2 ತಿಮೊತಿ 4 - गवली उनाई नियमवचन गा प्रचार डाए 1 जब मसीह यीशु म्या राजा गा रोंगो हेजेवा, डीच डी कुरकू गा न्याय डाएवा जो जीटा कुरकू होय एठा गोएन भी होय इनिघल्जी इंज परमेश्वर एठा मसीह यीशु गा स्वर्ग गा राज्यके गवाह मनातिंजटे आमके हुकूम जेबा मेना, 2 कि आम परमेश्वर गा वचन गा प्रचार दडा गा घल्जी हर टेमो तैयार थंदळे, चाहे कुरकू आजोम चाहे या बान आजोम चाहे। आम खाट आराम्बो गा सेंग्गोन कुरकू के घाले कि दिकुनी गलत डाके होय एठा दिकुगा पापो गा घल्जी दिकुके कल्लाकु, पेनो जब आम दिकुगा पूरा सेहेसेन गा सेंग्गोन इथूकु, मेटे दिकुके आरी भी डाए। 3 चोयाकी येनोगो टेमो हेजेवा, जब कुरकू सच्चो शिक्षा के बान आजोम, पेनो दिकु इकुका इच्छानौर रोंगो इकु घल्जी घोनेच गुरूजीकु के घोलाकुवा, जो दिकुके डीका बातो गा प्रचार डाएवा जो दिकु आजोम चाहतावा होय। 4 दिकु सच्चाई गा बातो के आजोम आराटे मनघाळन कहानीनौर के आजोम गा घल्जी मन येंडाएवा। 5 पेनो आम सेबाई परिस्थितिनौर गेन ध्यान टे थंदळे, सच्चो शिक्षा गा प्रचार गा कामय गा सेंग्गोन सेबाई मुसीबतनौर के सेहेनजा, एठा परमेश्वर गा सेवाक गा रुपोन आपना सेवा के पुराए। पौलुस गा हेजा स्थिती 6 चोयाकी परमेश्वर गा घल्जी इंजा जीवन एठा इंजा कामय स्यागु लिंजेन होय, इंज हाडाई मेना कि इंजा इनी दुनिया टे सेने गा टेमो हेन मेना होय। 7 म्या पेलवान रोंगो इंजभी नी अच्छा कुस्ती लडाई के होय, एठा इंज्नी इंजागा साळूप पुराके होय, एठा इंज आखरी टाएन विश्वास लायको थंदळे। 8 नका परमेश्वर नी इंजा घल्जी स्वर्ग गेन म्या ईनाम डोके होय, चोयाकी इंज म्या धार्मिक जीवन बितातिंज्बे मेना देटे परमेश्वर खुशोके होय, प्रभु जो धार्मिकता गा सेंग्गोन फैसला डाएवा, जब डीच दुनिया गा फैसला दडामिठाच हेजेवा, मेटे डीच इंज्के डी मुकूट जेबा। पेनो डीच डी ईनाम बस इंज्के का बान जिऊ, बनकी हरेक कोरो के जेबा, जोभी सब्री टे दियागा हिरा गा इंतजार दडावा होय। व्यक्तिगत खाबोर 9 इंजा मेरान जल्दी हेजे गा कोशिश डाए। 10 चोयाकी देमास नी इनी दुनिया गा चीजो के अच्छा चिनाटे इंज्के आराकेमी होय, एठा थिस्सलुनीके शहर गेन ओले होय। एठा डाई क्रेसकेंस गलातिया जिल्हा एठा डाई तीतुस दलमतिया जिल्हान ओले होय। 11 सिर्फ लूका इंजा सेंग्गोन होय, जब आम हेजे मेटे मरकुस के अमा सेंग्गोन साटे हेजे, चोयाकी परमेश्वर गा सेवा गा घल्जी दियाटे इंजेन घोनेच मदत घाटाऊवा। 12 तुखिकुस के इंज्नी इफिसुस शहर गेन कुल्केनेच होय। 13 जब आम हेजेवा, मेटे इंजा जब्बा जो इंज्नी करपुस गा येनेन त्रोआस जिल्हान आराके होय, डीके सेंग्गोन साटे हेजे एठा पुस्तकनौर भी कास करके चर्मपत्रनौर के सेंग्गोन साटे हेजे। 14 सिकन्दर सोनार नी इंजा सेंग्गोन भेबाव बुराई डाके होय, प्रभु डीचके दियागा बुरा कामय गा रोंगो बदला जेबा। 15 आम दियाटे ध्यान टे थंदळे, चोयाकी डीचनी आलेगा शिक्षा गा भेबाव विरोध डाके होय। 16 जब इंजेन पेला बार न्याय गा जगान इंजागा सफाई जिऊ बोचोएन, मेटे जेकानी इंजा सेंग्गो बान जिडुका एठा सेबाईकु नी इंज्के आराकेमी। आसा डाएवा कि दिकुन येनेगा लेखा जिऊ बान होना। इनिघल्जी इंज प्रार्थना दडावा मेना कि परमेश्वर दिकुके मापोकेकु। 17 पेनो प्रभु नी इंजागा मदत डाके, एठा इंज्के शक्ती जिले, ताकी इंज मसीह यीशु गा अच्छा खाबोर गा पूरा प्रचार सेबाई अलग्गो जाटो कुरकू के घालेकी होना। एठा डीचनी इंजा जान के गुजूटे बचातिंज्के। 18 प्रभु इंज्के हरेक बुरा कामय टे आराकोम्बा एठा हेजा गा स्वर्ग गा राज्य गेन सजाका ईडीकोम्बा। दियाका महिमा जमाना-जमाना टाएन डाऊ लक्कू। आमीन। आखरी नमस्कार 19 प्रिस्किल्ला एठा अक्विला के एठा उनेसिफुरुस गा खटला के इंजा नमस्कार मंडीकी। 20 इरास्तुस कुरिन्थुस शहर गेन थंदळजे, एठा त्रुफिमुस के इंज्नी मीलेतुस शहर गेन आराकेनेच होय, चोयाकी डीच डेनेन बेमार जे डा। 21 आम रराम गा मोसम टे पेला हेजे गा कोशिश डाए। यूबूलुस, एठा पूदेंस, एठा लीनुस एठा क्लौदिया, एठा सेबाई विश्वासी डाईचो गा कोनेटे आमके नमस्कार। 22 प्रभु आपेगा आत्मा गा सेंग्गोन थंदळकु, परमेश्वर गा कृपा आपे सेबाईकु लिंजेन डाऊ लक्कू। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation