2 ಕೊರಿಂಥ 8 - गवली उनाई नियमउदार पुराटे दान जिऊ 1 नका हे विश्वासी डाईचो, इंज आपे कुरकू के डी कृपा गा बारेन घागल चाहतावा मेना, डीके परमेश्वर नी मकिदुनिया जिल्हा गा मसीह गा मंडलीनौर के जीके मेना होय। 2 जब दिकुन भेबाव तखलिफनौर टे अंदजो डाके मेना, मेटे भी दिकु भेबाव खुशोएन एठा हालाकी दिकु भेबाव गिरबो डा, फिरभी दिकुनी अलग्गो विश्वासीकु गा मदत दडा गा घल्जी भेबाव उदार टे डामा तौर गेन मदत डाके। 3 दिकुगा बारेन इंजा गवाही होय, कि दिकुनी इकुगा शक्तीगा रोंगो, बनकी दियाटे भी येठाभी खुद गा इच्छाटे दान जीके होय। 4 दिकुनी खुद का खाट आग्रह गा सेंग्गोन इंजाटे अनुरोध डाके, कि दिकुके भी यहूदिया जिल्हा गेन थंदळ मिंकू परमेश्वर गा कुरकू गा मदत गा घल्जी सेवा गा कामय गेन भागो सा गा अच्छा मौका घाटाऊवा। 5 दिकु इकुगा उदार गेन आलेगा आसा टे घोनेच जादा सम्मान बळातिंजे। दिकुनी पेला प्रभु गा प्रति एठा परमेश्वर गा इच्छा गा रोंगो, आलेगा घल्जी आपना खुदके जीके। 6 इनिघल्जी आलेनी तीतुस के समझातिंज्केनेच, कि जेनी इनी कामय के चालुके, इनिके सुरुका डोकी एठा प्यार गा इनी कास सेवा के पुपरा गेन आमगा मदत डाए। 7 आपे कुरकू खिजा हर बातो गेन मतलब विश्वास, वचन के इथू, ज्ञान जिऊ एठा सेबाई रोंगो गा मेहनत दडा गेन, एठा डी प्यार गेन, जो आलेटे दोडोवा होय, बळातिंजुवाका होय, डेनोगोका गिरबो विश्वासीकु गा दान गा कामय गेन भी बळातिंजू चाले। मसीह आलेगा नमूना 8 इंज इनी संबंध गेन आपेके तुनिका उनाई नियम बान जिऊ लक्के मेना। लेकिन दूसराकु गा उदाहरण जीटे इनी घागल गा घल्जी कि दूसराकु गा मदत दडा गा घल्जी चोटो आरीके मेना। इंज इनी पता घाई गा कोशिश दडा लक्के मेना कि आपेगा खुद गा प्यार चोटो टाकूका होय। 9 आपे कुरकू आलेगा प्रभु यीशु मसीह गा कृपा हाडाई होय। डीच लकपाती डा, पेनो आपे कुरकू गा वोजीटे कंगाल आरोएन, ताकी दिकुगा कंगाल आरुटे आपे लकपाती आरुयु। 10 इनी बातो गेन इंजा सुझाव इनिका होय, कि जो कामय आपे कुरकू नी ओले साल सुरुके डा एठा जो योजना आपेनी आपेका आरुके डा, नका डीके पूरा दडा गेन का आपेगा भलाई होय। 11 इनिघल्जी जो कामय आपेनी सुरुके डा, डीके पुराए भी चाले, इनी कामय गा स्यागु गा घल्जी भी डेनोगोका आरी आरुका थंदळे, जैसा येनेगा योजना तैयार दडा टेमो डा, येनेगा स्यागु आपना डीका गोलाके डामा एठा डाऊटे डाए, जो इनी टेमो आपेगा मेरान होय। 12 आपेटे जो कुरकू दान जिऊ गा इच्छा दोडोवा होय, मेटे शक्तीगा रोंगो जो चोच्काभी जिऊवा होय, डीके परमेश्वर मनेनेबा होय। परमेश्वर इनी बान चाहता कि जो आमगा मेरान बाऊ होय डीके दान डाए बनकी डीच इनी चाहता होय जो आमगा मेरान होय डीका दान डाए। 13-14 इंजा मतलब इनी बाऊ होय कि दूसराकु गा भलाई दडा गा वाजा आपे खुद कासु टूले, लेकिन आमगा मेरान इनी टेमो घोनेच होय, इनिघल्जी इनी सही होय कि आमके डी कुरकू गा मदद दडा होना जो जरूरतमंद होय। डाबोलटे, जब आमेन जरुरत डाऊवा एठा दियागा मेरान घोनेच चोच्का टाकु, मेटे डीच आमगा मदद डाएवा। इनी खिजा बर्खिंज गा सेंग्गोन म्या रोंगो व्यवहार डाऊवा होय। 15 जैसा पवित्र ग्रंथ गेन ओल्के होय, “जेनी घोनेच खाटिंजके डा, दियागा मेरान येठाभी बान ओटडुका एठा जेनी थोळा खाटिंजके डा, दियागा मेरान कम बान ओटडुका।” तीतुस गा कुरिन्थुस के कुकूल 16 परमेश्वर के धन्यावाद, डीचनी तीतुस गा दिल गेन आपे कुरकू गा प्रति डेनोगो आरी ओटके होय, जैसा इंजा इंजेन आपेगा प्रति डा। 17 जब आलेनी डीचके आपेगा मेरान सेने मेंटो मंडीके मेटे डीचनी आलेगा बातो गा आदर डाके बांकी खाट आरीटे डाबोलटे अमाटे मिलातिंजू गा तैयारी गेन होय। 18 आले दिकुगा सेंग्गोन डी विश्वासी डाईके कुलेच लक्के होय, जो अच्छा खाबोर गा प्रचार गा वोजीटे सेबाई मसीह गा मंडलीनौर गेन बढाई गा वाजा होय। 19 एठा एटोका बाने, पेनो डीच मसीह गा मंडली गा विश्वासीकु गा द्वारा ठहरातिंज्के भी, कि इनी दान गा कामय गा घल्जी आलेगा सेंग्गोन सेने एठा इनी सेवा इनिघल्जी दडावा होय कि प्रभु गा महिमा डायु एठा यरूशलेम शहर गेन थंदळ-थंदळ टे विश्वासीकु गा प्रति इनी ओटजू, कि आले दिकुके मदत दडा गा घल्जी भेबाव का आराकी होय। 20 तीतुस गा सेंग्गोन डी विश्वासी डाईके कुलटे आले इनी बातो गेन ध्यान टे थंदळवा होय, कि इनी दयालु गा कामय गा बारेन दियागा सेवा आले दडावा होय, जेका आले लिंजेन दोष बाकी येंडा। 21 चोयाकी न बस प्रभु गा नजर गेन, बनकी कोरोकु गा नजर गेन भी आले अच्छा स्वाभव दडा गा ध्यान दोडोवा होय। 22 इंकिंज बार्खिंज गा सेंग्गोन आले आलेगा म्या एठा डाईके कुलेच लक्के होय। डीचके आलेनी बार-बार चिचाना गा घोनेच बातो गेन आरीका घाटाके होय। इनी कामय गा घल्जी दियागा आरी येठाभी बळातिंजे होय, चोयाकी डीचके आपे कुरकू लिंजेन पूरा भरोसा होय। 23 देटे टाएन तीतुस गा प्रश्न होय, डीच आपे कुरकू गा तालान मसीह गा सेवा गेन इंजा सेंग्गो एठा सथो जिऊमिठाच होय। आलेगा अलग्गो डाई मसीह गा मंडलीनौर गा कुल्केनेच मिठाच पावना एठा मसीह के महिमा जिऊमिंकू कुरकू होय। 24 इनिघल्जी आपे कुरकू मसीह गा मंडलीनौर गा जानकारी गेन दिकुके इकुगा प्यार गा सबुत जे, कि आले आपे लिंजेन जो घमंड दडावा होय, डी साहीका होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation