1 ಯೊಹಾನ್ 4 - गवली उनाई नियमसच्चो गा आत्मा एठा लबाळ गा आत्मा 1 हे प्यारे सोपतीकु, हर म्या कोरो लिंजेन विश्वास बाकी दडा जो मंडीवा होय कि दिकुन नी परमेश्वर गा आत्मा होय, येनेगो कोरोकु के चिनाकु कि जो आत्मा दिकुन होय डी परमेश्वर गा होय या बाने, चोयाकी घोनेच टे लबाळ कुरकू दुनिया गेन ओटके होय, जो हेज खुदके परमेश्वर गा कोनेटे मंडीमिठाच घालेवा होय। 2 परमेश्वर गा आत्मा के आपे इनी रिती टे चिनाए, कि जो जेका मनातिंजेवा होय, कि यीशु मसीह कोरो आरुटे हेन, मेटे दियेन डी आत्मा होय जो परमेश्वर गा कोनेटे होय। 3 एठा जो तुनिका आत्मा बान ममानातिंज कि यीशु कोरो आरुटे हेन, डी परमेश्वर गा कोनेटे बाने होय। इनिका मसीह गा दुश्मान गा आत्मा होय, डेगा चर्चा आपे आजुम्के होय, कि डीच हेजेमिठाच होय एठा आए भी दुनिया गेन होय। 4 हे प्यारे कोणकु, आपे परमेश्वर गा कुरकू होय एठा डी लबाळ कुरकू लिंजेन जीटाएन होय, जो खुदके परमेश्वर गा कोनेटे मंडीमिठाच मंडीवा होय। चोयाकी जो आत्मा आपेन नी होय डी दियाटे शक्तीशाली होय, जो दुनिया गेन होय। 5 दिकु लबाळ कुरकू जो हेज खुदके परमेश्वर गा कोनेटे मंडीमिठाच मंडीवा होय, दिकु दुनिया गा होय, इनी वाजाटे दिकु दुनिया गा बातो मंडीवा होय एठा दुनिया गा कुरकू दिकुगा आजुम्बा होय। 6 आले परमेश्वर गा होय। जो परमेश्वर के हाडाई होय, डीच आलेगा आजुम्बा होय। जो परमेश्वर के बान हाडाई डीच आलेगा बान आजुम। इनी रोंगो टे टोनोगो सच्चो गा आत्मा एठा लबाळ गा आत्मा होय, आले चिनाएवा होय। प्यार द्वारा परमेश्वर के चिचाना 7 हे प्यारे, आले आबु-आबुनका प्यार डोए, चोयाकी प्यार परमेश्वर टे होय एठा जो जेकाभी दूसराकु टे प्यार दडावा होय, डीच परमेश्वर गा कोण होय एठा परमेश्वर के हाडाई होय। 8 जो दूसराकु टे प्यार बान दोडो डीच परमेश्वर के बान हाडाई, चोयाकी परमेश्वर प्यार होय। 9 जो प्यार परमेश्वर आलेटे दोडोवा होय, डीच इनिजाटे ओटजे मेना कि परमेश्वर नी हेजा म्याका कोण के दुनिया गेन कुल्केनेच होय, कि आले दियागा द्वारा हमेशा गा जीवन घाटाऊवा। 10 प्यार इनेन बाने कि आलेनी परमेश्वर टे प्यार डाके, पेनो इनीजेन के होय, कि परमेश्वर नी आलेटे प्यार डावे एठा आलेगा पापो गा किम्मत फेफाळा गा घल्जी हेजा कोण के बलिदान डाऊ गा घल्जी कुल्केनेच, ताकी आलेन आलेगा पापो टे मापो घाटायु होना। 11 हे प्यारे, जब परमेश्वर नी आलेटे एनोगो प्यार डाके, मेटे आलेके भी आबु-आबुनका प्यार दोडो होना। प्यार द्वारा परमेश्वर के दोडो 12 परमेश्वर के चोलाकाभी जेकानी बान दोडुका। अगर आले आबु-आबुनका प्यार डोए, मेटे परमेश्वर आलेन नी आरुका थंदळवा होय। एठा दियागा प्यार आलेन नी पुराएन होय। 13 एनेटेका आले हाडाई होय, कि आले परमेश्वर गेन आरुका थंदळवा होय एठा परमेश्वर आलेन नी आरुका थंदळवा होय। चोयाकी डीचनी हेजा आत्मा टे आलेके जिले होय। 14 आलेनी कोण के डोकेनेच भी एठा गवही जिऊवा होय, कि परमेश्वर बाटे नी कोण के दुनिया गा कुरकू गा उध्दार दडामिठाच डाऊ घल्जी कुल्केनेच होय। 15 जो जेकाभी इनी मनातिंजेवा होय, कि यीशु परमेश्वर गा कोण होय। परमेश्वर दियेनका आरुका थंदळवा होय, एठा डीच परमेश्वर गेन आरुका थंदळवा होय। 16 जो प्यार परमेश्वर आलेटे दोडोवा होय। डी प्यार के आले हाडाईये एठा आलेन दिया लिंजेन विश्वास होय। परमेश्वर प्यार होय, जो प्यार गेन जीवन बिबातातिंज्बा होय, डीच परमेश्वर गेन आरुका थंदळवा होय एठा परमेश्वर दियेनका आरुका थंदळवा होय। 17 इनिजाटे प्यार आलेन का पुराएवा होय, कि देटे आले न्याय गा दिन पूरा भारोसा डोकी होना। चोयाकी आलेगा जीवन भी इनी दुनिया गेन मसीह गा रोंगो होय। 18 प्यार गेन हिगरा बान डाऊ, सच्चो प्यार हिगरा के लेंक्की नेवा होय। चोयाकी हिगरा गा संबंध दण्डो टे डाऊवा होय, जो हिघरावा होय डीच प्यार गेन पूरा बान दडुका। 19 आले इनिघल्जी प्यार दडावा होय, चोयाकी पेला परमेश्वर नी आलेटे प्यार डावे। 20 अगर जेकाभी मंडे, “इंज परमेश्वर टे प्यार दोडोवा मेना,” पेनो आपना डाईटे दुश्मनी डोए, मेटे डीच लबाळ होय। चोयाकी मेट डा सम्मान थंदळ मिठाच आपना डाईटे जो प्यार बान दडा, मेटे डीच बान दोडुका परमेश्वर टे भी प्यार बान दडा। 21 दियाटे आबुन इनी हुकूम घाटाएन होय जो जेकाभी इकुगा परमेश्वर टे प्यार दोडोवा होय, डीच हेजा विश्वासी डाईटे भी प्यार डोए। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation