2 ಕೊರಿಂಥ 2 - गवली उनाई नियमआपना प्यार गा अच्छा टे कोकाम्बरा 1 इंज्नी इंजा का मन गेन पक्काये डा, कि आपेके कासु जिऊ गा घल्जी डाबोलटे आपेगा मेरान बाकी हेयु। 2 अगर इंज आपेके दुखीकोम टासो, मेटे इंजेन डी कोरो गा अलावा डीचके इंज्नी कासु जीके होय, तसल्ली जिऊमिठाच जेका बान थंदळ। 3 इनिघल्जी इंज्नी इनी बातो आपेके ओल्के, ताकी येनोगो बाकी डाऊ कि इंजा हेजे लिंजेन दिकुटे इंजेन खुशी घाटायु होना, इंज दिकुटे नराजोऊ। चोयाकी इंजेन आपे सेबाईकु लिंजेन इनी बातो गा भरोसा होय, कि जब इंज खुशीऊवा मेना, मेटे आपे सेबाईकु भी खुशीयु। 4 खाट तक्लिप एठा मन गा मेहनत टे, इंज्नी मेट डा आडी-आडीटे आपेके डी पत्र ओल्के डा, इनिघल्जी बाने कि आपेके कासुकेमी, पेनो इनिघल्जी कि आपे डी खाट प्यार के चिनाया, जो इंज आपेटे दडावा मेना। पापी के माफी 5 अगर जेकानी कासु जिले होय, मेटे डीचनी इंज्के बाने, बनकी म्या रोंगो टे आपे सेबाईकु के कासु जीके होय, हालाकी इंज दियागा पापो के काम-जादा मंडी चाहता। 6 येनोगो कोरो के, जो दण्डो आपे तालाटे चोटोका विश्वासीकु नी डीचके जीके होय, डी काफी होय। 7 इनिघल्जी येनोगो दडा टे इनी भला होय, कि आपे दियागा अपराध मापोकी, एठा डीचके आरी-आरेचका, अगर आपे डीचके मापोएच बाने टासो, मेटे शायद डीच एटो दुखीयु कि नराजो डाटे एठा डीच येठाभी जादा कासु गेन बोचोयु। 8 इनी वोजीटे इंज आपेटे बिनती दडावा मेना, कि डीचके घाले कि आपे आए भी दियाटे प्यार दडावा होय। 9 इंज्नी आपेके डी पत्र इनिघल्जी ओल्के डा, चोयाकी इंज आपेके अंदजो चाहता डा, कि आपे इंजा हुकूमनौर गा पालन दडा गा घल्जी तैयार होय, कि बाने। 10 जो कोरो के आपे मापोएच्बा होय, डीचके इंजभी मापोएच्बा मेना, चोयाकी इंज्नी आपेगा भलाई गा घल्जी मसीह गा हाक टे जो चोच्काभी मापो दडा गा जरुरत डा डीच मापोकेनेच होय। 11 ताकी शैतान डाव आले लिंजेन बाकी सेसंदरा, चोयाकी आले दियागा बुरा मकसदनौर के हाडाई होय। पौलुस के सांत्वना 12 जब इंज मसीह गा अच्छा खाबोर घागल गा घल्जी त्रोआस जिल्हा गेन हेन, मेटे प्रभु नी इंज्के प्रचार गा घल्जी महान मौका जीके। 13 पेनो इंज ठायका नराजोके डा, चोयाकी इंज्नी इंजागा डाई तीतुस के बान घाटाडुका। इनिघल्जी इंज त्रोआस शहर गा विश्वासीकु टे बिदाटे, तीतुस के घगाटा गा घल्जी मकिदुनिया गेन जिल्हान ओले मेना। मसीह सेवक जीवन गा सुकींज 14 पेनो परमेश्वर गा धन्यवाद डायु, जो मसीह गेन हमेशा आलेके जीटाऊ गा उत्सव गेन साटे इखाटबा होय। एठा डीच मसीह के चिचाना गा सुकींज आलेगा द्वारा हर जगान फैलातिंजू लक्के होय। 15 चोयाकी आलेगा जिंदगी परमेश्वर गा मेरान उध्दार घाटाऊ मिंकू एठा नाशोऊ मिंकू, बर्खिंज गा घल्जी मसीह गा सुकींज होय। 16 नशो डाऊमिंकू गा घल्जी इनी सुकींज घोगेज गा मेंटो गुजू गा कोनेन साकोम्बा होय, पेनो उध्दार हासिल मिठाच गा घल्जी इनी सुन्किजजीवनभोर मेंटो जीवन गा कोनेन सकोम्बा होय। पक्का रुपोटे जेकाभी इनी कामय के दडा गेन माहिर बाऊ होय। 17 चोयाकी आले डी घोनेचकु गा रोंगो बाने, जो डामा गा घल्जी परमेश्वर गा वचन गा प्रचार दडावा होय। पेनो आले मन गा सच्चाई टे, परमेश्वर गा कोनेटे परमेश्वर के टाकूनेच चिनाटे, मसीह गा सेवक गा रोंगो मंडीवा होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation