1 ಯೊಹಾನ್ 3 - गवली उनाई नियमपरमेश्वर गा कोणटे एठा शैतान गा कोणटे 1 सोचातिंजे, परमेश्वर बाटे नी आलेटे चोटो प्यार डावे होय, कि आले दियागा गा कोण मेंटो मंडीयु एठा आले होय भी, इनी वोजीटे दुनिया गा कुरकू आलेके बान हाडाई, चोयाकी दिकुनी परमेश्वर के भी बान हाडाई डुका। 2 हे प्यारे, नका आले परमेश्वर गा कोण होय, पेनो आए टाएन इनी ओटडुका कि आले चोच होंगा! एटो हाडाई होय कि जब यीशु मसीह ओटबा मेटे आलेभी दियागा खिजाऊवा, चोयाकी आले डीचके डेनोगोका डोगेचबा जैसा डीच नका होय। 3 एठा जो जेकाभी मसीह लिंजेन इनी आसा दोडोवा होय, डीच हेज खुदके डेनोगोका चोखरा आरोएवा होय, जैसा डी चोखरा होय। पापो एठा परमेश्वर गा कोंकु 4 जो जेकाभी पापो दडा लक्कूवा होय, डीच परमेश्वर गा नियम के ममानातिंज बान मेंबा होय। एठा पापो गा मतलब परमेश्वर गा नियम के ममानातिंज टे बान मेंबा होय। 5 एठा आपे हाडाई होय कि यीशु मसीह इनिघल्जी हेन, कि आलेगा पापोनौर सैईय्या, एठा डेन तुनिका पापो बाऊ। 6 जो जेकाभी मसीह गेन आरुका थंदळवा डीच पापो बान दडा। जो जेकाभी पापो दडावा डीचनी न मसीह के डोकेनेच होय एठा न मसीह के चिनाकेच होय। 7 प्यारे कोणकु, जेका गा भाईकातिंजेन बाकी हेजे, जो धर्मिकता गा कामय दडावा होय डीका मसीह गा रोंगो धर्मी होय। 8 जो जेकाभी पापो दडा लक्कूवा होय, डीच शैतान गा कोनेटे होय, चोयाकी शैतान सुरुवात टेका पापो डाटे हेन होय। परमेश्वर गा कोणटे इनिघल्जी हेन, कि शैतान गा कामय के नशोकी। 9 जो जेकाभी परमेश्वर गा कोण होय डीच टाऊ लगी टाऊटे पापो बान दडा। चोयाकी परमेश्वर गा स्वाभव डेननी आरुका थंदळवा होय एठा डीच पापो दडाका बाने, चोयाकी डीच परमेश्वर गा कोण होय। 10 एनेटे परमेश्वर गा कोण एठा शैतान गा कोण चिनाऊवा होय। जो जेकाभी धर्मिकता गा कामय बान दडा एठा जो हेजा डाईकु टे प्यार बान दोडो, डीच परमेश्वर गा कोण बाने होय। इनिज-दियाटे प्यार टे डोए 11 जो खाबोर आमनी पेलाटेका आजुम्के डी इनी होय, कि आले इनिज-दियाटे प्यार डोकी। 12 आदम गा कोणटे कैन गा रेंगो बाकी आरु, जो डीच बुराई टे व्यवहार दडामिठाच शैतान गा कोनेटे डा एठा डीचनी हेजा डाईटे हाबिल के घोच्केनेच एठा डीचके तुनी वाजाटे घोच्केनेच? इनी वाजाटे कि कैन गा कामय बुरा डा एठा दियागा डाईटे गा कामय अच्छा डा। 13 हे डाईचो, अगर दुनिया गा कुरकू अमाटे दुश्मनी दडावा होय मेटे अचम्बो बाकी दडा। 14 आले हाडाई होय, कि आले गुजू गा शक्तीटे आले आझाद जे होय एठा राजो जीवन होय, चोयाकी आले डाईचो टे प्यार दोडोवा होय। जो प्यार बान दोडो, डीच गुजू गा दशा गेन थंदळवा होय। 15 जो जेकाभी हेजा डाईटे दुश्मनी दोडोवा होय, डीच गोघेचमिठाच होय एठा आपे हाडाई होय कि तुनिका घोगेज मिठाच गेन हमेशा गा जीवन बान डाऊ। 16 यीशु मसीह नी आलेगा घल्जी हेजा गा जान जीके, इनी वोजीटे आलेके प्यार गा बारेन मालूमजे, इनिघल्जी आलेन भी आपना डाईचो गा घल्जी जान जिऊ होना। 17 पेनो जो जेकाभी मेरान दुनिया गा संपत्ति होय एठा डीच हेजा डाईकु गा जरूरातनौर के समझातिंजटे, दिकु लिंजेन आस्वान बाकी सा होना, मेटे डेननी परमेश्वर गा प्यार टोनोगो आरुका थंदळवा होय? 18 हे इंजा प्यारे कोणकु, आले वचन एठा बातो टेका बाने, पेनो कामय एठा सच्चाई टे प्यार डाए। परमेश्वर गा सम्मान हिम्मत 19-20 आले इनिज-दियाटे प्यार दडा गा द्वारा चिनाएवा कि आले सच्चो गा कोण होय। एठा जो बातोन आलेगा मन आलेके आनोवा टोकाएवा, डी बातो गा बारेन आले परमेश्वर गा सम्मान आलेगा मन के पक्काएवा का। चोयाकी परमेश्वर आलेगा मन टे खाट होय, एठा सेबाईका हाडाई होय। 21 हे प्यारे, अगर आलेगा मन आलेके आनोवा बान तोटाका, मेटे आलेन परमेश्वर गा सम्मान हिम्मत डाऊवा होय। 22 जो चोच्काभी आले परमेश्वर टे आसिवा होय, डीच आलेके जेबा होय। चोयाकी आले दियागा हुकूमनौर के मनातिंजेवा होय, एठा डीका कामय दडावा होय देटे परमेश्वर खुशोऊवा होय। 23 परमेश्वर गा हुकूम इनी होय, कि आले दियागा कोणटे यीशु मसीह गा जीमू लिंजेन विश्वास डाए एठा जैसा डीचनी आलेके हुकूम जिले होय, डेगाका रोंगो आबु-आबुनका प्यार डोए। 24 जो परमेश्वर गा हुकूम मनातिंजेवा होय, डीच परमेश्वर गेन एठा परमेश्वर दियेनका आरुका थंदळवा होय। येनेटे, मतलब डी आत्मा टे जो परमेश्वर नी आलेके जिले होय, आले हाडाई होय कि परमेश्वर आलेन नी थंदळवा होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation