1 ತೆಸಲೊನಿಕ್ 3 - गवली उनाई नियमविश्वास गा घल्जी चिंता 1 आखरीन नी जब आले आपेटे लेंक्कीन बान थंदळ डुका, मेटे आलेनी एथेन्स शहर गेन एकलाका थंदळ अच्छा समझातिंज्के। 2 इनिघल्जी आलेनी आलेगा डाई तीमुथियुस के, जो मसीह गा अच्छा खाबोर के फैलातिंजू घल्जी परमेश्वर गा सेवाक होय, आपेगा मेरान कुल्केनेच, कि डीच आपेके पक्काकोम्बा एठा आपेगा विश्वास गा बारेन आपेके समझातिंजकोम्बा। 3 ताकी आपे तालाटे जेकाभी इनी मुसीबात गा वोजीटे मसीह लिंजेन विश्वास दडा बाकी आराकी। चोयाकी आपे अच्छा रोंगोंटे हाडाई होय, कि परमेश्वर नी आलेके इनी मुसीबत गा सामना दडा घल्जी ठहरातिंज्केमी होय। 4 चोयाकी पेलाभी, जब आले आपेगा येनेनमी डा, मेटे आपेटे मांडे डा, कि आलेन मुसीबतनौर गा सामना दडा होना, एठा आपे हाडाई भी होय कि येनेगो डाएन होय। 5 इनी वोजीटे जब इंजाटे एठा बान थंदळ डुका, इनिघल्जी मेटे आपेगा विश्वास गा हाल चिचाना घल्जी इंज्नी तीमुथियुस के आपेगा मेरान कुल्केनेच, चोयाकी आले हिगरा डा कि कही येनोगो बाकी डाऊ, कि अंदजो सा मिठाच शैतान नी आपेगा अंदजो सैय्ये टासो, डेगा वोजीटे आलेगा मेहनत वोया सेंजू। तीमुथियुस द्वारा खाबोर घाटाऊ 6 आए तीमुथियुस नी जो आपेगा मेराटे आलेगा येनेन हेंडो आपेगा विश्वास एठा प्यार गा अच्छा खाबोर घाल्के, एठा इनी बातो के भी घाल्के, कि आपे हमेशा प्यार गा सेंग्गोन आलेके यादोकोम्बा होय, एठा आलेन डाबोलटे दोडो गा इच्छा डोएबा होय, जैसा आलेभी आपेके डाबोलटे दोडो गा इच्छा दोडोवा होय। 7 इनिघल्जी हे विश्वासी डाईचो, आलेन आलेगा सेबाई संकटनौर एठा कासुनौर गेन आपे कुरकू गा मसीह गेन मजबूत विश्वास गा बारेन चिनाटे शांती घाटाएन होय। 8 चोयाकी नका अगर आपे प्रभु गेन मजबूत थंदळे, मेटे इनी आलेगा घल्जी उनाई जीवन बिबातातिंज गा रोंगो होय। 9 नका आले आपेगा घल्जी परमेश्वर गा थंदळ गेन धन्यवाद दडावा होय, आपेगा वोजीटे आलेन जो खुशी डाएन, दियागा घल्जी आले परमेश्वर धन्यवाद दडावा होय। 10 परमेश्वर गा सम्मान आले हमेशा प्रार्थना दडा लक्कूवा होय, कि आले आपेगा सेंग्गोन बेल्लायु एठा मसीह यीशु गेन आपेगा विश्वास बळातिंजेन आपेगा मदत डाकी। मसीह मंडली गा घल्जी प्रार्थना 11 आले प्रार्थना दडावा होय, कि आलेगा परमेश्वर एठा बाटे हेज्का एठा आलेगा प्रभु यीशु, आपेगा मेरान हेजेन आलेगा अगुवाई डाए। 12 एठा प्रभु यीशु येनोगो डाए, कि जैसा प्यार आले आपेटे दोडोवा होय, डेनोगोका आपेगा प्यार भी आपेन का डायु एठा सेबाई कुरकू गा सेंग्गोन बळातिंजू एठा तरक्की डाए चाले। 13 इनी रोंगो प्रभु यीशु गा दिन टाएन, जब डीच हेजा सेबाई पवित्र कुरकू गा सेंग्गोन हेजेवा, मेटे टाएन आपे सेबाईकु आपना दिल के आलेगा परमेश्वर बाटे गा सम्मान चोखरा एठा निर्दोष आरुका डोकेमी। जब आलेगा डीका प्रभु यीशु हेजा गा सेबाई चोखरा कुरकू गा सेंग्गोन हेजेवा। आमीन। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation