2 ಕೊರಿಂಥ 13 - गवली उनाई नियमआखरी चेतावनी 1 नका इंज आपेगा मेरान आफाई बार हेजे लक्के मेना। पवित्र ग्रंथ गेन येनोगो ओल्के होय, “हरेक मामला के बरी या आफाई गवाहकु गा गवाही द्वारा साबित घागल होनाका।” 2 जब इंज दूसरा बार आपे कुरकू गा मेरान हेन डा, मेटे इंज्नी डी कुरकू के चेतावनी जीके डा, दिकुनी पापो डाके डा। नका इनी पत्र गेन इंज डाबोलटे दिकुके एठा दूसरा सेबाई कुरकू के चेतावनी जेबा मेना, जैसा इंज्नी पेला जीके डा। अगर दिकुनी आए भी पापो दडा बंदोडुका बाने, मेटे दिकु जेकाभी खिजा सजाटे बचातिंजू बाने। 3 इंज इनिघल्जी मंडीवा मेना, चोयाकी आपे कुरकू सबुत चाहतावा होय कि जो इंजा द्वारा बातो दडावा होय, डीच मसीह होय या बाने। जब डीच आपेगा गलतीनौर के सुटेवा होय, मेटे डीच आपेगा घल्जी कमजोर बाऊ, पेनो डीच हेजा गा शक्तीके आपेगा तालान ओडेवा होय। 4 इनी सच्चो होय कि डीच कमजोरकु गा वोजीटे क्रूस लिंजेन पेळेएन मेना, फिरभी परमेश्वर गा शक्तीटे जीटाका होय। डीका खिजाटे आलेभी कोम्बोर गा रोंगो टे कमजोर मेटे होय, जैसा मसीह डा, पेनो परमेश्वर गा शक्तीटे आले आपे कुरकू टे समना दडा गा घल्जी दियागा सेंग्गोन जीटा थंदळवा। 5 इनी दोडो गा घल्जी आपना खुदके चिनाए कि आपेगा विश्वास सच्चो होय या बाने। अगर आपे बान हाडाई होय कि यीशु मसीह आमगा तालान होय, मेटे एनेगा मतलब होय कि आपेगा विश्वास सच्चो बाऊ होय। 6 पेनो इंजा आसा होय, कि आपे चिनाएवा, कि आले विश्वास गेन सच्चो होय। 7 आले परमेश्वर टे प्रार्थना दडावा होय, कि आपे तुनिका बुराई बाकी दडा। इनी घागल गा घल्जी बाने कि आलेगा सेवा कामय आपे कुरकू गा तालान साटे कमयाबके होय। पेनो इनिघल्जी कि आपे डीका डाए, जो सही होय, डाबोलटे भलाका आले बान कमयाबू होय। 8 चोयाकी आले सच्चो गा खिलाफ गेन चोच्का बान डाए साकता, पेनो सच्चो गा घल्जी का डाए सकतावा होय। 9 जब आले कमजोर होय एठा आपे कुरकू विश्वास गेन तखातदार आरुयु, मेटे आले खुशोऊवा होय एठा इनी प्रार्थना भी दडावा होय, कि आपे कुरकू विश्वास गेन पक्कायु। 10 इंज आपे कुरकू गा मेरान हेजे टे पेला इनी बातो इनिघल्जी ओल लक्के मेना, कि जब इंज आपे कुरकू गा मेरान हेजे, मेटे इंजेन आपना डी हाक गा उपयोग दडा गा जरुरत बाकी बोचो, जो प्रभु नी इंज्के आपेके दण्डो जिऊ गा घल्जी जिले होय। चोयाकी इंज इंजागा हाक गा उपयोग आपेके नाशो दडा गा घल्जी बाने, बनकी विश्वास गेन मजबूत दडा गा घल्जी दडा चाहतावा मेना। अच्छा कामयनौर एठा आशीर्वाद 11 इनिघल्जी हे विश्वासी डाईचो खुशो थंदळे, विश्वास गेन पक्का आरोए चाले, इंजा शिक्षानौर लिंजेन ध्यान जे चाले, म्याका मुठ्ठी थंदळे, इनिज-दियाटे मिलातिंज डोए, एठा प्यार एठा शांती गा परमेश्वर आपेगा सेंग्गोन थंदळकु। 12 इनिज-डीचके चोखरा चुम्मा टे नमस्कार डाए। 13 सेबाई चोखरा कुरकू आपेके नमस्कार मंडीवा होय। 14 प्रभु यीशु मसीह गा कृपा एठा परमेश्वर गा प्यार एठा पवित्र आत्मा गा बेल्लाऊ आपे सेबाईकु गा सेंग्गोन डाऊका चाले। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation