1 ಕೋರಿಂಥ್ 9 - गवली उनाई नियमकलामके मिठाच चेला गा हाक एठा कामय 1 जो चोच्का इंज दडा चाहतावा मेना, डीके दडा गा घल्जी इंज आजादके मेना, इंज कलामके मिठाच चेला मेना, एठा इंज्नी आलेगा प्रभु यीशु के डोकेनेच होय, आपे प्रभु गा घल्जी डाके मिनी, इंजा सेवा गा फल डायु। 2 अगर दूसरा कुरकू इनी मनेन ने बाने होय, कि इंज प्रभु यीशु गा कलामके चेला मेना, पेनो आपे डाईचो के इनिके मनेनजा होना। चोयाकी इंज डीचका मेना, जो आपेगा मेरान अच्छा खाबोर साटे हेन डा। एठा आपेगा मसीह गेन विश्वास गा वाजा साबितदुवा होय, कि इंज म्या कलामके मिठाच चेला मेना। 3 जो कुरकू इंजा कलामके मिठाच चेला आरु गा हाक लिंजेन सवाल दडावा होय, दिकुगा घल्जी इनिका इंजा जवाब होय। 4 कि इंज्के एठा बरनबास के, कलामके मिठाच चेला आरु गा वोजीटे हाक होय कि आपेटे जोजोम-कखाफ गा घल्जी मदत सेगे। 5 चोयाकी आलेगा मेरान भी हाक होय, कि दूसरा कलामके मिंकू चेलाकू एठा प्रभु गा डाई एठा पतरस (कैफा) गा खिजा ब्याह डाटे हेजा जापाएकु के आपना सेंग्गोन यात्रा गेन सालेकु। 6 इंज्के एठा बरनबास के भी दूसरा कलामके मिठाच चेलाकू गा खिजा डामा मदत हासिल गा हाक होय एठा आलेके आलेगा जीवन गा घल्जी कामय दडा गा जरुरी बाऊ होय। 7 म्या सैनिक के चोलाकभी हेजा खर्च खुद बान जिऊ बोचोवा। म्या कोरो जो अंगूर बगीचा येंडावा होय, डीच येनेगा अदा फल जोम गा उम्मीद दडावा होय। एठा म्या ताठया हेजा मेंडाकू टे दिडोम नुनू गा उम्मीद दडावा होय। 8 इनी इंज साधारण जीवन गा उदाहरणनौर गा आधार लिंजेन का बान मंडी लक्के मेना, बनकी मूसा गा नियम भी इनिका मंडीवा होय। 9 चोयाकी मूसा गा नियम गेन इनी ओल्के होय, “आपे दडावरा दडा डोबा गा चाभु मुच्का बाकी येंडा।” चोच आपेन लगातिंजुवा होय कि परमेश्वर के बस डोबाकु गा का चिंता होय? बाने! 10 पेनो इनी कास करके आलेगा घल्जी मंडीवा होय। हें, आलेगा घल्जी का ओल्के मेना, चोयाकी साही होय, कि खिटी बिबीट तुनिका आसा टेका खिटी बिबीटवा होय एठा ख्यार्यान गेन भूसा टे आनाजो अलग्गो दडामिठाच फसल गा अदा भागो घाटाऊ गा आसा मेटे डोएबा का। 11 आलेनी आपेके परमेश्वर गा अच्छा खाबोर गा प्रचार डाके होय। डी कुरकू गा खिजा जो रोपो येंडावा होय, आलेनी आपेन नी परमेश्वर गा खाबोर गा बीजो बिटके होय। इनिघल्जी आपेगा घल्जी इनी सही होय, कि आपे आलेके आलेगा जीवन गा जरुरतनौर गा घल्जी खर्चा सेगे। 12 चोयाकी आपेनी अलग्गो कुरकू के डामा मदत जीके होय, दिकुनी आपेगा तालान प्रचार डाके, आए टेमोन इंज्के एठा बरनबास के आपेटे डामा मदत आसी गा येठाभी हाक होय, चोयाकी आलेनी आपेगा तालान अच्छा खाबोर गा बीजो बिटके डा। हालाकी, आले तालाटे जेकानी भी इनी बातो लिंजेन जोर बान जिडुका कि आपे आलेके डी चीजोनौर के सेगे, जो आलेन आपेटे होना डा। येनेगा बजाय, आले चोच्काभी सेहेसेन गा घल्जी तैयारके डा, ताकी आले मसीह गा बारेन अच्छा खाबोर लिंजेन विश्वास दडा टे जेकाकेभी रुकातिंजू बाकी येंडा। 13 आपे अच्छा खिजाटे हाडाई होय, कि यरूशलेम गा मंदिर गेन कामय दडामिठाच कोरोकु के मंदिर टे आटा घाटाऊवा होय। जो कुरकू वेदी लिंजेन कुर्बानीनौर जिऊवा होय, दिकुके डी कुर्बानीनौर गा हिस्सा घाटाऊवा होय। 14 इनिका खिजा प्रभु नी भी हुकूम जीके कि अच्छा खाबोर गा प्रचार दडामिठाच गा जीविका डी कुरकू टे डाऊ होना जो अच्छा खाबोर घागलवा होय। 15 हालाकी इनी आए टेमोन इंजा घल्जी साही डाऊवा कि जो कुरकू के इंज्नी प्रचार डाके दिकुटे आसे, फिरभी इंज्नी इंजा कामय गा घल्जी मुंजरी बान आसीडुका होय। एठा इंज इनी इनिघल्जी बान ओल लक्के मेना ताकी आपे इंज्के चोच्का सेगे। इंज आपेटे आसी गा बजाय घोयुवा, चोयाकी अगर इंज्नी आपेटे मुंजरी सावे, मेटे इंज इनी दावा बान डाए साकता कि इंज्नी मुंजरी सावे बिना आपेगा घल्जी कामय डावे। 16 मेटे डाबोलटे इंज इनी बातो लिंजेन घमंड बान डाए साकता, कि इंज अच्छा खाबोर घालेवा मेना। इंज्के जिम्मेदारी जिले मेना होय। एठा अगर इंज अच्छा खाबोर बाकी घागल टासो मेटे इंजा घल्जी इनी बुरा डाऊवा। 17 अगर इंज इंजा इच्छाटे इनी डाए धारे, मेटे इंज्के पुरस्कार गा हाक थंदळ डा। पेनो इंज इंजा इच्छाटे इनी बान दडा। इंजेन जो कामय जिले मेना होय, इंज डीके पूरा डाए मेना। 18 मेटे पुरस्कार लिंजेन इंजा चोच्का दावा बाऊ, पेनो इंजा खुशी इनी होय कि बिना राशि दोडो गा अच्छा खाबोर के घालेवा, चाहे इंजा मेरान हाक होय कि इंज दिकुटे इंजागा जीविका गा खर्चो के घाटायु। सेबाईकु गा सेवा 19 सेबाई कुरकू टे आजादू डाऊ गा लिंजेन भी इंज्नी इंज्के का सेबाईकु गा भाग्य आरुकेमी होय, देटे इंज जदा-जदा टे कुरकू के मसीह गा टाऊटे सेंदरा गेन मदत डाकी होना। 20 इंज यहूदी कुरकू गा घल्जी यहूदी खिजा आरुके, देटे इंज यहूदी कुरकू के मसीह गेन सालेकु होना। जो कुरकू मूसा गा नियम गा हात टाल्लेन होय, दिकुके मसीह गेन सा गा घल्जी इंज मूसा गा नियम गा हात टाल्लेन थंदळके पेनो इंज आए टेमोन मूसा गा नियम गा हात टाल्ले बान मेना। 21 डीका खिजा जब गैर-यहूदिकु गा सेंग्गोन कामय दडावा मेना, मेटे इंज म्या गैर-यहूदी गा खिजा जो मूसा गा नियम गा पालन बान दडा डेनोगोका थंदळवा मेना, ताकी दिकुके मसीह गेन सालेकु होना। येनेगा मतलब इनी बाऊ होय, कि इंज परमेश्वर गा नियम गा पालन बान दडा, चोयाकी इंज हमेशा मसीह गा नियम गा पालन दडावा मेना। 22 जब इंज डी कुरकू गा सेंग्गोन थंदळवा मेना, दिकुगा विश्वास कमजोर होय, मेटे इंज दिकुगा रोंगो व्यवहार दडावा मेना, ताकी इंज दिकुके मसीह गा टाऊटे सेंदरा गेन मदत डाकी होना। इंज सेबाई कुरकू गा घल्जी सेबाई चोच्का आरुके मेना, कि तुनिका न तुनिका रिती टे अदा कुरकू गा उध्दार डाकी। 23 एठा इंज इनी सेबाई चोच्का मसीह गा बारेन अच्छा खाबोर गा प्रचार दडा गा घल्जी दडावा मेना, ताकी इंजेन अच्छा खाबोर गेन वादा डाके मिनी आशीर्वाद गा हिस्सा जिकी होना। मसीह जीवन गा साळूप एठा ईनाम 24 आपे अच्छा खिजाटे हाडाई होय, कि साळूप गेन घोनेच सेबाई खिलाळी भागो सावा होय, लेकिन दिकु तालाटे बस म्याखोम का खिलाळी गा ईनाम जीटाऊवा होय। एठा आपे ईनाम जीटाऊ गा घल्जी इनी खिजाटे साळूबे कि आपे जीटाए। 25 हरेक खिलाळी हर रोंगो गा मेहनत दडावा होय, ताकी डीच डी ईनाम के घाटाकी होना जो नाशोऊ मिनी होय। पेनो आलेनी डी ईनाम गा घल्जी मेहनत दडावा होय जो हमेशा आरुका थंदळवा होय। 26 जैसा म्या खिलाळी हेजा गा साळूप गा हालेन आरुका थंदळवा होय या म्या बुक्कीमिठाच हेजा गा बुक्कीनौर के काबू गेन दोडोवा होय, डेनोगोका इंज इंजागा मसीह जीवन के मसीह गा रोंगो जीवन बिबातातिंजबा मेना। 27 इंज इंजा कोम्बोरके काबू गेन डोएबा मेना, ताकी इंज इंजागा कोम्बोर गा बुरा इच्छानौर गा रोंगो बाकी सेंदरा कही येनोगो बाकी डाऊ कि इंज जो दूसराकु के अच्छा खाबोर गा प्रचार दडावा मेना, इंज खुद का ईनाम बान घाटाऊ। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation