1 ಯೊಹಾನ್ 1 - गवली उनाई नियमजीवन गा वचन घोषणा 1 डी जीवन गा वचन गा बारेन ओलबा मेना जो सुरुवात टेका डा, डीके आलेनी आजुम्के एठा आपना मेट टे डोके, बनकी आलेनी डीके ध्यान टे डोके एठा टी टे टोजाके। 2 इनी जीवन ओटके मेना, एठा आलेनी डीच यीशु के डोकेनेच, एठा दियागा गवही जेबा होय, एठा आपेके डी हमेशा गा जीवन गा अच्छा खाबोर घालेवा होय, जो बाटे गा सेंग्गोन डा एठा आले लिंजेन ओटके मेना। 3 जो चोच्काभी आलेनी दियागा डोके एठा आजुम्के होय दियागा अच्छा खाबोर आपेके भी घालेवा होय। इनिघल्जी कि आपे भी आलेगा सेंग्गोन डी बेल्लाऊ गेन बेल्लायु होना जो बाटे परमेश्वर गा सेंग्गोन एठा दियागा कोंटे यीशु मसीह गा सेंग्गोन होय। 4 एठा इनी बातो आले इनिघल्जी ओलबा होय, कि आलेगा खुशी पुरायु होना। परमेश्वर गा सेंग्गोन बेल्लाऊ 5 जो अच्छा खाबोर आलेनी यीशु टे आजुम्के एठा आपेके घालेवा, डी इनी होय, कि परमेश्वर उजाला रोंगो होय एठा दियेन तुनिका चोच्काभी अंधरा बाऊ। 6 अगर आले मांडे कि परमेश्वर गा सेंग्गोन आलेगा बेल्लाऊ होय, पेनो पापो गेन जीवन बिबाततिंजवा होय, मेटे आले लाबाळ मंडीवा होय एठा सच्चो गेन बान सेंद्रा। 7 पेनो अगर जैसा परमेश्वर उजालान के होय, डेनोगोका आले उजाला गा रोंगो जीवन बितातिंजे, मेटे परमेश्वर एठा इनिज-दिया सेंग्गोन बेल्लाका डोएबा होय एठा दियागा कोंटे यीशु मसीह गा पचना आलेके सेबाई पापो टे चोखराकोम्बा होय। 8 अगर आले मांडे कि आलेन चोच्काभी पापो बाऊ, मेटे आपना खुदके धोका जेबा होय एठा आलेनी सच्चो गेन बाऊ होय। 9 अगर आले आलेगा पापो के मनातिंजे टासो, मेटे परमेश्वर आलेगा पापो के मापोएबा एठा आलेके आलेगा हार अपराध टे चोखराकोम्बा, चोयाकी डीच विश्वास लायको एठा धर्मी होय। 10 अगर आले मांडे कि आलेनी पापो दडुका, मेटे परमेश्वर के लबाळ ठहरातिंजेवा एठा दियागा वचन के बान आजोम। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation