2 ತಿಮೊತಿ 3 - गवली उनाई नियमआखरी दिनेन अधर्म 1 नका जो इंज मंडी लक्के मेना डीके यादो डोए, कि मसीह गा हेजे टे पेला आखरी दिनेन कठिन टेमो हेजेवा। 2 कोरो हिज्जमोळ, लालीचो, तना मुंमाडामिठाच, घमंडी एठा दूसराकु गा खिलाफबेन दडामिंकू आरुवा। दिकु इकुगा आंटे-बाटे गा हुकूम बान आजोम मिंकू, एहसान फरामोश, एठा बिसोटो आरुवा। 3 दिकु निर्दय दयागेल्ला, दूसराकु के माफी बान जिऊमिंकू, एठा दूसराकु गा लिंजेन आनोवा तोटाका मिंकू, असंयमी हिंसा दडामिंकू, भला कामयनौर गा दुश्मान आरुवा। 4 दिकु धोकेबाज, लापरवाह, घमंडी, एठा परमेश्वर गा बाने, पेनो सुख विलास आरी मिंकू आरुवा। 5 दिकु परमेश्वर गा भक्त आरु गा दिखावा मेटे डाएवा, पेनो परमेश्वर गा डी शक्तीगा तिरस्कार डाएवा, जो सच्चोनका दिकुगा बुरा जीवन के बदलाएवा होय। येनेगो कुरकू टे लेंक्कीन थंदळे। 6 इंकू तलाटे अदा कुरकू, जो उरा गेन सेनेवा डो कुरकू के भाहकातिंजकुवा होय एठा बेदिमाग जापाएकु के काबूनकूवा, दिकुगा मन दिकुगा पापो गा दोष गा वोजीटे दबातिंजटे सेबाई खिजा गा इच्छानौर टे रोंगो सेंदरावा होय। 7 येनेगो जापाएकु हमेशा इथू गा कोशिश मेटे दडावा होय, पेनो चोलाकभी सच्चाई के बान हाडाई। 8 जैसा यन्नेस एठा यम्ब्रेस नी मूसा गा विरोध डाके डा, डीका रोंगो टे लाबाळ गुरूजीकु भी सच्चो गा वचन गा प्रचार गा विरोध दडावा होय। इनी येनोगो कोरो होय दिकुगा मन भायळ जे होय एठा आए टेमोन दिकु मसीह लिंजेन विश्वास बान दडा। 9 पेनो दिकुगा कामयाबी सिर्फ थोळाका टेमो गा होय, चोयाकी मूसा गा विरोधीकु यन्नेस एठा यम्ब्रेस गा खिजा इकुगा बेदिमाग भी सेबाईकु लिंजेन ओटबा मेना। तीमुथियुस के कास निर्देश 10 पेनो आमनी इंजा शिक्षा, स्वाभव एठा जीवन गा मकसद गा अनुसरण डाके होय। आमनी इंजा विश्वास, संयम, प्यार एठा आराम्बो गा नक्कल डाके, एठा कासु तुटूल गेन इंजा सथो जिले। 11 आम हाडाई कि अन्ताकिया शहर एठा इकुनियुम शहर एठा लुस्त्रा शहर गेन इंजा लिंजेन चोच-चोच अत्याचार डाएन एठा इंज्के चोटो सतातिंज्केमी। इंज्नी चोटो अत्याचार सेहेनके। पेनो प्रभु नी डी सेबाई कासुनौर टे आराकेमी। 12 हर जेकाभी जो मसीह यीशु लिंजेन विश्वास दडावा होय एठा परमेश्वर के खुश दडामिनी जीवन बिबातातिंज चाहतावा होय, दिकु सेबाईकु के अत्याचार सेहेसेन का होना। 13 पेनो जो बुराई टे व्यवहार होय एठा धोका जिऊवा मिठाच होय, दिकु येठाभी बुरा कामय के डाएवा, दिकु कुरकू के धोका जेबा एठा खुद दूसराकु टे धोका जोम्बा। 14 पेनो आपेके विश्वास दडा सुरुकु का होना, कि आलेनी आपेके चोच इथूकेमी होय, एठा इनी कि आपे विश्वास दडा गा लायको होय चोयाकी आपे हाडाई होय कि आपेके इनी बातो जेनी इथूकेमी। 15 एठा यादो डोए कि आपे सानी टेका पवित्र ग्रंथ गा बातो के हाडाई होय, जो आमके डी उध्दार गा ज्ञान जे सकतावा होय, जो मसीह यीशु गेन विश्वास दडा टे घाटाऊवा होय। 16 पूरा पवित्र ग्रंथ परमेश्वर गा आत्मिक प्रेरणा टे ओलके होय, डी शिक्षा जिऊ गा घल्जी, गलत धरणानौर गा बान ममानातिंज घल्जी, जीवन गा सुद्रातिंजू घल्जी, एठा धर्मिकता के इथू गा घल्जी उपयोगी होय। 17 ताकी डी कोरो जो परमेश्वर गा सेवा दडावा होय, पूरा तारीख टे सही आरोए एठा हरेक भला कामय के दडा गा घल्जी तैयारजू। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation