2 ಕೊರಿಂಥ 1 - गवली उनाई नियमनमस्कार 1 इंज पौलुस, परमेश्वर गा इच्छाटे मसीह यीशु गा कलामके मिठाच चेला मेना, एठा मसीह गेन आलेगा डाई तीमुथियुस गा कोनेटे, कुरिन्थुस पुरान परमेश्वर गा मसीह गा मंडली, एठा अखाया जिल्हा गेन परमेश्वर गा सेबाई कुरकू के, इंज इनी पत्र ओल्बा मेना। 2 इंज प्रार्थना दडावा मेना, कि आलेगा बाटे परमेश्वर एठा प्रभु यीशु मसीह गा कोनेटे आपेके कृपा एठा शांती घाटाऊ लक्कू। शांती गा परमेश्वर 3 आलेगा प्रभु यीशु मसीह गा बाटे एठा परमेश्वर गा स्तुति डायु, जो दया गा बाटे एठा सेबाई रोंगो गा तसल्ली गा पाजेर होय। 4 डीच आलेके आलेगा सेबाई मुसीबात गेन सांत्वना जिऊवा होय, ताकी आले डी शांती गा वाजा जो आलेके परमेश्वर टे हसिलुवा होय, दूसरा कुरकू के शांती जे चाले, जो तुनिका खिजा गा मुसीबात गेन होय। 5 जो खिजाटे आले तक्लिप सेहेनेबा होय डीका खिजाटे मसीह नी तक्लिप सहेंजे, डेनोगोका परमेश्वर देटोका जादा मसीह यीशु गेन तसल्ली जिऊवा होय। 6 अगर आलेन मुसीबत होय, मेटे आपे कुरकू का तसल्ली एठा उध्दार गा घल्जी का होय, एठा अगर आलेन तसल्ली घाटाऊवा होय, मेटे इनिघल्जी कि आले आपे कुरकू के तसल्ली जिकी होना, देटे आपे सब्र गा सेंग्गोन डीच कासु सेसेहेन गेन लायको होय, जो आलेभी भोभागातिंजवा होय। 7 इनिघल्जी, आलेगा आसा आपेगा बारेन पक्का होय, चोयाकी आलेन मालूम होय, कि जैसा आपे आलेगा कासु गेन बेल्लाऊवा होय, डेनोगोका आलेगा तसल्ली गेन भी बेल्लाऊ होना। कासु टे बचातिंज्केनेच 8 हे इंज विश्वासी डाईचो, आले आपेके डी ताखलिफ गा बारेन यादो जिऊ चाहतावा होय, जो आसिया जिल्हा गेन आलेन ससेहेन बोचोएन डा, देटेन ताखलिफ घोनेचका खाम्बाल एठा आलेगा सहेने शक्तीटे ज्यादा डा, एटे टाएन गा आलेनी जीटा थंदळ गा आसा भी आराके डा। 9 पेनो आलेनी आपना मन गेन एगो मानतिंजे डा, कि आले लिंजेन गुजू दंडो गा हुकूम डाएन होय। पेनो येनोगो इनिघल्जी डाएन, ताकी आले आपना खुद लिंजेन बाने पेनो परमेश्वर लिंजेन भरोसा डोकी होना, जो गोयेन मिंकूके जीटाकुवा होय। 10 डीचनी आलेके गुजू गा येनेगोका खाट संकट टे बचातिंजकेमी, एठा डीच एनोगोका डाएका चालेवा एठा दियाटे आलेगा इनी आसा होय, कि डीच सम्मान के भी आलेके बचातिंजकोम्बा। 11 डीच आलेके बचातिंजकोम्बा चोयाकी आपे प्रार्थना दडा गा द्वारा आलेगा मदत डाए लक्के होय, डेगा वोजीटे आलेन वरदान घाटाऊवा। दियागा निकल रुपोन घोनेच कुरकू परमेश्वर गा धन्यवाद डाएवा, चोयाकी आलेगा सुरक्षा गा घल्जी डाके घोनेच कुरकू गा प्रार्थना आजुम्जे होय। पौलुस गा कुरिन्थुस शहर यात्रा स्थपना 12 आले खाट हिम्मत गा सेंग्गोन एठा सापा मन टे इनी मंडे सकतावा होय, कि आले आपना सेबाई कामय गेन ईमानदार थंदळके होय। आलेनी इनी खिजा पवित्रता एठा सच्चाई टे सेबाईकु सेंग्गोन व्यवहार भी डावे, कास डाटे आपेगा सेंग्गोन एठा आले डी बिचार गा रोंगो बान बितातिंजदूका, जो इनी दुनिया गा कुरकू गा द्वारा ज्ञान समझतिंजूवा होय। पेनो आलेगा ज्ञान परमेश्वर गा कृपा लिंजेन निर्भर डा 13-14 आले आपेके बस डीका ओल्के लक्के होय ताकी आपे पळातिंज सके एठा डीके समझतिंज सके। लेकिन भलाका नका आपे आलेके बस अदा तौररेन समझो जेबा होय, इंजेन आसा होय कि आपे आलेके पूरा खिजाटे समझातिंजकोम्बा, ताकी प्रभु यीशु मसीह गा डाबोलटे हेजे गा दिन लिंजेन जैसा आले आपे कुरकू गा घल्जी घमंड डाएवा, डेनोगोका आपे आलेगा घल्जी घमंड डाएवा। यात्रा गेन बदलाव 15 इंजेन विश्वास डा कि आपे इंचे समझतिंजकोम्बा, एठा इनिघल्जी इंज चाहता डा कि इंज आपेगा मेरान डाबोलटे हेजे कि आपेके एठाभी ज्यादा आशीर्वाद जे सके। 16 चोयाकी इंजा योजन डा कि आपेगा मेराटे सेने लठ्ठाका मकिदुनिया जिल्हा के सेने एठा डाबोलटे मकिदुनिया जिल्हा टे आपेगा मेरान हेजे, एठा इंजेन आसा डा कि आपे यहूदिया जिल्हा गा इंजा यात्रा गेन होना जरुरतनौर के पुराएवा। 17 इनिघल्जी इंज्नी जो इनी इच्छा डाके डा, मेटे चोच इंज्नी हालकाई घाल्के? या जो दडा चाहतावा मेना कोम्बोर गा रोंगो दडा चाहतावा मेना, जो पेला हा, “हा” मंडीवा होय एठा डाबोलटे “बान, बान” मंडीवा होय? 18 जैसा परमेश्वर विश्वासयोग्य होय, डीका रोंगो आलेनी आपेटे जो मंडीके डी हमेशा सच्चोका मंडीके। 19 चोयाकी परमेश्वर गा कोण यीशु मसीह दियागा प्रचार आलेगा द्वारा मतलब इंजा एठा डाई सिलवानुस एठा डाई तीमुथियुस गा द्वारा आपेगा तालान डाएन, देटेन प्रचार चोलाका “हा” या चोलाका “न” बाने पेनो परमेश्वर गेन हमेशा “हा” का थंदळके होय। 20 चोयाकी परमेश्वर गा सेबाई वादानौर मसीह गेन “हा” गा सेंग्गोन पूराऊवा होय, एठा इनिघल्जी आले परमेश्वर गा महिमा गा घल्जी मसीह यीशु गा द्वारा “आमीन” मंडीवा होय। 21-22 परमेश्वर का होय, जो आपेगा सेंग्गोन आलेके मसीह गेन मजबूत कोम्बा होय। परमेश्वर नी आले लिंजेन हेजा चिक्खा येंडाटे बयान गा रुपोन हेजा आत्मा आलेगा दिल गेन धोटे आलेगा अभिषेक डाके होय। 23 परमेश्वर इंजा इनी सच्चाई गा गवाह होय, कि इंज डाबोलटे कुरिन्थुस शहर गेन इनिघल्जी बान हेजडुका कि इंज आपेके ताक्लिप जिऊ बान चाहता डा। 24 येनेगा मतलब इनी बाने कि आले आपेगा विश्वास लिंजेन आलेगा हाक दडा चाहतावा होय, चोयाकी आपे आपेगा विश्वास गेन मजबूत टेंगेंजे। आले मेटे आपेगा का खुशी गा घल्जी आपेगा मदत जिऊमिंकू होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation