1 ತೆಸಲೊನಿಕ್ 2 - गवली उनाई नियमपौलुस गा घागल गा कामय 1 हे विश्वासी डाईचो, आपे खुद का हाडाई होय कि आलेगा आपेगा मेरान हेजे चोटो फायदा गा डा। 2 आपे हाडाई होय कि आलेनी आपेगा मेरान थिस्सलुनीका शहर गेन हेजे टे पेला फिलिप्पी शहर गेन चोटो कासु एठा अपमान सहेनके, एठा देटेन येटो जदा विरोध टाकुटेभी परमेश्वर नी आलेके येनेगो हिम्मत जिले कि आले परमेश्वर गा अच्छा खाबोर आपेके घल्के। 3 चोयाकी आलेगा इनी खाबोर धोका लिंजेन आधरित बाऊ होय, एठा बुरा मकसद गा रोंगो, एठा डेन चोच्काभी खोटो बाऊ। 4 पेनो आले हमेशा जैसा परमेश्वर चाहतावा डेनोगोका मंडीवा होय, चोयाकी परमेश्वर नी आलेके लायको ठहरातिंजे अच्छा खाबोर जिले होय। इनिघल्जी आले कोरोकु के बाने पेनो परमेश्वर के खुशो दडा गा घल्जी प्रचार दडावा होय जो आलेगा मननौर के चिचानावा होय। 5 आपे भला भोला हाडाई होय एठा परमेश्वर भी इनी बातो गा गवाह होय, कि आलेनी चोलाकभी कोरोकु गा आरी-आरी बातो मिनी बान मंडीडुका एठा न आलेनी डामा गा ललिचो गा घल्जी इथूटे चोच्का डाके। 6 आले कोरोकु टे आदर बान चाहता डा, न मेटे आपेटे एठा न तुनिका जेकाटेका, 7 अगर मसीह गा कलामके मिठाच चेला डाऊ गा वोजीटे आपेटे मदत आसी आलेगा हाक डा। फिरभी आलेनी आपे तालान नेरोमका गा स्वाभव टे थंदळके, जैसा म्या आंटे हेजा कोणकु के पलातिंज्कुबा होय। 8 इनिघल्जी आपे प्रति आलेगा प्यार गा वोजीटे आले न बस परमेश्वर गा अच्छा खाबोर के आपेगा सेंग्गोन कखाटिंज चाहतावा होय, पेनो आपना जान भी आपेगा घल्जी जिऊ तैयारके डा, इनिघल्जी कि आपे आलेगा प्रिय आरोएन डा। 9 चोयाकी हे विश्वासी डाईचो, पक्काटे आपे इनी यादो दोडोवा होय, कि आलेनी तुनिरोंगो कठिन मेहनत डावे। आलेनी रातो-दिन कामय डाटे आपेगा तालान परमेश्वर गा अच्छा खाबोर गा प्रचार डाके, ताकी आपे तलाटे जेका लिंजेन भार बाकी डायु। 10 आपे आलेगा गवाह होय एठा परमेश्वर भी गवाह होय, कि आपे विश्वासी कुरकू गा सेंग्गोन आलेगा व्यवहार टोनोगो चोखरा एठा धार्मिक एठा निर्दोष थंदळके। 11-12 आपे हाडाई होय कि जैसा बाटे हेजा कोणकु सेंग्गोन व्यवहार दडावा होय, डेनेगोका आलेभी आपे तलाटे हार म्याखोम के शिक्षा जिऊ टे एठा शांती जीटे समझातिंजकु डा। एठा चितातिंज्कु डा, कि येनेगो जीवन के बितातिंजे देटे परमेश्वर खुशोयु, जो आपेके हेजा राज्य गा महिमा गा घल्जी हाकोवा होय। थिस्सलुनीकियों गा कुरकू गा रूपांतर 13 इनिघल्जी कि आले हरेक टेमो परमेश्वर गा धन्यवाद दडावा होय, कि जब आलेगा द्वारा परमेश्वर गा वचन आपेगा मेरान आदिरके, मेटे आपेनी डीके कोरोकु गा बाने पेनो परमेश्वर गा वचन समझातिंजटे मनातिंज्के, जो आए टेमोन होय भी। नका इनी वचन आए टाएन भी आपे विश्वासी कुरकू तालान कामय दडा लक्के। 14 हे विश्वासी डाईचो, आपेगा सेंग्गोन भी डेनोगोका डाएन, जैसा यहूदिया जिल्हा गेन मसीह गा मंडलीनौर गा कुरकू गा सेंग्गोन डाएन, जो मसीह यीशु गेन होय। आपेनी आपेगा कुरकू टे डेनोगोका कासु घाटावे जैसा दिकुनी यहूदी कुरकू टे घाटावे डा। 15 दिकुनी प्रभु यीशु के एठा परमेश्वर गा कोनेटे मंडीमिंकू के भी घोच्केकु एठा आलेके भेबाव का सतातिंज्केमी। परमेश्वर दिकुटे खुशो बाऊ, एठा दिकु कोरोकु गा खिलाफबेन दडावा होय। 16 येटे टाएन कि दिकुनी अलग्गो जाटो गा कुरकू गा तालान आलेके इनी खाबोर गा प्रचार दडा रोकातिंज्केमी, देटे दिकुगा उध्दार डाऊवा। इनी रोंगो दिकु खुद का इकुका पापो गा खुबळी भेबट्टी लक्के होय। एठा नका दिकु लिंजेन परमेश्वर गा भायनक प्रकोप हेन आदिरके होय। मसीह गा मंडली टे मिलातिंजू गा बुरा इच्छा 17 हे विश्वासी डाईचो, जब थोळाका टेमो गा घल्जी आले कोम्बोर गा रुपोटे आपेगा सेंग्गोन बान डा, पेनो आले हमेशा आपेगा बारेन बिचार दडा डा। एठा आपेके डाबोलटे मिलातिंजू गा इच्छा येठाभी ठायका डाएन। 18 आले आपेगा मेरान हिरा चाहता डा, कास करके इंज पौलुस म्या बार बाने पेनो बार-बार आपेगा मेरान हेजे गा कोशिश डाके, पेनो शैतान आलेके रोकातिंज्केमी। 19 आमका आलेगा प्रभु यीशु मसीह गा सम्मान दियागा हिरा गा हेजे टेमोन आलेगा आसा या खुशी या आलेगा जीटाऊ गेन बढाई गा वाजा होय, अखिरीन मेटे इनी आपेका होय। 20 पक्काटेका आलेगा बढाई एठा खुशी आमका होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation