1 ತಿಮೊತಿ 6 - गवली उनाई नियममसीह गा भाग्याकु कर्तव्य 1 जो विश्वासी तुनिका कोरो गा भाग्या होय, दिकुन इकुगा मालिको गा हर बातो गा पूरा तरीका टे इज्जात दडा होना, ताकी तुनिका बान विश्वासी कोरो परमेश्वर एठा आलेगा इथूके मिनी शिक्षा गा खिलाफबेन बाकी दडा। 2 एठा अगर तुनिका विश्वासी भाग्य गा मालिको विश्वासी होय, मेटे डी भाग्य हेजा गा मालिको के सेंग्गो विश्वासी मेन गा वोजीटे कम आदर बाकी जिऊ बनकी एठा अच्छा खिजा दिकुगा सेवा डाए, चोयाकी जो कुरकू दिकुगा अच्छा सेवा टे फायदा ठुठूलबा होय, दिकु विश्वासी होय एठा दिकुके दूसरा विश्वासी डाईचो के प्यार दडा गा खिजा प्यार दडावा होय। इनी बातो गा शिक्षा डाए चाले एठा दिकुके बळातिंज्कु लक्कूका। लाबाळ शिक्षा एठा डामा गा लालीचो 3 जो जेकाभी डी सच्चो शिक्षानौर गा रोंगो बान इथू जो आलेगा प्रभु यीशु मसीह नी परमेश्वर गा भक्ति दडामिनी जीवन बिबातिंज गा घल्जी इथूकेमी। 4 मेटे डीच घमंडी आरोएन होय एठा चोच्का बान समझातिंजू। येनेगो कोरो के बेमतलब गा विषयनौर लिंजेन हिंजमान एठा शब्दनौर लिंजेन हेळ-हेळ गा बिमारी होय एठा इनी बातो खिजोऊ, एठा झागडा, एठा खिलाफबेन गा बातो, एठा दूसराकु लिंजेन बुरा तरीका टे शक पैदाएवा होय। 5 एठा डी कुरकू गेन वोया गा झागळा ओटबा होय, दिकुगा मन बुरा आरोयेन होय, एठा दिकुन नी सच्चो गा समझो बान थंदळडूकु। दिकु सोचातिंज्बा होय कि भाक्ती कामय गा जारीया होय। 6 पेनो मन भेट्टी परमेश्वर गा भक्ति खुद गेन म्या अचम्बो डामा होय। 7 आले इनी दुनिया गेन डाएन लठ्ठाका मेटे चोच साटे हेन? चोच्कभी बाने। एठा जब गुजूवा, मेटे दुनिया टे चोच साटे सेनेवा? चोच्कभी बाने। 8 इनिघल्जी अगर आलेगा मेरान जोजोम घल्जी आनाजो एठा उरी घल्जी कपडे होना, मेटे आलेन येनेका लिंजेन भेट्टिव दडा होना। 9 पेनो दिकु जो लकपाती आरु चाहतावा होय, दिकु पापो गा जालीन बोचोवा होय, एठा चोटोका मूर्खापणा टे भेट्टी डी खतरनाक इच्छा गेन बोचोवा होय, जो कोरोकु के बिगळातिंज्कुवा होय एठा नशो गा कोनेन ओळकुवा होय। 10 चोयाकी डामा गा लालीचो सेबाई रोंगो गा बुराईनौर गा जळी होय, अदा कुरकू डीके हासिल दडा गा कोशिश दडा लठ्ठाका मसीह गा शिक्षा गेन विश्वास दडा आराटे हेज खुदके रेंग्गो-रेंग्गो गा खिजाटे कासु टे पोपा आरुके होय। तीमुथियुस के व्यक्तिगत शिक्षा 11 पेनो तीमुथियुस, आम परमेश्वर गा सेवक होय, आम इनी सेबाई बातो टे लेंक्कीन थंदळे, एठा हार प्रकार टे धार्मिकता गा कामयनौर दडा गा घल्जी, परमेश्वर के आदर जिऊ मिनी जीवन बिबातातिंज गा कोशिश डाए। मसीह लिंजेन विश्वास डाए, दूसराकु के प्यार डाए, मुश्किल गा टेमोन आराम्बो दोडो इठोए। दूसरा कुरकू गा सेंग्गोन विनम्रता गा स्वभाव दडा गा कोशिश डाए। 12 जैसा म्या लडाई मिठाच युध्द गेन लडाई बान आरा, डेनेगोका आम भी परमेश्वर लिंजेन भारोसा दडा एठा दियागा हुकूम गा पालन दडा बाकी आरा, एठा आपना घल्जी हमेशा गा जीवन के उठाकी, डेगा घल्जी आमके हाकोकेमी एठा दियागा बारेन घोनेच कुरकू गा सम्मान आमनी इनी मनातिंज्के कि आम मसीह लिंजेन विश्वास दडावा होय। 13-14 इंज आमके परमेश्वर के गवाह ठहरातिंजटे, जो सेबाईकु के जीवन जिऊवा होय, एठा मसीह यीशु के गवाह ठहरातिंजटे डीचनी पुन्तियुस पिलातुस गा सम्मान उत्तम गवाही जीके, इनी हुकूम जीके मेना। कि जो शिक्षा इंज्नी आमके जीके होय, डेगा पालन आलेगा प्रभु यीशु मसीह गा द्वारा हिरा टाएन डाए चाले। अगर आम येनेगोका दडा लक्के टासो मेटे जेकाभी अमागा तालान गलती घाटाऊ बान 15 परमेश्वर, जो परमधन्य एठा म्याका सर्वशक्तीमान होय, जो स्तुति गा लायको, राजाकु गा राजा एठा प्रभुकु गा प्रभु होय, डीचका मसीह के सही टेमोन ओडेचबा। 16 डीचका म्याका होय जो हमेशा टाएन जीटाका थंदळवा, डीच डी अगम्या उजाला गेन थंदळवा होय डेगा मेरान जेका सेने बाने। तुनिकाभी कोरो डीचके चोलाका बान दोडुका एठा न चोलाका डोगेचबा होय। दियागा महिमा एठा शक्ती जमाना-जमाना टाएन थंदळजू। आमीन। डामामिंकू के शिक्षा 17 इनी दुनिया गा लकपाती हुकूम जे कि घमंड बाकी, एठा नका दुनिया गा नाशोऊ मिनी डामा गा सम्पति लिंजेन आसा डोए, पेनो परमेश्वर लिंजेन आसा डोकी, जो आलेगा जरुरत गा सेबाई सामोननौर घोनेचटेका जेबा होय। 18 दिकुके भलाई दडा गा हुकूम जे, भला कामय गेन लकपाती आरोए, दान जिऊमिठाच होना एठा दूसराकु गा मदत दडा गा घल्जी तैयार थंदळकु। 19 इनी रोंगो दिकु इकु घल्जी म्या येनेगो सम्पति के गोलाएवा जो हेजे मिनी टेमो गा घल्जी अच्छा आदर डाऊवा। डेगा द्वारा दिकु आसली जीवन के घाटाएवा। विश्वास गा जागली 20 हे तीमुथियुस ध्यान डोए, कि आम डीका कामय डाए जो आमके परमेश्वर नी दडा गा जीके होय। बिसोटो फाजुल-माजुल टे एठा मुर्खतापुरा हिंजमान नौर टे डीके कुरकू गलती ज्ञान मंडीवा होय, लेंक्कीन थंदळे। 21 चोटो कुरकू नी इनी लाबाळ ज्ञान के ममानातिंज वाजा मसीह यीशु लिंजेन विश्वास दडा आराके होय। इंज प्रार्थना दडावा मेना, परमेश्वर गा कृपा आपे सेबाईकु लिंजेन डाऊ चाले। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation