2 ತಿಮೊತಿ 2 - गवली उनाई नियममसीह यीशु गा वफादार सैनिक 1 “इनिघल्जी हे इंजा कोण तीमुथियुस, अमा डी कृपा गा द्वारा तखादार हारोए, जो आमेन मसीह यीशु टे रिश्ता आरु गा द्वारा घाटाऊवा होय।” 2 डी शिक्षानौर के जो आमनी घोनेचका गवाहकु गा सम्मान इंजाटे इथूके होय, इंज चाहतावा मेना कि आम डीका शिक्षा दूसरा विश्वासीकु के भी इथूकु, दिकु लिंजेन आम भरोसा डाए सकतावा होय ताकी दिकुभी दूसराकु के इथू होना। 3 मसीह यीशु गा अच्छा योद्धा रोंगो इंजा सेंग्गोन कासु सेहेसेन होना। 4 म्या योद्धा जो सेना गेन हेजा सेवा जे लक्के होय, डीच तुनिकाभी रोंगो गा दुनियादरी कामयनौर गेन बान पसाऊ, चोयाकी डीच हेजा अधिकारी के खुशो दडा गा कोशिश दडावा होय। 5 डाबोलटे, जब जेका तुनिका हुंजू गेन मुकबला दडावा होय, मेटे डीच मेटे टाएन ईनाम बान जीटाऊ होय, जब टाएन कि डीच नियमनौर गा रोंगो सळुप बान घाऊ। 6 खिटीन मेहनत मिठाच खिटी कामय कोरो के, सेबाई टे फल गा हिसा घाटायु होना। 7 जो उदाहरणनौर के इंज आमके जे लक्के मेना डेगा बारेन बिचारे, चोयाकी परमेश्वर इनिके ससामझातिंजेन अमा मदत डाए। 8 इनी बातो के यादोए चाले कि यीशु मसीह जे होय। डीच जो राजा दाऊद गा पीढी टे होय, डीचके परमेश्वर नी गोएन मिंकूटे जीटाकेनेच, एठा इनिका अच्छा खाबोर होय जो इंज इंजा कुरकू गेन प्रचार दडावा मेना। 9 इंज अपराधी गा रोंगो जेलेन केटके मेना एठा मुसीबत तुटूल लक्के मेना, चोयाकी इंज्नी अच्छा खाबोर गा प्रचार डाके। पेनो परमेश्वर गा अच्छा खाबोर फैलातिंजुटे जेका रोराकातिंज बान साकता। 10 पेनो इंज परमेश्वर गा कलामके मिंकू कुरकू गा फायदा गा घल्जी सेबाईका सहेसेनेवा मेना, ताकी दिकु डी उध्दार के जो मसीह यीशु गेन होय हमेशा महिमा टे घाटायु। 11 इनी बातो सच्चो होय, कि अगर आले दियागा सेंग्गोन गोएन होय, मेटे दियागा सेंग्गोन जीटाऊवा। 12 अगर आले दियागा सेंग्गोन कासु सहेसेनबा, मेटे दियागा सेंग्गोन राजो भी डाएवा। अगर आले डीचके चिचानाटे इंकार डाएवा, मेटे डीच भी मंडेबा भी कि आले दियागा बाऊ होय। 13 अगर आले विश्वास लायको बाने भी होय, तोभी डीच विश्वास लायको आरुका थंदळवा होय, चोयाकी डीच हेजा सच्चो गा स्वाभव गा विरोध बान सेने साकता। अच्छा कारीगर 14 परमेश्वर गा सम्मान कुरकू के इनी बातो गा यादो जे चाले एठा परमेश्वर गा गवाह आरुटे दिकुके चेतावनी जे, कि शब्दनौर गा अर्थ लिंजेन हिंजमान बाकी। येनेगो हिंजमान टे जेकान भी फायदा बान डाऊ पेनो आजोम मिंकू बिगळातिंजुवा होय। 15 आम परमेश्वर गा सच्चो वचन के सही रिती टे इथूकु चाले एठा जो कामय दडावा डेन सेरोम गा वाजा बान होना, एठा परमेश्वर के मनेन लायको होना येनोगो सेवक आरु गा पूरा कोशिश डाए। 16 पेनो बिसोटो मूर्खापणा हेळहेळ टे चोयाकी जो कुरकू येनोगो बातो गेन चालुका थंदळवा होय, दिकु बिसोटो हेळहेळ गेन बळातिंजुवा होय एठा परमेश्वर टे लेंक्कीनु लक्के होय। 17 जैसा सळातिंज्के घाव कोम्बोरके नुकसान जेबा होय डेनेगोका दिकुगा शिक्षा गा आसर बोचोवा होय, जो आजोम मिंकू गा विश्वास के नाशोएवा होय। हुमिनयुस एठा फिलेतुस दिकुका तालाटे होय। 18 दिकुनी सच्चो लिंजेन विश्वास दडा आराके होय। दिकु येनेगो मंडीवा होय कि परमेश्वर नी पेलाका डी विश्वासी कुरकू के जो मसीह गेन गोएन होय हमेशा गा जीवन जीके होय। एठा अदा विश्वासीकु के मसीह गा शिक्षा लिंजेन विश्वास दडा टे रोराकतिंजवा होय। 19 पेनो परमेश्वर कुरकू डी पक्का पैय्या गा रोंगो होय जो चोलाकभी होलेंजू बाने, एठा इनी पैय्या लिंजेन इनी ओल्के होय, “प्रभु हाडाई कि दियागा कुरकू जे होय” एठा “जो जेका प्रभु गा जीमू सवा होय, डीच बुरा कामय के दडा आराकी।” 20 तुनिका खाट उरान सेबाई प्रकार गा बर्तन घाटाऊवा होय, देटे अदा सोना एठा चाँदी गा आरुके मिनी थंदळवा होय एठा अदा कासा एठा सिंजा गा आरुकुवा होय। अदा बर्तननौर गा इस्तेमाल कास मौका लिंजेन डाऊवा होय एठा अदा गा इस्तेमाल सदाराण मौका लिंजेन डाऊवा होय। 21 इनिघल्जी अगर तुनिका विश्वासी कोरो हेज खुदके इनी प्रकार गा हर म्या रोंगो गा बुराई टे खुदके अलग्गोएवा होय, मेटे डीच डी आदर गा पात्र आरुवा डी म्या बर्तन आरुवा, जो कास इस्तमाल गा घल्जी होय, मतलब जो चोखरा होय, उरा गा स्वामी लायको होय, चोयाकी डीच समर्पित होय एठा हर रोंगो गा खापेट कामय गा घल्जी उपयोगी होय। 22 पापो गा बुरा इच्छानौर टे लेंक्कीन थंदळे, जो जवानकु के ओळकुवा होय, एठा जो सपा दिल टे परमेश्वर के मदत गा घल्जी हाकोवा होय, दिकुगा सेंग्गोन बेल्लाटे धर्मिकता, विश्वास, प्यार एठा शांती टे मिलातिंजू गा टाऊ डाए। 23 एठा मूर्खातापूर्ण एठा आज्ञानता गा हिंजमान टे लेंक्कीन थंदळे, चोयाकी आम हाडाई होय कि येनेटे झगडा ओटबा होय। 24 प्रभु गा भाग्य के झागडा मिठाच बान होना। पेनो सेबाईकु मिलातिंजू रेंगो एठा सहेसेन मिठाच होना, एठा परमेश्वर गा वचन के अच्छा रोंगोंटे टे इथूमिठाच होना। 25 डीच इनी आसा टे हेजा दुश्मानकु के आरी गेल्ला एठा प्यार टे सामझातींज्कु, चोच जाने परमेश्वर दिकुगा मन इखाट गा मन जे कि दिकु मसीह गा सच्चो के चिनाया। 26 इनी रोंगो दिकु होश हेजे टे शैतान गा पासा टे आरागुवा, डीचनी दिकुके हेजा इच्छा पुपरा घल्जी जालीन पासाकेकु होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation