1 ಯೊಹಾನ್ 2 - गवली उनाई नियमयीशु आलेगा साथो जिऊमिठाच 1 इंजा प्यारे कोणकु, इंज इनी बातो आपेके इनिघल्जी ओलबा मेना, कि आपे पापो बाकी दडा। अगर जेका पापो डाए टासो मेटे परमेश्वर बाटे मेरान आलेगा घल्जी म्या मदत जिऊमिठाच होय मतलब धर्मी यीशु मसीह। 2 डीचका आलेगा पापो गा किम्मत फेफाळा गा घल्जी, बलिदान होय। बस आलेगा का बाने पेनो दुनिया गा सेबाई कुरकू गा घल्जी भी। परमेश्वर गा हुकूमनौर 3 अगर आले परमेश्वर गा हुकूमनौर के आजुमेबा, मेटे एनेटे आलेन मालूमुबा कि आले डीचके हाडाई होय। 4 जो जेकाभी इनी मंडीवा होय, “इंज डीचके हाडाईये मेना,” एठा दियागा हुकूमनौर के बान ममानातिंज डीच लबाळ होय एठा परमेश्वर गा सच्चाई रोंगो जीवन बान बिबातातिंज। 5 पेनो जो जेकाभी परमेश्वर गा वचन के मनातिंजेवा, दियेन परमेश्वर गा प्यार सिध्द डाएन होय। आलेन एनेटेका मालूमुबा होय कि आले दियेन होय। 6 जो जेकाभी इनी मंडीवा होय कि इंज दियेन आरुका थंदळवा मेना, डीचके डेनेगोका जीवन बिबातातिंज होना, जैसा यीशु मसीह नी जीवन बितातिंज्के डा। सेबाईकु टे प्यार डाए 7 हे प्यारे, इंज आपेके तुनिका उनाई हुकूम बान ओल, पेनो डीका जुना हुकूम जो सुरुवात टेका आपेन घाटाके होय, जब आपेनी मसीह लिंजेन विश्वास दडा टेमो आजुम्के डा। 8 मेटे भी इंज आपेके उनाई हुकूम ओलेवा मेना चोयाकी इनी सच्चो मसीह गेन भी डोके एठा आपेन भी डोके होय। चोयाकी अंधरा उथुरू लक्के होय एठा सच्चो गा उजाला आए चमकातिंजू लज्जे होय। 9 जो जेकाभी इनी मंडीवा होय कि इंज उजालान जीवन बिबातातिंज लक्के मेना पेनो विश्वासी डाईटे दुश्मनी दोडोवा होय, डीच आए टाएन अंधरान का जीवन बिबातातिंज लक्के होय। 10 जो जेकाभी हेजा डाईटे टे प्यार दोडोवा होय, डीच उजालान जीवन बिबातातिंजबा होय, एठा डीच दूसरा गा घल्जी पापो गेन बोचो गा वाजा बान आरु। 11 पेनो जो जेकाभी हेजा विश्वासी डाईटे टे दुश्मनी दोडोवा होय, डीच अंधरान जीवन बिबातातिंजबा एठा सेंद्रावा होय, एठा बान हाडाई कि टुनगन सेनेवा होय, चोयाकी अंधरा नी डीचके अंधळा आरुकेनेच होय। पत्री ओलगा हा वाजा 12 हे कोणकु, इंज आपेके इनिघल्जी ओलबा मेना, कि यीशु मसीह गा जीमू टे आपेगा पापो मापोएन। 13 हे पित्राकु, इंज आपेके इनिघल्जी ओलबा मेना, कि जो सुरुवात टेका होय, आपे डीके हाडाई होय। हे जवानकु, इंज आपेके इनिघल्जी ओलबा मेना, आपेनी डीच बुराई टे व्यवहार दडामिठाच शैतान लिंजेन जीटाएन होय। हे कोणकु, इंज्नी आपेके इनिघल्जी ओलबा मेना कि आपे परमेश्वर बाटे के हाडाई होय। 14 हे पित्राकु, इंज आपेके इनिघल्जी ओलबा मेना, चोयाकी आपे डीके हाडाई होय जो सुरुवात टेका होय। हे जवानकु, इंज आपेके इनिघल्जी ओलबा मेना कि आपे तखातदार आरोए एठा परमेश्वर गा वचन आपेन नी आरुका थंदळवा होय, एठा आपेनी डीच बुराई टे व्यवहार दडामिठाच शैतान लिंजेन जीटाएन होय। दुनिया गा बारेन बिचार टे घागल 15 आपे न मेटे दुनिया टे एठा न दुनिया गा चीजोनौर टे प्यार डोए अगर जेका दुनिया टे प्यार दोडोवा होय, मेटे दियेन बाटे परमेश्वर गा प्यार बाऊ होय। 16 चोयाकी चोच्काभी दुनिया गेन होय, मतलब कोम्बोर गा बुरा इच्छा, एठा मेट गा बुरा इच्छा एठा डामा संपत्ति गा घमंड, डी बाटे परमेश्वर टे बाने पेनो दुनिया गा कोनेटे होय। 17 दुनिया एठा दियागा बुरा इच्छानौर उथुरुवा होय पेनो जो परमेश्वर गा इच्छा गा रोंगो सेंद्रावा होय डी हमेशा का जीटाका थंदळवा। आखरी टेमो गा धोका 18 हे कोणकु, इनी आखरी टेमो होय, एठा जैसा कि आपेनी आजुम्के होय, कि मसीह गा दुश्मान हेजेमिठाच होय। दियागा रोंगो आए भी घोनेच्कुका मसीह गा दुश्मनकु बिटके होय। येनेटे आले हाडाई होय, कि इनी आखरी टेमो होय। 19 मसीह गा दुश्मान कुरकू आले तलाटे बाने डा इनिघल्जी दिकु आले आराटे ओले। अगर दिकु आले तलाटे धारे मेटे आले सेंग्गोन थंदळवा। इनिघल्जी दिकु आले तलाटे ओटजे ताकी इनी ओटके कि दिकु आले तलाटे बाने होय। 20 पेनो आपेके मसीह गा द्वारा पवित्र आत्मा टे अभिषेक डाएन होय, एठा आपे सेबाईकु सच्चो हाडाई होय। 21 इंज्नी आपेके इनिघल्जी बान ओलडुका, कि आपे सच्चो के बान हाडाई, पेनो इनिघल्जी ओल्के कि आपे डीचके हाडाई होय एठा आपे इनी भी हाडाई होय कि लबाळ सच्चो गा कोनेटे बाने। 22 लबाळ जे होय? डीच जो यीशु गा मसीह डाऊ गा बान मेंबा होय, एठा मसीह गा दुश्मान भी होय। जो परमेश्वर बाटे गा एठा कोण बर्खिंज गा बान मेंबा। 23 जो जेकाभी कोण के बान मेंबा होय डीच परमेश्वर बाटे भी बान मेंबा, जो कोण के मनातिंजेज्बा होय डीच परमेश्वर बाटे भी मनातिंजेज्बा होय। 24 डी सच्चो गा खाबोर आपेनी आरुका थंदळकु, जो आपेनी यीशु मसीह लिंजेन विश्वास दडा लठ्ठाका आजुम्के डा, जो आपेनी सुरुवात टेका आजुम्के होय, अगर डी आपेन आरुका थंदळे, मेटे आपे भी कोण गेन एठा बाटे परमेश्वर गेन आरुका थंदळकु। हमेशा गा जीवन गा वादा 25 एठा इनी हमेशा गा जीवन जिऊ गा वादा मसीह नी आलेटे डाके होय। 26 इंज्नी आपेके इनी बातो डी कुरकू हुशार थंदळ गा बारेन ओलके होय, जो आपेके भूबल्लावा होय। 27 एठा पवित्र आत्मा, जो आपेन मसीह गा कोनेटे घाटाके होय, डीच आपेन नी आरुका थंदळवा होय, आपेके इथू घल्जी जेकाकेका जरुरत बाने चोयाकी दियागा आत्मा आपेके सेबाई जरूरतमंद बातो के इथूकोम्बा होय, एठा जो डीच इथूकोम्बा होय डीका सच्चो होय, लाबाळ बाऊ। जैसा आत्मा नी आपेके इथूकेमी होय दियागा आजुमे एठा मसीह गेन आरुका थंदळे। परमेश्वर गा कोंकूटे 28 हे कोणकु मसीह गेन आरुका थंदळकु, कि जब डी ओटबा, मेटे आलेन भरोसा डायु, एठा आले दियागा हेजे लिंजेन दियागा सम्मान सेरोमजु बाकी होना। 29 अगर आपे हाडाई टासो कि मसीह धर्मी होय, मेटे इनी भी हाडाईयु कि जो जेकाभी धर्मिकता गा कामय दडावा होय, डीच परमेश्वर गा कोण होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation