देटेन थंदळके एठा प्रभु गा भारोसा धोटे हिम्मत गा सेंग्गोन खाबोर जिऊ घागल लज्जे। एठा प्रभु दिकुगा द्वारा डाके मिनी चिन्हा एठा अचम्बो कामय घाल्टे हेजा कृपा गा खाबोर के सच्चो साबित दडा लक्के डा। 4 पेनो पूरा गा कुरकू गेन इंगन-हुगनजे। एनेटे अदाकु यहूदी कुरकू कोनेन अदाकु कलामके मिंकू चेलाकू कोनेन जे। 5 जब अलग्गो जाटो गा कुरकू एठा यहूदी कुरकू दिकुगा अपमान दडा एठा दिकुके घोटा लेलाचा घल्जी इकुगा मुख्याकु सेंग्गोन दिकु लिंजेन साळुपजे। 6 मेटे दिकु इनी बातो के चिनाये, एठा लुकाउनिया जिल्हा गा लुस्त्रा शहर एठा दिरबे पुरानौर गेन एठा आसो-पासो गा सानी पुरान साळुपजे। 7 एठा देटेन अच्छा खाबोर घागल लज्जे। लुस्र्ता गेन म्या लंगळा गा सजाऊ 8 लुस्त्रा शहर गेन म्या कोरो सुबांके डा, जो नंगा टे अपंग डा। डीच जनम टे लंगळा डा, एठा चोलाकाभी बान सेन्द्रा डुका। 9 देटेन पौलुस के बातो लक्के टे लक्के डा एठा पौलुस नी डीच कोने डेके-डेकेन डोके इनीजेन साजाएन गा विश्वास होय। 10 मेटे पौलुस नी खाट्टेका हुकूम जीके, “अमागा नंगा गा ताखात टे टेंगेने।” डीका टेमो देटेन बिटजे डो सेन्द्रा इखाट। 11 कुरकू नी पौलुस गा इनी कामय धोटे लुकाउनिया भाषा गेन खाट्टेका मंडीके, “गोमेच कोरोकु गा रुपोटे आलेगा मेरान आगुरुके होय।” 12 दिकुनी बरनबास के यूनानी गोमेच ज्यूस गा जीमू दिया एठा पौलुस के हिर्मेस जीमू जीके, चोयाकी देटेन कास खाबोर जिऊमिठाच डा। 13 ज्यूस गा डी मंदिर गा चेला जो दिकुगा पूरा गा सम्मान डा, डोबा एठा फुलनौर गा हार फाटाक गेन सालेडो कुरकू गा सेंग्गोन बलिदान दडा चाहता डा। 14 पेनो बरनबास एठा पौलुस कलामके मिंकू चेलाकूनी जब आजुम्के मेटे दिकु भेबाव परेशान जे एठा इनिघल्जी दिकुनी इकुगा कपळे चिराके एठा गर्दी गा कोनेन साळुपजे, एठा हाकोटे मंडी लज्जे, 15 “हे कुरकू, आपे येटेन सेबाई चोच दडा लक्के होय? आलेभी नी आपे रोंगो कोरो होय एठा आपेके अच्छा खाबोर घालेवा, कि आपे इनी वोया चीजो टे अलग्गो जीटा परमेश्वर गा कोनेन हेजे, डीचनी बदळा एठा पृथ्वी एठा समुद्र एठा जो चोचकाभी डेन होय आरुके।” 16 डीचनी बितातिंज्के टेमोन सेबाई जाटोकु के इकु-इकुगा कोरान सेन्द्रा डाके। 17 तोभी डीच हमेशा हेजा डाऊ गा साबुत डी अच्छा चीजो टे जेबा होय जो देटेन दडावा होय। जैसा कि बदळा टे डा घामा जाऊ बिबीट गा हागम जीटे आपेगा घल्जी आनाजो जेबा एठा आपेगा मन के खुशीटे भेट्टे लक्के। 18 इनी मंडीटे दिकुनी कुरकू के खाट ताखलिफ टे रोकातिंज्केकु कि दिकु घल्जी बलिदान बाकी दडा। 19 पेनो चोटोका यहूदी कुरकू नी अन्ताकिया शहर टे एठा इकुनियुम शहर टे हेंडो कुरकू के हेज कोनेनजु, एठा पौलुस के घोटा टे लेचाएच लज्जे, एठा घोच्का समझातिंजे डीचके पूरा गा बल्लान ओळटे सैय्येनेच। 20 पेनो जब चेलाकू दियागा उफुन भी कोनेन हेन डो टेंगेनजेडो, मेटे देटेन बिटजे डो पूरा गेन ओले। एठा दूसरा दिन बरनबास गा सेंग्गोन दिरबे पुरान ओले। सीरिया जिल्हा गा अन्ताकिया शहर गेन हिरा 21 पौलुस एठा बरनबास डी पूरा गा कुरकू के अच्छा खाबोर घाल्के एठा घोनेचका चेलाकू आरुटे लुस्त्रा शहर एठा इकुनियुम शहर एठा अन्ताकिया शहर गेन हिराके। 22 वे हारेक पूरा गेन चेलाकू गा मन के मजबूत डे लक्के एठा इनी शिक्षा जिऊ डा कि विश्वास गेन आरुका थंदळे। एठा मंडी डा, “आबुन खाट तक्लिप टूलटे परमेश्वर गा राज्य गेन मु होना।” 23 दिकुनी हारेक मसीह गा मंडली गेन उपासो एठा प्रार्थना गा सेंग्गोन जुनाकु के ठहरातिंज्केकु एठा दिकुके प्रभु यीशु के मेरान जिकेकु दिया लिंजेन दिकुनी विश्वास डाके डा। 24 पिसिदिया जिल्हा टे सेने लठ्ठाका दिकु पंफूलिया जिल्हा गेन आदिरजे। 25 पंफूलिया जिल्हा गा पिरगा शहर गेन दिकुनी परमेश्वर गा वचन घाल्के एठा डाबोलटे अत्तलिया शहर गेन ओले। 26 देटे टे डोंगा द्वारा अन्ताकिया शहर गेन डाबोलटे हिराएन, देटे दिकुन परमेश्वर गा कृपा गेन जीटे डी कामय घल्जी कुल्केकु डा, डीके दिकुन का पुराटे हिराके डा। 27 अन्ताकिया शहर गेन आदिरटे दिकुनी मसीह गा मंडली के गोलाकेकु डो एठा घाल्के, कि परमेश्वर नी आलेगा सेंग्गोन थंदळ टे टोनोगो खापेट-खापेट कामय डाके। एठा टोनोगो परमेश्वर नी अलग्गो जाटो गा कुरकू के यीशु लिंजेन विश्वास दडा गेन लायको आरुकेकु। 28 पौलुस एठा बरनबास चेलाकू सेंग्गोन घोनेच दिन टाएन थंदळके। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation