1 ತಿಮೊತಿ 2 - गवली उनाई नियमआराधना संबंधी शिक्षा 1 सेबाई टे पेला नका इंज बिनती दडावा मेना, कि परमेश्वर गा सम्मान बिनती, प्रार्थना, निवेदान एठा धन्यवाद सेबाई कुरकू गा घल्जी डाकी होना। 2 राजाकु एठा सेबाई ऊँचा पदमिंकु घल्जी प्रार्थना डाकी चाले, ताकी दिकु आलेके शांती एठा ईश्वरीय जीवन बिबातातिंजेन मदत डाकी एठा दियागा द्वारा आले परमेश्वर गा आदर डाकी होना एठा हमेशा दूसराकु गा सेंग्गोन अच्छा व्यवहार डाकी होना। 3 येनेगो दडा अच्छा होय एठा इनी आलेगा उध्दार दडामिठाच परमेश्वर के अच्छा लगातिंजुवा होय। 4 जो चाहतावा होय कि सेबाई कुरकू गा उध्दार डायु एठा दिकु सच्चो के चिनाया। 5 चोयाकी बस म्याका परमेश्वर होय, एठा बस म्याका तालाबिचो होय, जो परमेश्वर एठा कोरोकु गा तालान मिलातिंजू डाएवा होय, एठा डीच मसीह यीशु होय, जो कोरो आरोएन। 6 मसीह नी सेबाई कुरकू के पापो एठा गुजू गा शक्तीटे आरा गा घल्जी हेज खुदके बलिदान डाके। दियागा गुजूटे, परमेश्वर नी सही टेमो लिंजेन सबुत जीके, कि डीच चाहतावा होय कि सेबाई कुरकू बचातिंजू। 7 इनी वाजा होय कि परमेश्वर नी इंज्के सच्चो शिक्षा प्रचारक एठा कलामके मिठाच चेला गा रुपोन ठहरातिंज्केमी। इंज सच्चो मंडी लक्के मेना, इंज लाबाळ बान मंडी लक्के मेना, कि परमेश्वर नी इंज्के अलग्गो जाटोकु के विश्वास एठा सच्चाई गा बारेन इथू गा घल्जी कुलकेमी। मसीह गा मंडलीनौर गेन जापाए एठा कोरो के उपदेश 8 इंज चाहतावा मेना, कि हर जगा सभानौर गेन कोरो परमेश्वर गा सम्मान टीनौर के मठान टूलटे प्रार्थना डाए चाले एठा बिना खीजो एठा हिंजमान गा प्रार्थना डाए। 9 इंज इनी भी चाहतावा मेना, कि जापाएकु हुफ गूंगीडी एठा सोना एठा मोतीनौर एठा किमती कपळेनौर टे बाने बनकी सही धेनग्गो टे कपडे उरीटे मर्यादा एठा सेहेसेन गा ध्यान डोए। 10 एठा दिकुके दूसरा कुरकू गा घल्जी अच्छा कामय डाटे खुदके सोबा आरु होना, चोयाकी डी जापाएकु घल्जी जो हेज खुदके परमेश्वर गा भाक्ती दडामिंकू मनातिंजेवा होय इनिका सही होय। 11 जब कोरो शिक्षा जे चालेवा, मेटे सेबाई जापाएकु के कायोम टेका, घोनेच आदर पूर्वक एठा पूरा हात टाल्ले गा सेंग्गोन आजोम होना। 12 इंज राजी बान जिऊ कि जापाएकु का शिक्षा जे यानेकी सनाकु लिंजेन हाक येंडाए। बनकी दिकु शांती टे थंदळे। 13 इंजा येनेगो मंडी गा वाजा इनी होय, चोयाकी परमेश्वर नी पेला आदम के आरुकेनेच डाबोलटे डीचनी हव्वा के आरुकेनेच। 14 एठा आदम बान बाहकातिंज डुका, पेनो जापाएनी बाहकातिंजेन हेंडो परमेश्वर गा खिलाफबेन अपराध डाके। 15 पेनो परमेश्वर जापाएकु के कोण डाऊ गा द्वारा उध्दार डाएवा, जब टाएन जापाएकु मसीह लिंजेन विश्वास डाए लक्कूवा, दूसराकु के प्यार डाएवा, चोखरा एठा सही तरीके टे व्यवहार डाएवा। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation