1 ತಿಮೊತಿ 5 - गवली उनाई नियमविश्वासीकु गा प्रति जिम्मेदरीनौर 1 बुड्डा कोरो के जो अमाटे उमर गेन खाट होय डीचके बाकी कल्ला, पेनो डीचके आपना बाटे मनातिंजटे दियाटे बिनती डाए। जो कोरो अमाटे उमर गेन सानी होय डीचके आपना सानी बोको समझातिंजटे व्यवहार डाए। 2 आपेन खाट बाईकु गा सेंग्गोन डेनोगोका व्यवहार दडा होना जैसा कि डीच आमगा खुद आंटे होय एठा चफनी बाईकु गा सेंग्गोन डेनोगोका व्यवहार डाए, जैसा दिकु आपेगा खुद गा बोकाजाई होय। सपा मन टे येगोगो डाए। विधवाकु गा मदत 3 डी विधवाकु गा प्रति सम्मन घाले, दिकुके ससाम्भलातिंज गा घल्जी एठा दिकुगा देखभाल दडा गा घल्जी जेका बाऊ होय। 4 पेनो अगर तुनिका विधवा गा कोणकु या नातूकु-कुरार टासो, मेटे पेला दिकुन इकुगा कामय पूरा दडा इथू होना, एठा दिकुके इकुगा आंटे-बाटे गा देख-रेख दडा गा जरिया दिकुगा एहसान फिपाटा जरुरी होय, चोयाकी इनी परमेश्वर के अच्छा लगातिंजुवा होय। 5 जो सच्चोका विधवा होय, एठा दियागा देख-रेख दडामिठाच जेका बाऊ, डीच परमेश्वर लिंजेन आसा दोडोवा होय, एठा परमेश्वर टे मदत गा घल्जी रातो-दिन प्रार्थना गेन चालुका थंदळवा होय। 6 पेनो डी विधवा जो हेजा गा पूरा टेमो भोगोविलास गेन बितातिंजेवा होय, डीच जीटानका गोएन होय। 7 मसीह गा मंडली के इनी बातो गा भी निर्देश जे चाले ताकी दिकु निर्दोष थंदळे। 8 पेनो अगर जेका हेजा सगाकु गा देख-रेख बान दडा कास कारके दियागा खुद गा खटला गा देखरेख बान दडा, मेटे डीचनी विश्वास गा ठुकरातिंज्के होय एठा अविश्वासी कुरकू टे भी बुरा आरोएन होय। 9 विधवाकु गा सूची गेन दियाका जीमू ओलकी होना जो साठो सलाटे जदा उमर होना, एठा डीच म्याका साना गा डुकरी आरुके होना, 10 एठा दिकु इकुगा भलाई कामय गा वोजीटे चिनाऊवा होय, जैसा कि म्या जापाए हेजा गा कोणकु गा पालन-पोषान दडा, पउंचार दडा, प्रभु गा कुरकू गा सेवा दडा, मुसीबत गेन कुरकू गा मदत दडा, एठा हर म्या भला कामय गा घल्जी खुदके समर्पित डाके। 11 पेनो जवान विधवाकु गा जीमू सूची गेन बाकी ओल, चोयाकी जब दिकु सुख विलास टे ओळुटे ब्याह दडा चाहतावा, मेटे मसीह गा सेवा दडा गा कामय टे इखाडुवा होय। 12 एठा येनेगा दडा गा द्वारा दियागा पेला डाके मिनी ब्याह के वादा के टुक्का टे दिकु दोषी ठहरातिंजूबा होय। 13 येनेगा सेंग्गोनका दिकु उरा-उरान इखाट टे आळसी थंदळ इथूयुवा होय, सिर्फ येटोका बाने पेनो दूसराकु बारेन बाळ-बाळबाका होय एठा दूसराकु गा कामयनौर गेन टांग आळातिंज्बा होय एठा सोबा बान जिऊ मिनी बातो गा चर्चा दडावा होय। 14 इनिघल्जी इंज चाहतावा मेना कि जवान विधवाकु ब्याह डाए, कोणकु कोने एठा आपना उरा गा देख-भाल डाए एठा आलेगा तुनिकाभी दुश्मान के आलेगा बारेन बुराई दडा गा मौका बाकी जिऊ। 15 इंज इनिघल्जी मंडीवा मेना चोयाकी अदा विधवा जापाएकु परमेश्वर के ममानातिंज गा बाजाय डी कामय दडा लक्के होय, जो शैतान दिकुटे दडा चाहतावा होय। 16 पेनो अगर तुनिका विश्वासी जापाए गा उरान विधवाकु टाकु टासो, मेटे डीच दिकुगा देख-भाल डाए एठा मसीह गा मंडली लिंजेन ओझा बाकी येंडा, ताकी मसीह गा मंडली दिकुगा मदत डाकी होना जो सच्चोका विधवा होय एठा दिकुगा जेका बाऊ होय। वचन गा इथूमिठाच जुना सनाकु गा सम्मान 17 जुनाकु जो अच्छा सोए दडा लक्के होय, कास करके दिकु जो वचन घागल एठा इथू गेन कठिन मेहनत दडा लक्के होय, दिकु डाबोल गा आदर लायको समझातिंजू। 18 चोयाकी पवित्र ग्रंथ मंडीवा होय, “कि दडावरा मिठाच डोबा गा चाभु मूर्खा बाकी तोटोल,” एठा “मुंजरीकोरो हेजा गा मुंजरी गा हाकमिठाच होय।” 19 अगर जेका दोष तुनिका मसीह गा मंडली गा जुनाकु लिंजेन येंडाएकी, मेटे बिना बरी या आफाई गवाहकु गा तुनिका आरोप स्वीकार बाकी दडा। 20 पापो दडामिंकू के सेबाई विश्वासी कुरकू गा सम्मान कल्लाकु देटे दूसरा विश्वासीकु भी पापो दडा हिगरा होना। 21 परमेश्वर एठा मसीह यीशु एठा चोखरा स्वर्गदूतकु के टाकुकू चिनाटे इंज आमके चेतावनी जेबा मेना कि आम बिना हिंजमान गा इनी हुकूमनौर के मनातिंजे। 22 जल्दबाजी गेन आपना टी तुनिका जुना सनाकु गा मठान धोटे ककालाम बाकी। दूसराकु गा पापो गेन भागीव बाकी, आपना खुदके चोखरा आरुका डोकी। 23 सिर्फ डा का बाकी नुनू, पेनो आपना लाज गा एठा आपना बार-बार बीमारु गा वाजा थोळा-थोळा अंगूर रेस्सो भी नोए चाले। 24 अदा कोरोकु गा पापो ओटबा होय एठा सेबाईकुन मालूम होय कि दिकुगा न्याय डाऊवा, पेनो अदा कुरकू गा पापो बादोन ओटबा होय। 25 डीका रोंगो, जब कुरकू भला कामय दडावा होय मेटे डी कामयनौर दूसरा विश्वासी कुरकू गा सम्मान ओटबा होय, एठा जो येनेगो बान थंदळ डी भी उखुबाने। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation