1 पतरस 2 - गवली उनाई नियमकलामके मिनी घोटा एठा दियागा कलामके मिंकू कुरकू 1 इनिघल्जी हर रोंगो गा बुरा व्यवहार के आराकी, दूसराकु के धोका बाकी जिऊ, ढोंगो बाकी आरु, दूसराकु टे जुलू बाकी दोडो, दूसरा कुरकू गा खिलाफ बुरी बातो बाकी मंडी। 2 जैसा म्या उनाई सानी हमेशा आंटे गा दिडोम चाहतावा होय। डीका खिजाटे आपेन भी परमेश्वर गा वचन गा इच्छा होना डा, आत्मिक रुपोटे पक्का आरायु एठा आपे बचातिंजूवा। 3 चोयाकी जैसा कि पवित्र ग्रंथ मंडीवा होय, आपेनी अनुभव टे चिनाके होय कि प्रभु भला होय। 4-5 प्रभु यीशु मसीह गा मेरान हेजे, डीच जीटा घोटा होय। डीके कोरोकु नी मेटे बेकार समझतिंजटे कोलाके, पेनो जो परमेश्वर गा द्वारा कलामके एठा दियागा नजर गेन किमती होय। आपे दिकुगा मेरान हेके एठा जीटा घोटा गा रोंगो आत्मिक भवन गेन सुबांका डाएन। इनी रोंगो आपे चोखरा याजककु समूह हारूटे एगो आत्मिक बलिदान पेळेजे साकतावा, जो यीशु मसीह द्वारा परमेश्वर के मनेन जेनेच होय। 6 इनी डेनोगोका होय, जैसा परमेश्वर पवित्र ग्रंथ गेन मंडीवा होय, “डोगे! इंज जेका के सिय्योन शहर गेन कोपरा गा घोटा गा खिजा डोएच लक्के मेना। डीच म्या किमती मिनी घोटा गा खिजा होय, जो पाईय्या गा घल्जी कलामके मेना होय। जो जेका दिया लिंजेन विश्वास दडावा होय डीच सेरोमु बाने।” 7 इनी घोटा आपेगा घल्जी घोनेच किमती मिनी होय, जो यीशु मसीह लिंजेन विश्वास दडावा होय। पेनो जो कुरकू दिया लिंजेन विश्वास बान दोडो दिकुगा बारेन पवित्र ग्रंथ मंडीवा होय कि, “राज मिश्त्रीकुनी जो घोटा गा प्रयोग दडा टे इनकार डाके, डी महेल गा पाईय्या गेन सेबाई टे महत्वपूर्ण घोटा आरोएन मेना होय।” 8 एठा डाबोलटे पवित्र ग्रंथ इनी भी मंडीवा होय, “इनी घोटा कुरकू गा खेडा जोम गा वाजा होंगा। इनी म्या पाठा होय, जो दिकुगा बोचो गा वाजा डाऊवा।” दिकु इनी खिजाटे बोचोवा होय चोयाकी दिकु परमेश्वर गा खाबोर के ममानातिंज टे इंकार दडावा होय। परमेश्वर नी दिकुगा सेंग्गोन इनी डाऊ गा योजना आरुके होय। 9 पेनो आपे येनोगो बाऊ होय, चोयाकी आपे परमेश्वर गा कालमके मिंकू कुरकू होय। आपे परमेश्वर गा याजककु समूह होय। आपे परमेश्वर गा प्रति समर्पित कुरकू होय, एठा येनोगो कुरकू जो परमेश्वर गा हेजा गा प्रजा होय। डीचनी आपेके अंधरा टे हेजा गा अचम्बो उजाला गेन हाकोलेमी होय, ताकी आपे परमेश्वर गा शक्तीशाली कामयनौर गा बारेन घाल्की होना। 10 आपे पेला परमेश्वर गा कुरकू बाने डा, पेनो नका आपे परमेश्वर गा कुरकू होय। पेला आपे परमेश्वर गा दया के बान हाडाई डा, पेनो नका आपे इनिज्के हाडाई होय, चोयाकी डीचनी पेलाटेका आपे लिंजेन आपेगा दया घाल्के होय। परमेश्वर गा घल्जी जीवन बिबातातिंज 11 हे इंजागा विश्वासी डाईचो, आपे इनी दुनिया गेन दूसरा गाँवकु एठा यात्राकु गा खिजा थंदळ लक्के होय। इंज आपेटे बिनती दडावा मेना, कि आपे डी सेबाई पापोमय एठा बुरा कोम्बोर इच्छानौर टे बचातिंजे, चोयाकी दिकु आपेगा हेजा गा आत्मा आपेगा खिलाफ हमेशा खिलाफबेन दडावा होय। 12 जो कुरकू परमेश्वर लिंजेन विश्वास बान दडा, दिकुगा तालन आपे कुरकू गा चाल-चालन भाला होना, इनिघल्जी कि जो-जो बातो गेन दिकु आपेके कुकर्मी मंडीटे आपेगा निंदा दडावा होय, दिकु आपेगा भाला कामयनौर के धोटे मसीह गा डाबोलटे हेजे गा दिन परमेश्वर गा महिमा डाएवा। अधिकारीकु गा हात टाल्लेन थंदळ 13 आलेके डी सेबाई राजो दडामिंकू गा हात टाल्लेन थंदळ होना, डीके कोरोकु गा द्वारा ठहरातिंजेवा होय, चोयाकी इनिका प्रभु गा इच्छा होय। राजा गा हात टाल्लेन थंदळे, जो सेबाईकु गा मठान राजो दडावा होय। 14 राज्यपालनौरकु गा भी हात टाल्लेन थंदळे चोयाकी डीचका होय, दियागा उपयोग राजा डी कुरकू के दण्डो जिऊ गा घल्जी दडावा होय, दिकुगा कामय बुरा होय एठा डी कुरकू गा बढाई दडा गा घल्जी दिकुगा कामय अच्छा होय। 15 परमेश्वर चाहतावा होय कि आपे भला कामय डाए, ताकी आपे डी बेदिमाग कुरकू गा गलत आरोप येंडाटे रोकातिंज्केकु होना, जो परमेश्वर के बान हाडाई होय। 16 नका आपे पापो गा गुलामी गेन बाऊ होय, चोयाकी आपे आलेगा प्रभु यीशु मसीह गा द्वारा पेलाका आजादकेकु मेना होय। पेनो बुरा कामय दडा गा घल्जी इनिके आजादी के म्या बहना बाकी आरु। पेनो आपेके आपेगा कामयनौर गा द्वारा घागल होना कि आपे सच्चोन परमेश्वर गा सेवाक होय। 17 परमेश्वर टे हिघराए, सेबाईकु गा आदर डाए एठा हेजा गा मसीह डाईचो एठा बोकाजाईचो टे प्यार डोए, राजा गा सम्मन डाए। मसीह गा कासु गा उदाहरण 18 हे सेवाककु, आपे जो उरानौर गेन सेवककु गा रोंगो कामय दडावा होय, जो विश्वासी होय, आपेन आपेगा स्वामी गा हुकूम गा पालन दडा होना एठा हमेशा दिकुगा सम्मन दडा होना। येनोगो हर खिजा गा स्वामी गा सेंग्गोन डाए चाहे दिकु दयालु एठा सही होना, एठा या सीधा होना। 19 चोयाकी अगर आले कासु सेहेसेन होय टासो चाहे आलेगा तुनिका गलती बाकी डाऊ, पेनो आले सिर्फ इनिघल्जी सेहेसेनबा होय चोयाकी आले हाडाई होय कि परमेश्वर गा इच्छा इनिका होय, एठा परमेश्वर आलेटे खुशोऊवा होय। 20 पेनो अगर आपेके गलत दडा गा वोजीटे कासु सेहेने टासो, मेटे दण्डो घाटाऊ लिंजेन आराम्बो दोडो गेन आपेगा बढाई दडा गा तुनिका वाजा बाऊ होय। पेनो अगर भलाई दडा गा वाजा आपे कासु सेहेसेन होय एठा आराम्बो दोडोवा होय, मेटे परमेश्वर खुशोऊवा होय। 21 परमेश्वर गा द्वारा आपेके कलामके गा वाजा गा तालाटे म्या वाजा इनी होय, कि आपे दियागा घल्जी कासु सेहेनजा, मेटे भी जब आपे भला कामय दडावा होय। मसीह, डीचनी आपेगा घल्जी कासु सेहेनके, डीच आपेगा घल्जी उदाहरण होय। इनिघल्जी आपेके डी कामयनौर गा अनुकरण दडा होना जो डीचनी डाके। 22 पवित्र ग्रंथ मंडीवा होय, डीचनी चोलाका पापो बान दडुका। डीचनी चोलाका तुनिका लाबाळ बान मंडीडुका। 23 जब कुरकू नी यीशु गा अपमान डाके, मेटे डीचनी पलटी टे दिकुगा अपमान बान दडुका। जब कुरकू नी डीचके कासु जीके, मेटे बेदला गेन डीचनी दिकुके धामकी बान जिडुका। बल्कि, डीचनी परमेश्वर लिंजेन भरोसा डाके। डीच हाडाई डा, कि परमेश्वर हमेशा न्यायपूरा तरीका टे कुरकू गा न्याय डाएवा होय। 24 जब मसीह गोएन, मेटे आलेगा पापोनौर गा वोजीटे क्रूस लिंजेन दियागा कोम्बोरके दण्डो डाके। डीचनी येनोगो इनिघल्जी डाके ताकी आले पापो दडा बंदोकी एठा धार्मिकता गा घल्जी जीवन बिबातातिंजे, एठा दियागा मुंडा जोमटे आपेके डाबोलटे पूरा आरुकेमी होय। 25 पेला आपे मेंडाकू गा खिजा डा, दिकुनी इकुगा कोरा के आटके डा। पेनो नका आपे मसीह गा मेरान हिराके मेना होय, जो आपेगा आत्मानौर गा मुख्या एठा रखवाला होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation