2 ಕೊರಿಂಥ 11 - गवली उनाई नियमआपे कुरकू लाबाळ प्रचारकु टे ध्यान टे थंदळे 1 इंज चाहतावा मेना कि अगर इंज थोळासा भी न समज गा रोंगो व्यवहार दडावा मेना, मेटे आपे कुरकू इंज्के बर्दास्त डाए। 2 चोयाकी इंज आपे कुरकू गा चिंता डेनोगोका दडावा मेना, जैसा परमेश्वर आपेगा चिंता दडावा होय। इंज्नी म्याका नावरा मसीह गा सेंग्गोन आपेगा सगाई डाके, देटे इंज आपेके चोखरा कुवारी गा खिजा दिकुगा सम्मान घाल्की होना। 3 पेनो इंज हिघरावा मेना कि आपेगा मन डी सिधाई एठा पवित्रता टे जो मसीह गा भक्ति गेन डाऊ होना तोटेनका आटजू बाकी होना, जैसा कि बिंज गा रुपो गेन शैतान नी हेजा चतुराई टे पेला जापाए हव्वा के बहकातिंज्केनेच। 4 चोयाकी जब भी जेका आपेगा हेजेवा होय एठा आलेगा द्वारा प्रचार डाके मिनी यीशु गा अलावा तुनिका अलग्गो यीशु गा प्रचार दडावा होय, या तुनिकाभी दूसरा आत्मा के मनेन गा घल्जी मंडेबा होय, जो पेला आपेन बान घाटाडुका या आपेगा द्वारा मनेन जे मिनी अच्छा खाबोर टे अलग्गो दूसरा खाबोर घाले, मेटे आपे डी सेबाई शिक्षानौर के जल्लोका मनेन दडावा होय। पौलुस एठा लबाळ कलमके मिंकू 5 इंजेन लगातिंजुवा होय कि इंज डी कुरकू टे अच्छा मेना, जो घागलवा होय कि दिकु सेबाईकु कलामके मिंकू चेलाकू तालाटे सेबाईकु टे महान होय। 6 मेंबाकी इंज अच्छा तरीका टे बान मंडीऊ, पेनो इंजेन नी ज्ञान गा कमी बाऊ होय, एठा इंज्नी आपेके हर टेमो एठा हर खिजा गा हालत गेन शिक्षा जिऊ गा लठ्ठाका इनी बातो के साबित डाके होय। 7 आपे कुरकू के मठान तुटूल गा घल्जी इंज्नी खुदके दिन आरुके एठा बिना चोच्का साटे आपे कुरकू गा तालान परमेश्वर गा अच्छा खाबोर गा प्रचार घाल्के। चोच एनेन इंजा तुनिका दोष डा? 8 आपे कुरकू गा सेवा दडा गा घल्जी इंज्नी दूसरा मसीह गा मंडलीनौर टेका इंजागा जान गा घल्जी दान सावे। 9 आपे कुरकू गा एनेन थंदळ टेमो इंज डामा सिनी बोचो लिंजेन भी जेका गा घल्जी भी ओझा बान आरु चाहता डा। चोयाकी मकिदुनिया जिल्हा टे हेजेमिंकू विश्वासी डाईचो नी इंजा जरुरतनौर के पूरा डाके। इंज आपे कुरकू लिंजेन ओझा बान आरुडुका एठा चोलाका बान आरु। 10 जो रोंगो इंजेन मसीह गा सच्चाई होय, मेटे अखाया जिल्हा गेन जेका इंज्के इनी बातो गेन घमंड दडा बान रोराकातिंज कि इंज्नी दिकुटे डामा मदत बान साडुका। 11 इंज्नी आपेटे डामा चोया बान साडुका? चोच इंज्नी येनोगो इनिघल्जी डाके चोयाकी इंज आपेटे प्यार बान दडा? परमेश्वर हाडाई होय, कि इंज आपेटे प्यार दडावा मेना। 12 इंज जो डाटे हेजे लक्के मेना, डीका डाए चालेवा, देटे डी प्रचारककु के इनी बातो लिंजेन घमंड दडा गा मौका बाकी घाटायु कि दिकु प्रचार गा कामय गेन इंजा बराबोर होय। 13 चोयाकी दिकु लाबाळ कलामके मिंकू चेलाकू एठा धोकाटे कामय दडामिंकू होय, जो लाबाळ मंडीटे खुदके मसीह गा कलामके मिंकू चेला आरु गा घागल दडावा होय। 14 इनी चोच्का अचम्बो गा बातो बाऊ, चोयाकी शैतान खुद भी चमकतिंजू मिनी रुपो स्वर्गदूत गा रुपो साटे बहकतिंजकुवा। 15 इनिघल्जी दियागा सेवक भी धोकाटे धार्मिकता गा सेवक गा रुपो सावा होय। पेनो जैसा दिकुगा कामय होय, डेनोगोका दिकुगा अंत डाऊवा। पौलुस मसीह गा घल्जी टूलके हेजा कासु लिंजेन घमंड दडावा होय 16 इंज डाबोलटे मंडीवा मेना, जेका इंज्के न समज बाकी ससामझातिंज, बनकी बेदिमाग का समझातिंजटे इंजा सेहेनजा, ताकी थोळासा इंजभी घमंड डाकी होना। 17 इनी संबंध गेन इंज जो मंडीवा मेना, डी प्रभु गा हाक टे बाने, पेनो न समज गा रोंगो बिना शक डाटे घमंड टे मंडीवा मेना। 18 जब घोनेचका कुरकू डी बातो गा ताना मुंमंडावा होय, जो दुनिया गा नजर गेन महत्व दोडोवा होय, मेटे भी डीका डाएवा। 19 आपेनी समझदार मेंटो भी खुशी टेन समजकु गा बातो के सेहेनेवा होय। 20 चोयाकी जब जेका आपेके भाग्य आरुकोम्बा होय, या आपेगा डामा संपत्ति जोमेबा होय, या पचातिंजेवा होय, या खुदके आपेटे अच्छा समझातिंजेवा होय, या आपेगा नबी लिंजेन थप्पळ जोम्बा होय, मेटे आपे सेहेनेवा होय। 21 इंज सेरोम म्या सेंग्गोन निंदा भी मनेन नेवा मेना, कि आपे कुरकू गा सेंग्गोन इनी रोंगो गा व्यवहार दडा गा इंजेन हिम्मत बान दडुका। आपे इनिके इंजा न समज समझातिंजे, पेनो जो बातो गा बारेन डी कुरकू घमंड दडा गा हिम्मत दडावा होय, इंजभी डी बातो गा बारेन घमंड डाए सकतावा मेना। 22 चोच दिकुभी इब्रानी कुरकू तालाटे होय? इंजभी मेना। चोच दिकुभी इस्राएली कुरकू तालाटे होय? इंजभी मेना। चोच दिकुका अब्राहम गा पीढी गा होय? इंजभी मेना। 23 चोच दिकु मसीह गा सेवक होय? इंज पागालकु रोंगो मंडीवा मेना कि इंज दिकुटे अच्छा सेवक मेना। इंज्नी दिकुटे चोटोका जादा मेहनत डाके होय, इंज्के दिकुटे चोटोका जादा बंदी आरुके मेना होय, चोटोका बार मुंडाकेमी मेना, बार-बार इंजा जान सिनी गेन बोचोएन। 24 अलग्गो-अलग्गो जागा लिंजेन मोनाई बार इंज्नी यहूदी अगुवाकु गा टी टे एकोनचालीस बल्खा जोवे होय। 25 आफाई बार इंज्के अलग्गो-अलग्गो टेमो लिंजेन डंडा टे कुठाकेमी, म्या बार घोटा जोवे, आफाई बार एनोगो डाएन कि जो खाट डोंगा लिंजेन इंज चेलके डा, डी टुक्काएन, एठा म्या बार डीच इंज एठा पूरा रातो समुद्र गेन इंगान-हुगन आडी लज्जे। 26 इंज बार-बार यात्रा गेन, आडी गा जोखिमनौर गेन, डाकु कु गा जोखिमनौर गेन आपना जाटोमिंकू के जोखिमनौर गेन, अलग्गो जाटोकु गा जोखिमनौर गेन, पुरानौर गा जोखिमनौर गेन, डोंगोरा जोखिमनौर गेन, समुद्र गा जोखिमनौर गेन, लाबाळ विश्वासी डाईचो गा जोखिमनौर गेन थंदळके। 27 इंज्नी कळक्को मेहनत डाके एठा घोनेचका रातो जाट्टो लठ्ठाका बितातिंज्के। इंजेन अक्सर आटा बान घाटाडुका। रांगेच-ताटाम, ठंडान अक्सर बिना कपळे गा भी थंदळ टे भी सेहेनेका लक्के। 28 इनी सेबाई बल्ला मुश्किलनौर गा अलावा हरेक दिन इंजा लिंजेन सेबाई मसीह गा मंडलीनौर गा भलाई गा चिंता गा ओझा आरुका थंदळवा मेना। 29 जब जेका लोकोम थंदळवा होय, मेटे इंजभी लोकोम महसूस दडावा मेना। जब जेका पापो गेन बोचोवा होय, मेटे इंज कासु टे भेट्टीवा मेना। 30 अगर घमंड दडा जरुरी होय, मेटे इंज इंजा लोकोमपणा गा बातो लिंजेन घमंड डाएवा। 31 परमेश्वर, जो आलेगा प्रभु यीशु गा बाटे होय, हमेशा-हमेशा धन्य होय। डीच हाडाई होय कि इंज लाबाळ बान मंडी। 32 जब इंज दमिश्का पुरान के डा, मेटे अरितास राजा गा राज्यपाल नी इंज्के उठा गा घल्जी पूरा लिंजेन पहरा सुबानके। 33 पेनो इंजेन टोपलान सुबांटे शहर गा गिली गा धुराटे इटान आगुरुकेमी, एठा इंज डी राज्यपाल गा टी टे बचातिंजे। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation