1 ತಿಮೊತಿ 4 - गवली उनाई नियमलाबाळ गुरूजीकु 1 पवित्र आत्मा सपा रुपोटे मंडीवा होय कि हेजे मिनी टेमोनौर गेन कुरकू मसीह गा शिक्षानौर लिंजेन विश्वास दडा बंदोएवा, डी बहकातिंज मिनी आत्मानौर लिंजेन एठा भूतोकुटे घाटाएन शिक्षानौर गा लिंजेन ध्यान जेबा। 2 येनेगो शिक्षानौर डी लाबाळ गुरूजीकु गा खोटो गा वोजीटे फैलातिंजूबा होय, एठा दिकुगा मन जुलू मिनी लोखोंडो टे दागोएन होय एठा गोएन मेना होय। 3 येनेगो कुरकू इथूवा होय कि ब्याह दडा एठा अदा आटा चीजो के जोजोम गलत होय। पेनो डी आटा चीजो परमेश्वर नी आरुके होय, कि सच्चो के चिचानामिंकू विश्वासी कुरकू डीके प्रार्थना गेन धन्यवाद गा सेंग्गोन जोमे। 4 हर म्या चीजो जो परमेश्वर नी आरुके होय, डी अच्छा होय, तुनिका चीजो आरा गा लायको बाऊ होय, पेनो इनी कि धन्यवाद गा सेंग्गोन प्रार्थना डाटे जोमजू, 5 चोयाकी डी परमेश्वर गा वचन एठा प्रार्थना गा द्वारा चोखरा आरुवा होय। मसीह यीशु गा अच्छा सेवक 6 कि अगर आम हुकूम जो इंज्नी आमके जीके होय विश्वासी डाईचो के भी जे, मेटे आम प्रभु यीशु मसीह गा अच्छा सेवक ठहरातिंजूबा, एठा विश्वास गा शिक्षानौर टे एठा डी अच्छा शिक्षा टे ताखत मनेनेज्बा, डेगा आपे ईमानदारी टे पालन डाटे हेजे लक्के होय। 7 दुनिया गा खुद टे आरु-आरुकेमी कहानीनौर एठा मुर्खतापूर्ण कहानीनौर गेन टेमो सिस्या बाकी, देटे परमेश्वर गा सम्मन बान डाऊ होय। बनकी भाक्तिपूरा जीवन गा घल्जी कोशिश डाए। 8 कोम्बोर गा वोयाम टे कम फायदा डाऊवा होय, पेनो आत्मा गा वोयाम टे सेबाई बातो गेन फायदा घाटाऊवा होय। चोयाकी इनी इनिका ओटे लिंजेन जीटाका थंदळ लठ्ठाका एठा गुजू गा बादोन भी म्या ईनाम गा इच्छा दडावा होय। 9 इनी बातो सच्चो होय एठा हर प्रकार टे ममानातिंज एठा विश्वास दडा गा लायको होय। 10 आले इनी हमेशा जीवन के घाटाऊ घल्जी मेहनत यानेकी संघर्ष इनिघल्जी दडावा होय, चोयाकी आलेनी आलेगा आसा जीटा परमेश्वर लिंजेन डोके होय, जो सेबाई कोरोकु गा एठा कास करके दिकुगा जो दिया लिंजेन विश्वास दडावा होय उध्दार दडामिठाच होय। 11 दिकुके इनी हुकूम जे चाले एठा इथूकु चाले। सेवकाई लिंजेन ध्यान डोए 12 अमा जबान टाकु गा वोजीटे जेका आमके बेकार बाकी ससामझातिंज। पेनो आपे आपेका बातो-चितो गेन, आपेगा स्वभाव गेन, प्यार गेन, विश्वास गेन एठा पवित्रता गेन विश्वासी कुरकू गा घल्जी नमूना आरुयु। 13 जब टाएन इंज देटेन बान हेजे, मेटे टाएन अमा टेमो मसीह गा मंडली गेन पूरा रिती टे पवित्र ग्रंथ गा पपाळातिंज एठा शिक्षा गेन इथू गेन चालुका थंदळकु। 14 यादो डोए जब जुनाकु गा पंचातीकु नी आपे लिंजेन टी डोके डा एठा परमेश्वर नी दिकुके आपेके आपेगा वरदाननौर गा बारेन घागल गा खाबोर जीके डा। डी वरदाननौर नजर-अंदाज बाकी दडा। 15 ध्यान टे डी वरदाननौर गा पाडाई डाए एठा एनेनका आपना ध्यान येंडाका डोए, देटे सेबाई अमागा फायदा डोकी होना। 16 आपना जीवन गा एठा आपना शिक्षा गा ध्यान गेन धोटे। येनेगोका कामयनौर के डाए चाले, चोयाकी अगर येनेगो डाए, मेटे आपे आपेका बनकी खुद गा आजुममिंकू गा उध्दार गा वाजा आरुवा। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation