1 पतरस 4 - गवली उनाई नियमबदलातिंज्के मिनी जीवन 1 इनिघल्जी, जब कि मसीह नी हेजा कोम्बोर गेन थंदळ लठ्ठाका कासु सहेनजे, इनिघल्जी आपेन भी डीका मन गा भाव गा सेंग्गोन कासु सेहेसेन गा घल्जी तैयार थंदळ होना, चोयाकी अगर आपे मसीह गा घल्जी कासु सेहेसेन गा घल्जी तैयारके होय, मेटे आपे कुरकू नी पापो बान दडा गा फैसला डाके मेना होय। 2 हेजे मिनी टेमो गेन आपना कास कोम्बोर गा जीवन कोरोकु गा बुरा इच्छानौर गा रोंगो बाने, बांकी परमेश्वर गा इच्छा गा रोंगो सेंदराएका। 3 चोयाकी ओले टेमो गेन आपे कुरकू नी अलग्गो जाटोकु इच्छा गा रोंगो कामय दडा, एठा लुच्चापाना, बुरा इच्छानौर, सिडूकुत्त्य, नाटक मिठाच, बेवळापन, एठा खीजो मूर्तीपुजा गेन जो टेमो बितातिंज्के डीका घोनेच डाएन। 4 इनिका वोजीटे आपेगा जुना सोप्तीकु बिचारुवा होय, जब आपे दिकुगा सेंग्गोन डी बुरा चीजो गेन शामिल बान डाऊ जो दिकु दडावा होय, इनिघल्जी दिकु आपेगा बदनामी दडावा होय। 5 पेनो म्या दिन पक्का का परमेश्वर गा सम्मान हर म्याखोम के दिकुगा पृथ्वी लिंजेन डाके मिनी कामयनौर गा बारेन हिसाब-किताब जिऊ बोचोवा, एठा डीच जीटा एठा गोएन मिंकू गा न्याय डाएवा। 6 इनिका वाजा होय, कि गोएन मिंकूके भी अच्छा खाबोर घाल्के मेना, देटे अगर का डीच कोम्बोर गेन कोरोकु गा खिजा नंगा सब्बे डा, फिरभी आत्मा गेन डीच परमेश्वर गा रुपोन जीटाका थंदळके। परमेश्वर गा महिमा गा घल्जी सेवा 7 सेबाई बातो गा अंत तुरुटो डाऊ मिनी होय, इनिघल्जी खुदमेंटो प्रार्थना गा घल्जी चातराए थंदळे। 8 सेबाई टे मेन बातो इनी होय, कि इनिज-दियाटे जादा प्यार डोए, चोयाकी प्यार चोटोका पापोनौर के उगुरेवा होय। 9 कुरकू गा आपना उरा गेन दिकुगा सत्कार डाए, एठा येनोगो बिना घाल गा डाए चाले। 10 जेन जो वरदान परमेश्वर गा कोनेटे घाटाएन होय, डीच डी वरदान के परमेश्वर गा अच्छा भंडरीकु गा रोंगो दूसराकु गा मदत दडा गा घल्जी उपयोग डाए। 11 अगर जेका गा मेरान प्रचार दडा गा वरदान होय, मेटे डीच परमेश्वर गा खाबोरनौर गा प्रचार डाए, अगर जेका गा मेरान दूसरा कुरकू गा मदत दडा गा वरदान होय, मेटे डीच इनी डी शक्तीगा सेंग्गोन डाए जो परमेश्वर जेबा होय, मेटे डाबोलटे जो चोच्काभी आपे डाएवा डीच यीशु मसीह गा द्वारा परमेश्वर के महिमा जेबा, सेबाई महिमा एठा शक्ती हमेशा-हमेशा गा घल्जी दियागा। आमीन! परमेश्वर गा महिमा गा घल्जी कासु तुटूल 12 हे इंजा विश्वासी डाईचो एठा बोकाजाईचो, डी कासु मिनी चीजो गा बारेन बिचारु बाकी, डेगा वोजीटे आपे कासु तुटूल लक्के होय, चोयाकी आपेगा होय। पेनो इनी चीजो इनी घागल गा घल्जी डाऊ लक्के होय, कि चोच आपे सच्चोनका परमेश्वर लिंजेन विश्वास दडावा होय, इनिघल्जी, इनी बाकी सोचातिंज कि आपेगा सेंग्गोन चोच्का अलग्गो डाऊ लक्के होय। 13 पेनो इनिजगा बारेन खुशो थंदळे, कि आपे मसीह गा कासु गेन बेल्लाऊवा होय। इनी वोजीटे, मसीह सेबाई कुरकू के हेजा महिमा ओट दडा गा घल्जी डाबोलटे हेजेवा, मेटे आपेगा खुशी सच्चो गेन खाट डाऊवा। 14 डाबोलटे अगर मसीह गा सेंग्गो मिठाच मेना गा वोजीटे आपेगा निंदा डाएवा होय, मेटे धन्य होय, चोयाकी परमेश्वर गा महिमा टे भेट्टिके आत्मा आपेगा तालान थंदळवा होय। 15 अगर आपे कासु सेहेसेन टासो, मेटे ध्यान टे थंदळे कि आपे तालाटे तुनिका कोरो घोगेच मिठाच या चोर, या गलत दडामिठाच, या बेमतलब कामय गेन टी येंडा गा वाजा कासु बाकी तिठुल। 16 पेनो अगर मसीह लिंजेन विश्वास दडा गा वोजीटे कासु टूलबे, मेटे सेरोम बाकी, बनकी परमेश्वर गा महिमा डाए, कि आपे इनिघल्जी कासु सेहेने लक्के होय, चोयाकी आपे मसीह गा होय। 17 चोयाकी न्याय दडा गा टेमो हेन मेना होय, कि पेला परमेश्वर गा कुरकू गा न्याय डाएवा एठा जब कि डीच पेला आले विश्वासीकु गा न्याय डाएवा, मेटे डी भयानक चीजो गा बारेन सोचातिंजे, जो डी कुरकू गा सेंग्गोन डाऊवा, जो डी अच्छा खाबोर के बान ममानातिंज, जो प्रभु गा कोनेटे हेजेवा होय। 18 जैसा कि पवित्र ग्रंथ मंडीवा होय, “अगर म्या अच्छा कोरो गा बचातिंजू येटो कठिन होय, मेटे बुराई टे व्यवहार एठा पापी कुरकू पक्का रुपोटे नाशोऊवा होय।” 19 इनिघल्जी जो परमेश्वर गा इच्छा गा रोंगो कासु ठुठूलबा होय, दिकु भलाई डाए लक्कू एठा विश्वास रोंगो दुनिया आरुमिठाच परमेश्वर के हेजा गा आत्मा जिकी। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation