3 ಯೊಹಾನ್ 1 - गवली उनाई नियमशुभकामयनौर 1 इंज यूहन्ना म्या जुनाकु, इनी पत्र प्यारे गयुस गा जीमू ओल लक्के मेना, देटे इंज सच्चो प्यार दोडोवा मेना। 2 हे प्रिय इंजा इनी प्रार्थना होय कि जैसा आम आत्मिक जीवन गेन गा अच्छा सेंद्रा लक्के होय, डेनोगोका आम सेबाई बातो गेन मेहनत डाए एठा भला सजाका थंदळजू। 3 चोयाकी जब डाईचो नी हेन डो अमागा डी सच्चो गा गवाही जीके, डे लिंजेन सच्चोटेका सेंद्रावा होय, मेटे इंज भेबाव का खुशोके मेना। 4 इंजेन एनेटे खाट्टे तुनिका खुशी बाऊ कि इंज आजुमे इंजा कोणकु सच्चाई टे जीवन बिबातातिंजबा होय। उध्दार गा घल्जी हारीपेपेळेच 5 हे प्रिय, आम डी कामयनौर गेन भेबाव विश्वास लायको होय, जो आम अमा विश्वासी डाईकु घल्जी दडावा होय, दिकुके आम बान हाडाई। 6 दिकुनी येटेन मसीह गा मंडली गा सम्मान अमागा अच्छा व्यवहार गा बारेन गवाही जीके डा। इनिघल्जी कृपा डाटे दिकुगा यात्रा गा घल्जी येनोगो सोए डाए देटे परमेश्वर खुशोके होय। 7 चोयाकी दिकु कुरकू मसीह गा डी जीमू गा प्रचार गा घल्जी यात्रा दडावा होय, एठा अलग्गो जाटो कुरकू टे चोच्का मदत बान सा। 8 इनिघल्जी येनेगो कुरकू गा स्वागत दडा होना, ताकी आलेभी सच्चाई गा सेवा गेन दिकुगा सेंग्गोकु आरुयु। दियेत्रिफेस एठा दिमेत्रियुस 9 इंज्नी मसीह गा मंडली के म्या पत्र ओल्के, पेनो दियेत्रिफेस जो दिकुटे तलाटे खाट आरु चाहता होय, डीच आलेके मनेन कोम बाने। 10 इनिघल्जी जब इंज हेजेवा, मेटे इंज दियागा कामयनौर गा जो डीच दडा लक्के होय सेबाई मसीह गा मंडली गा कुरकू गा सम्मान यादो जेबा, डीच न बस आलेके बदनाम दडावा होय, बनकी डीच खुद विश्वासी डाईचो गा आदर बान दडा चाहता एठा जो कुरकू दिकुगा आदर दडा चाहतावा होय दिकुके बान डा डाए एठा मसीह गा मंडली टे बल्लान ओठकुवा होय। 11 हे प्यारे, बुरा कुरकू गा रोंगो बाकी आरु, पेनो भला कुरकू गा खिजा डाए, जो भलाई दडावा होय डीच परमेश्वर गा कोण होय, पेनो जो बुराई दडावा होय, डीचनी परमेश्वर के बान चिनाडुका। 12 दिमेत्रियुस गा बारेन सेबाई कुरकू मसीह गा मंडली गेन अच्छा गवही जिऊवा होय, कि डीच सच्चाई गा रोंगो जीवन बिबातातिंज्बा होय, एठा आलेभी दियागा बारेन इनिका गवाही जिऊवा होय, एठा आपेन मालूम होय कि आलेगा गवाही सच्चो होय। आखरी शुभकामयनौर 13 इंजेन आमके घोनेच्का अदा ओलनी मेटे डा, पेनो इनी रोंगो पत्र गेन ओल बान चाहता। 14 पेनो इंजेन आसा होय, कि इंज जल्लोका अमागा मेरान हेजेवा एठा अमा सेंग्गोन सुबानटे बातो-चितो दडावा। 15 इंज प्रार्थना दडावा मेना, कि परमेश्वर आमके शांती जिकी। डेनोगोका येनेगा सोप्तीकु आमके नमस्कार डाएवा होय, डेगा सोप्तीकुके नमस्कार मंडीकी। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation