1 ತಿಮೊತಿ 1 - गवली उनाई नियमनमस्कार 1 इंज पौलुस आलेगा उध्दार दडामिठाच परमेश्वर एठा आलेगा आसा गा आधार मसीह यीशु गा हाक गा द्वारा मसीह यीशु गा कलामके मिठाच चेला मेना डेननी आलेन आसा होय। इंज इनी पत्र के तीमुथियुस के ओल लक्के मेना जो विश्वास गेन इंजा सच्चो कोण होय। 2 आलेगा परमेश्वर बाटे एठा प्रभु यीशु मसीह गा कोनेटे आपेन कृपा एठा शांती घाटाऊ चाले। लाबाळ गुरूजीकु गा खिलाफबेन चेतावनी 3 जैसा इंज्नी मकिदुनिया शहर के सेने टेमो अमाटे बिनती डाके डा, कि इफिसुस शहर गेन पेळाटे, डी लाबाळ शिक्षा जिऊ मिंकूके मंडे कि आपेगा लाबाळ शिक्षा जिऊ बंदोकी। 4 दिकुटे मंडे कि दिकु डी मन घळन कहानीनौर के एठा पीढीनौर गा लम्बा सूचीनौर लिंजेन मन बाकी येंडा देटे हिंजमान डाऊवा होय। इनी बातो टे परमेश्वर गा ज्ञान घाटाऊ बाने जो विश्वास लिंजेन आधारित होय। 5 इंजा इनी हुकूम गा मकसद इनी होय, कि सापा मन एठा अच्छा दिमाग एठा खोटो गेल्ला विश्वास टे प्यार ओठ्जु होय। 6 अदा कुरकू इनी शिक्षा टे इखाटजे होय एठा वोया हिंजमानेन भाटकातिंजे होय। 7 दिकु मूसा गा नियम गा गुरूजी मेटे आरु चाहतावा होय, पेनो दिकु खुद मंडीके मिनी बातो के एठा डी विषयनौर गा बारेन येटो जोर जीटे मंडीवा होय, डीके दिकु समझातिंजे भी बाने। 8 आले हाडाई होय, कि अगर जेका मूसा गा नियम के सही रिती टे कामय गेन उपयोग डाकी मेटे डी भाला होय। 9-10 इनी आपे हाडाई होय कि मूसा गा नियम धर्मी कुरकू गा घल्जी बाने पेनो अधर्मी कुरकू एठा परमेश्वर के बान ममानातिंज मिंकू एठा हमेशा पापो दडामिंकू कुरकू गा घल्जी, बिसोटो कुरकू एठा परमेश्वर गा अपमान दडामिंकू कुरकू गा घल्जी, आपना आंटे-बाटे एठा दूसरा कुरकू गा घोगेचमिंकू कुरकू गा घल्जी। आनोवा मिंकू गा घल्जी, दूसरा सनाकु गा सेंग्गोन अस्वभाविक रिश्ता आरुमिठाच सना, गुलामी गा घल्जी कुरकू के किकीजीमिंकू कुरकू गा घल्जी लाबाळ कासोम जोममिंकू कुरकू गा घल्जी एठा सही शिक्षा गा सेबाई दुश्मनकु गा घल्जी ठहरातिंज्के मेना होय। 11 एठा इनिका शिक्षा परमयाजक परमेश्वर गा अच्छा खाबोर लिंजेन आधारित डी महिमा गा बारेन होय जो धन्य परमेश्वर गा होय। एठा परमेश्वर नी इंज्के डी अच्छा खाबोर जिले होय। कृपा गा घल्जी धन्यावद 12 इंज, मसीह यीशु आलेगा प्रभु गा धन्यवाद दडावा मेना, डीचनी इंज्के शक्ती जिले होय, एठा डीचनी इंज्के इनी विश्वास लायको समझातिंजटे हेजा सेवा गा घल्जी ठहरातिंज्केमी होय। 13 हलाकी, मसीह गेन विश्वास दडा टे पेला इंज्नी मसीह गा खिलाफबेन डाके एठा इंज्नी मसीह लिंजेन विश्वास दडामिंकू के सतातिंज्कु एठा दियागा हेळजाऊ डाके। तोभी परमेश्वर नी इंजा लिंजेन दया डाके, चोयाकी इंज्नी अविश्वासी गा वाजा गेन बिना समझातिंजू गा इनी कामय डाके। 14 एठा आलेगा प्रभु नी हेजा गा कृपा भेबाव का इंजा लिंजेन उखाळीके एठा इंज्के डी विश्वास एठा प्यार जिले, जो आलेन मसीह यीशु गा द्वारा घाटाऊवा होय। 15 इनी बातो साच्चो होय एठा हर प्रकार टे मनातिंजू एठा विश्वास दडा गा लायको होय, कि मसीह यीशु पापी कुरकू के एठा उध्दार जिऊ घल्जी दुनिया गेन हेन। दिकु तालाटे सेबाईकु टे खाट पापी इंज मेना। 16 पेनो परमेश्वर गा दया इंज लिंजेन डाएन कि सेबाईकु टे पेला इंजेन यीशु मसीह इंजागा पूरा सेहेसेन घाले एठा डी कुरकू गा घल्जी म्या उदाहरण घाल डाए जो हमेशा गा जीवन घाटाऊ गा घल्जी डेननी विश्वास डाएवा। 17 नका हमेशा टाएन राज्य दडामिठाच राजा, अविनाशी, बान डूगु एठा म्याका परमेश्वर गा आदर एठा महिमा जमाना-जामानाका डाऊ लक्कू, आमीन। तीमुथियुस गा उत्तरदायित्व 18 हे इंजा कोण तीमुथियुस, इनी इंजा हुकूम होय, जो इंज आमके जे लक्के मेना। जो भविष्यवाणीनौर पेला अमा बारेन डाएन मेना होय, डेगा रोंगो इंज आमके इनी जिम्मेदारी जे लक्के मेना। आम दिकुटे ताखत हासिले एठा विश्वास एठा चोखरा मन तालाटे इथूटे अच्छा लडाई लढातिंजे। 19 आम मसीह लिंजेन विश्वास डाएका चाले एठा अच्छा मन डोए। अदा कुरकू नी इकुगा अच्छा मन आरुके एठा डेगा वोजीटे दिकु नका मसीह गेन विश्वास बान दडा। 20 दिकुका तालाटे हुमिनयुस एठा सिकन्दार होय, दिकिंजके इंज्नी शैतान गा टीन जीटे दण्डोकेकु होय, देटे दिकु इनी शिक्षा सेगे कि परमेश्वर गा खिलाफबेन बाकी दडा होना। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation