2 ಕೊರಿಂಥ 4 - गवली उनाई नियमअच्छा खाबोर गा उजाला 1 इनिघल्जी जब आले लिंजेन येनोगो दया डाएन, कि परमेश्वर गा खाबोर गा एलान दडा गा सेवा घाटाएन होय मेटे आले हिम्मत बान आरा। 2 पेनो आलेनी सेरोम रोंगो एठा उखु कामय के आराके मेना होय, एठा न चतुरुटे सेंदरावा, एठा न परमेश्वर गा वचन गेन बेल्लाएवा होय, पेनो परमेश्वर गा सम्मान आले बस सच्चो मंडीवा होय, एठा दूसराकुन यकीन होय कि आले भोरोसामन होय। 3 जो अच्छा खाबोर आले प्रचार दडावा होय, अगर डी उखुके धारे होय, मेटे इनी नाशोमिनी गा घल्जी का उखुके मेना होय। 4 इनी दुनिया गा राजो शैतान नी डी अविश्वासीकु गा दिमाग के अंधाके मेना होय, ताकी मसीह जो परमेश्वर गा रुपो होय, दियागा तेजोमय अच्छा खाबोर गा उजाला दिकु लिंजेन बान चमकतिंजू। 5 चोयाकी आले आलेगा बाने, पेनो मसीह यीशु गा प्रचार दडावा होय, कि यीशु मसीह प्रभु होय, एठा आले यीशु गा वोजीटे आपेगा सेवक होय। 6 इनिघल्जी कि परमेश्वर नी मंडीके, “अंधरा तालाटे उजाला चमकातिंजू,” एठा परमेश्वर नी उजाला गा खिजा आलेगा दिलनौर गेन समझो जिले, ताकी आले परमेश्वर गा महिमा के डोगे साकतावा, जो यीशु मसीह गा द्वारा ओटबा होय। कासा गा बर्तन गेन डामा 7 आले कासा गा बर्तननौर गा खिजा होय, डेन इनी खजाना जमाके मेना होय। कि इनी खाट शक्ती आलेगा कोनेटे बाने, बनकी परमेश्वर का गा कोनेटे ठहरातिंज्के। 8 आले सेबाई कोनेटे तक्लिप मेटे भोबागातिंज्बा होय, पेनो सिनी गेन बान बोचो, परेशान मेटे होय, पेनो नाराजोऊ बाने। 9 आले चोटोका बार सतातिंजकोम्बानी होय, पेनो परमेश्वर आलेके एकला बान आरा; चोटोका बार आले बुरी खिजाटे मुंडाकोम्बा होय, पेनो परमेश्वर आलेके नाशो डाए बाने। 10 आले हमेशा आपना कोम्बोर गेन यीशु गा खिजा क्रूस गा गुजू गा अनुभव दडावा होय, ताकी जो कामय आले दडावा होय, कुरकू आलेगा कामयनौर के धोटे मंडीकी होना कि मसीह आलेन नी जीटाका होय। 11 आलेन जीटाका थंदळ लठ्ठाका यीशु गा घल्जी हमेशा गुजू गा सामना दडा बोचोवा होय, ताकी यीशु गा जीवन भी आलेगा नाशोऊ मिनी कोम्बोर गेन ओटजू होना। 12 एनेगा मतलब इनी होय कि आले गुजू गा खतरा गेन थंदळवा होय, पेनो येनेगा आसार आपेगा घल्जी हमेशा गा जीवन हासिल दडा होय। 13 पेनो आले प्रचार दडावाका होय चोयाकी आलेन डीका विश्वास गा आत्मा होय, जो भाजन गा ओलमिठाच गेन डा, जैसा पवित्र ग्रंथ गेन ओल्के मेना होय, “इंज्नी परमेश्वर लिंजेन विश्वास डाके, इनिघल्जी इंज मंडीवा मेना।” आलेभी विश्वास दडावा होय, इनिघल्जी मंडीवा होय। 14 चोयाकी आले डी परमेश्वर के हाडाई होय, जेनी प्रभु यीशु के गोएन मिंकू तालाटे जीटाकेनेच, डीच आलेके भी यीशु गा सेंग्गोन जीटाकोम्बा, एठा आपेगा सेंग्गोन आलेके भी आपना टाकूनेच गेन साकोम्बा। 15 चोयाकी दिकु सेबाई मुश्किल जो आलेनी सेहेंके, सेबाई चोच्का आपे कुरकू गा फायदा गा घल्जी डाऊ लक्के होय, ताकी डी खिजा परमेश्वर गा कृपा जादाटे जादा कुरकू गेन फैलातिंजू लक्के होय, डीका खिजा परमेश्वर गा महिमा गा घल्जी धन्यवाद गा प्रार्थना भी बळातिंजू डोन। 16 इनिघल्जी आले हिम्मत बान आरा, अगर का आलेगा बल्ला कोरोपन नाशो डाऊवा होय, मेटे भी आलेगा आत्मा दिन हरेक दिन उनाई आरुवा होय। 17 आलेगा आए टेमोन समस्यानौर हल्काका होय एठा थोळा टेमोनौर गा घल्जी का होय। येनेगा आसर हमेशा महिमा डाऊवा, जो डी सेबाई समस्यानौर टे घोनेच जादा डाऊवा डीके आले सोचातिंज भी बान साकता होय। 18 एठा इनिघल्जी आलेनी मेटे डोके मिनी सामोन के बाने पेनो बान दोडुका सामोननौर के दोडोवाका होय, चोयाकी डोके मिनी सामोननौर थोळाका दिन गा होय, पेनो बान डूगु सामोननौर हमेशा आरुका थंदळवा होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation