1 ಯೊಹಾನ್ 5 - गवली उनाई नियमदुनिया लिंजेन जीटाऊ 1 यीशु का मसीह होय, एनेगो जेका विश्वास दडावा होय, डीच परमेश्वर गा कोणटे होय, एठा जो जेकाभी बाटे परमेश्वर टे प्यार दोडोवा होय, डीच परमेश्वर गा कोणटे भी प्यार दोडोवा होय। 2 जब आले परमेश्वर टे प्यार दोडोवा होय, मेटे दियागा हुकूमनौर के मनातिंजेवा होय। एनेटेका आले चिनाएवा होय, कि आले परमेश्वर गा कोणकुटे प्यार दोडोवा होय। 3 परमेश्वर गा प्यार इनी होय, कि आले दियागा हुकूमनौर के मनातिंजे एठा दियागा हुकूमनौर ममानातिंज मुश्किल बाऊ होय। 4 परमेश्वर गा सेबाई कोणकु दुनिया लिंजेन जीटाऊ हासिलेवा होय, डी जीटाऊ जो दुनिया के हरातिंजेवा होय, इनी आलेगा विश्वास होय। 5 दुनिया लिंजेन जीटाऊ मिठाच जे होय? बस डीच दियागा विश्वास होय, कि यीशु का परमेश्वर गा कोण होय। मसीह गा बारेन गवाही 6 इनिज यीशु मसीह होय, जो डा एठा पचना गा द्वारा हेन डा, बस डा गा द्वारा बाने पेनो डीच डा एठा पचना बाएरा गा द्वारा हेन डा। पवित्र आत्मा दियागा बारेन गवाही जेबा होय, चोयाकी आत्मा सच्चो होय। 7 एटेन गवाही जिऊमिंकू आफाईकु होय, 8 पवित्र आत्मा, डा, एठा पचना, आफाई भी म्याका गवाही टे सहमत होय। 9 जब आले कोरोकु गा गवाही मनातिंजेवा होय, मेटे परमेश्वर गा गवाही मेटे दिकुटे खाट्टे होय। एठा परमेश्वर गा गवाही इनी होय, कि डीचनी हेजा कोण गा बारेन गवाही जीके होय। 10 जो परमेश्वर गा कोण लिंजेन विश्वास दडावा होय, डीच खुद का डी गवाही के हेजा दिलेन दोडोवा होय। डीचनी परमेश्वर लिंजेन विश्वास बान दोडुका, डीचनी परमेश्वर के लबाळ ठहरातिंज्केनेच होय। चोयाकी डीचनी डी गवाही लिंजेन विश्वास बान दोडुका, जो परमेश्वर नी हेजा कोण गा बारेन जीके होय। हमेशा गा जीवन 11 डी इनी गवाही होय, कि परमेश्वर नी आलेके हमेशा गा जीवन जिले होय एठा इनी जीवन दियागा कोणटे यीशु गेन होय। 12 जेगा मेरान परमेश्वर गा कोण होय, दियागा मेरान हमेशा गा जीवन होय। एठा जेगा मेरान परमेश्वर गा कोण बाने, दियागा मेरान हमेशा गा जीवन भी बाने। 13 इंज आपेके इनिघल्जी ओलेवा मेना, कि इंज चाहतावा मेना कि आपे इनी चिनाया कि आपेगा मेरान हमेशा गा जीवन होय। चोयाकी आपे जो परमेश्वर गा कोणटे गा जीमू लिंजेन विश्वास दडावा होय, आसरदार प्रार्थना 14 आबुन परमेश्वर सम्मान जो हिम्मात डाऊवा होय, डी इनी होय, कि अगर आले दियागा इच्छा गा रोंगो चोच्काभी आसिवा होय, मेटे डीच आबुगा आजुम्बा होय। 15 जब आले हाडाई होय, कि जो चोच्काभी आले परमेश्वर टे आसिवा होय, डीच आलेगा आजुम्बा होय। मेटे इनी भी हाडाई होय, कि चोच्काभी आलेनी दियाटे आसिवे, डी घाटाएन। 16 अगर जेका हेजा विश्वासी डाई एठा बोकजाई के एनोगो पापो दडा डोगे, डेगा फल गुजू बाकी होना, मेटे दिकु दिया प्रार्थना घल्जी डाए एठा परमेश्वर दियागा जीवन सजाका डोएबा। इनी डी कुरकू गा घल्जी लागु होय, दिकुगा पापो गा फल गुजू बाकी होना, चोयाकी म्या पापो येनेगो भी थंदळवा होय डेगा फल गुजू होय। डेगा बारेन इंज बान मंडी कि प्रार्थना दडा होना। 17 परमेश्वर गा नियम के ममानातिंज टे इंकार दडा पापो होय, पेनो एनोगो पापो भी होय, डेगा फल गुजू बाने। म्याका मंडी 18 आले हाडाई होय, कि जो जेकाभी परमेश्वर गा कोणकु होय दिकु पापो बान दडा थंदळ। चोयाकी परमेश्वर का दिकुके बचातिंज डोकुवा होय एठा दृष्ट शैतान डीचके उठाएच बाने। 19 आले हाडाई होय, कि आले परमेश्वर गा होय, एठा सेबाई दुनिया डी बुराई टे व्यवहार दडामिठाच शैतान गा काबून सोडके होय। 20 एठा इनी भी हाडाई होय, कि परमेश्वर गा कोण यीशु मसीह हेन होय, एठा डीचनी आलेके समाझो जिले होय, कि आले सच्चो परमेश्वर के चिनाएच, आले सच्चो परमेश्वर गेन थंदळवा होय, चोयाकी आले दियागा कोणटे यीशु मसीह गेन थंदळवा होय। इनिज्का सच्चो परमेश्वर एठा हमेशा गा जीवन होय। 21 हे इंजा कोणकु, खुदके मूर्तिनौर टे बचातिंज डोकी। (जो आपेगा दिलेन परमेश्वर गा जगा सावा होय।) |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation