2 ಕೊರಿಂಥ 12 - गवली उनाई नियमपौलुस के दिव्य दर्शन 1 अगर का घमंड दडा टासो मेटे इंजा घल्जी सही बाऊ, फिरभी दडा बोचोवा होय, पेनो इंज प्रभु गा जिले मिनी दर्शननौर एठा दिव्य खुल्लाऊनौर गा चर्चा डाएवा। 2-3 इंज मसीह गेन म्या कोरो के हाडाई मेना, जो चौदह साल पेला सेबाई टे मठान ऊँचा स्वर्ग टाएन मठान टूलजेनेच। इंजेन बान मालूम कि डीच हेजा कोम्बोर गेन डा, या डाबोलटे डीच बस हेजा आत्मा गा सेंग्गोन देटेनेच डा, बस परमेश्वर हाडाई होय। इंज डाबोलटे मंडीवा मेना, इंजेन बान मालूम कि आए टेमोन येनोगो डाएन डा, या इनी म्या दर्शन डा, सिर्फ परमेश्वर हाडाई होय। 4 डी कोरोनी स्वर्ग टे येनोगो बातो गा चर्चा आजुम्के, जो बयान टे बल्लान होय एठा डीके दुसराकूगा सम्मान ओट गा तुनिका कोरो के राजी बाऊ होय। 5 येनोगो कोरो लिंजेन मेटे इंज घमंड डाएवा, पेनो आपना लिंजेन आपना कमजोरीनौर के आरागे आपना बारेन घमंड बान दडा। 6 चोयाकी अगर इंज घमंड दडा मेंबा कि मेटे न समज बाने मेना। चोयाकी इंज सच्चो मंडी लक्के मेना। पेनो इंज आपना खुदके इनी खिजाटे घमंड दडा टे रोकतिंजेच्वा, तोटेनका येनोगो बाकी डाऊ, कि जैसा जेका इंज्के दोडोवा होय, या इंजाटे आजोम्बा होय, इंज्के डी कोरो टे खाट्टेका समझातिंजे। कोम्बोर गेन जानोम 7 इंजा लिंजेन अद्भुत दिव्य खुलासा ओटके मेना होय, इनिघल्जी इंजा कोम्बोर गेन म्या कठिन मुश्किल जिले मेना होय। इंज्के तक्लिप जिऊ गा घल्जी इंजा कोम्बोर गेन जानोम सोगु गा रोंगो कासु जिले होय। एठा शैतान गा म्या दूत इंचे तळपातिंजकोम्बा होय, ताकी इंज घमंड बाकी दडा होना। 8 इनिजगा बारेन इंज्नी प्रभु टे आफाई बार बिनती डावे, कि इंजाटे इनी लेंक्कीनजू। 9 पेनो डीचनी इंजाटे मंडीके, “इंजा कृपा अमा घल्जी काफी होय, चोयाकी इंजा शक्ती कमजोरीनौर गेन ओटबा होय,” इनिघल्जी इंज खाट खुशीटे आपना कमजोरीनौर लिंजेन घमंड डाएवा, कि मसीह गा शक्ती इंजा लिंजेन साईली डोए थंदळे। 10 इनी वोजीटे इंज मसीह गा घल्जी कमजोरीनौर, एठा निन्दानौर गेन, एठा गिरबोपण गेन, एठा ससातातिंज गेन, एठा सिनी गेन खुशोके मेना, चोयाकी जब इंज कमजोरुवा मेना, मेटे भी इंज मसीह गा शक्ती गेन ताखदार मेना। कलामके चेलाकू गा मकसद 11 इंज्नी न समज गा रोंगो व्यवहार मेटे डाके, पेनो आपेका नी इंज्के येनोगो दडा घल्जी मजबूर केमी, आपेके मेटे इंजा बढाई दडा होना डा। अगर का इंज चोच्काभी बाऊ मेना, फिरभी इंज डी खाटटे खाट कलामके मिंकू चेलाकू तालाटे तुनिका बातो गेन कम बाऊ मेना। 12 जब इंज आपेगा सेंग्गोन डा, मेटे इंज आपेगा सम्मान इनी बातो के साबित डाके, कि इंज मसीह यीशु गा सच्चो कलामके मिठाच चेला मेना। चोयाकी इंज खाट सबर गा सेंग्गोन आपेगा तालान चिन्ह, अचम्बो कामयनौर, एठा शक्तीगा कामय के डाके। 13 म्या कामय जो इंज्नी आपेगा सेंग्गोन बान दडुका, जो इंज्नी अलग्गो मसीह गा मंडलीनौर टे डाके, डी इनी होय कि इंज चोलाकाभी आपे लिंजेन डामा गा बातो गेन ओझ बान आरुडुका। अगर आपे सोचतिंजबा होय, कि बारेन इंज्नी गलती डाके होय, मेटे इंज्के इनी गलती गा घल्जी मापोकेमी। मसीह गा मंडली गा घल्जी प्यार 14 नका इंज आफाई बार आपेगा मेरान हेजे तैयारके मेना, एठा इंज डाबोलटे आपे कुरकू लिंजेन डामा बातो गेन ओझा बान आरु। चोयाकी इंज आपेगा संपत्ति बाऊ, बांकी आपे कुरकू केका चाहतावा मेना। चोयाकी चाफ्निकु के आंटे-बाटे गा घल्जी डामा कखाटिंज बान होना, पेनो आंटे-बाटे के चाफ्निकु गा घल्जी डामा कखाटिंज होना। 15 इंज खाट खुशीटे आपना सेबाई चोच्का आपेके जेबा, येटे टाएन कि आपेगा घल्जी आपना खुदके भी जिऊ गा घल्जी तैयारके मेना। इंज आपे कुरकू टे घोनेच प्यार दडावा मेना, पेनो इंजेन येनोगो लगातिंजुवा होय कि आपे कुरकू इंजाटे कम प्यार दडावा होय। 16 चाहे चोच्काभी डायु, इंज आपे कुरकू लिंजेन ओझा बान आरुडुका। पेनो दूसराकुन लगातिंजुवा होय कि इंज चालका मेना, एठा इंज्नी आपेके धोका जीके होय। लेकिन इनी म्या लाबाळ होय। 17 भला आपेका घाले, जब इंज्नी तीतुस या एठा जेकाकेका आपेगा मेरान कुल्केनेच, मेटे चोच इंज्नी दिकु तालाटे जेका गा द्वारा आपे कुरकू टे फायदा टूलके? 18 इंज्नी तीतुस के समझातिंजटे दियागा सेंग्गोन डी विश्वासी डाईके कुल्केनेच, मेटे चोच तीतुस नी धोका जीटे आपे कुरकू टे चोच्का फायदा टुलजे? चोच आलेगा म्याका मकसद बाने डा? चोच आलेनी म्याका तरीका टे कामय बान दडुका? 19 पेनो हे इंजा प्रिय विश्वासी डाईचो, आपे आए टाएन समझातिंजे लक्के होंगा कि आले आपेगा सम्मान आपना सफाई जिऊ लक्के होय। पेनो येनेगो तुनिका बातो बाऊ होय। आलेनी परमेश्वर गा सम्मान मसीह टे घाटाके मिनी आपेगा विश्वास गा बळातिंजू गा घल्जी इनी दडा लक्के होय। 20 चोयाकी इंजेन हिगरा होय, काही येनोगो बाकी डाऊ कि जब इंज आपेगा मेरान हेजे, मेटे जैसा इंज चाहतावा मेना, डेनोगोका आपेन बाकी घाटायु। एठा इंजेन भी जैसा आपे बान चाहता डेनोगोका बाकी घाटायु। इंजेन हिगरा होय कि आपे तालान झगडा, जुलू, खीजो, खिलाफ, नफारत, चुगली, अभिमान एठा हिंज-मान होय। 21 एठा कही येनोगो बाकी डाऊ कि जब इंज आपेके डाबोलटे मिलातिंजू हेजे, मेटे इंजा परमेश्वर इंज्के बेईज्जती डाकी एठा इंजेन घोनेचकु गा घल्जी डाबोलटे जाम बोचो होना, दिकुनी पेला पापो डाके डा। एठा दिकुनी बुरा कामय, आनोवा, एठा लुच्चापन दडा गेन मन बदलाडुका बाने होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation