1 ತಿಮೊತಿ 3 - गवली उनाई नियममसीह गा मंडली गेन अध्यक्ष (बिशप) 1 इनी बातो विश्वास दडा गा लायको होय, कि अगर तुनिका अध्यक्ष आरु चाहतावा होय, डीच भला कामय गा इच्छा दडावा होय। 2 इनिघल्जी इनी जरुरी होय कि मसीह गा मंडली गा मुख्या निर्दोष, एठा म्याका जापाए गा सानाटे, सयमी, सुशील स्वाभव, खातिरदरी दडामिठाच, एठा इथून पक्का होना। 3 डीच सिडूकुत्त्य या झागडा मिठाच कोरो बाकी होना, पेनो सदाकोरो एठा शांती दोडो मिठाच होना, एठा डामा लालीचो बाकी होना। 4 डेननी हेजा उरा गा अच्छा सोए दडा गा खूबी होना, एठा हेजा कोणकु के हार बातोन आदर गेल्ला दियागा हुकूम ममानातिंज इथू होना। 5 चोयाकी अगर तुनिका कोरो हेजाका खटला गा जगली डाए बान साकता, मेटे डीच मसीह गा मंडली गा भी सोए बान डाए साकता। 6 डीच तुनिका येनेगो कोरो बाकी होना, आए गेन का विश्वासी आरुके होय, कही येनेगो बाकी डायु कि मनमानी डाटे शैतान गा रोंगो दण्डो घाटायु। 7 डीच मसीह गा मंडली गा बल्ला गा कुरकू गेन आदर्णीय कोरो होना, देटे कि कही येनेगो बाकी डायु कि दियागा बदनामी डायु एठा डीच शैतान गा फासान बोचोयु। मसीह गा मंडली गेन सेवक (डीकन) 8 डेनोगोका मसीह गा मंडली गा मदत दडामिठाच सेवाककु गा स्वाभव अच्छा होना एठा दिकु गम्भीर होना। बरी नंबरी बाकी होना, सिडूकुत्त्य एठा दूसराकु के धोका जीटे डामा गा लालीचो बान होना। 9 पेनो दिकु डी सच्चो खाबोर लिंजेन सपा मन गा सेंग्गोन विश्वास दडाका लक्कू होना, जो परमेश्वर नी ओटके होय। 10 मसीह गा मंडली गेन मदत दडामिठाच सेवक गा रुपोन कलामजे टे पेला दिकुके चिनाकु, एठा डाबोलटे अगर दिकु निर्दोष ओटजे टासो मेटे सेवक गा कामय डाए। 11 इनिका रोंगो दिकुगा जापाएकु के भी गम्भीर थंदळ होना, एठा दिकु आनोवा तोटाका बाकी होना, पेनो गम्भीर, सम्मन लायको एठा सेबाई बातोनौर विश्वास लायको होना। 12 मसीह गा मंडली गेन मदत दडामिठाच सेवक गा म्याका जापाए होना, एठा डीच हेजा कोणकु गा एठा हेजा उरा गा अच्छा सोए दडा हाडाई होना। 13 चोयाकी जो सेवक गा कामय अच्छा रोंगो टे डाएवा होय, दिकु इकुगा घल्जी अच्छा सम्मन घाटाएवा होय एठा डी विश्वास गा बारेन जो मसीह यीशु लिंजेन होय हिम्मत टे मंडेबा होय। महान उखु बातो 14-15 इंजेन आसा होय कि इंज जल्लोका आपेगा मेरान हेजे पेनो इनी पत्र इनिघल्जी ओल लक्के मेना। अगर इंजा हेजेन टेमो डाएन, मेटे आपेन इनी बातो गा जानकारी थंदळजू, कि परमेश्वर गा खटला गेन कुरकू गा स्वभाव टोनोगो थंदळ होना। परमेश्वर गा प्यार जीटा परमेश्वर गा मसीह गा मंडली होय, डी सच्चाई गा खंबा एठा पाईय्या होय। 16 येनेन तुनिका शक बाऊ, कि आलेगा भक्ति गा भेदो चोटो गंभीर होय, मसीह कोरो गा रुपोन ओटजे मेना, डीच पवित्र आत्मा गा द्वारा परमेश्वर गा कोणटे साबित डाएन, एठा स्वर्गदूतकुन डोके। महिमा गेन स्वर्ग गेन टूलजेनेच, अलग्गो जाटो गेन दियागा प्रचार डायेन, एठा दुनिया गा कुरकू नी दियागा लिंजेन विश्वास डाके। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation