1 ಕೋರಿಂಥ್ 7 - गवली उनाई नियमब्याह गा नियम 1 नका डी सवालनौर गा बारेन जो आपे कुरकू नी आपेका पत्र गेन ओल्टे कोम्बाराके होय, “आलेगा घल्जी चोच इनी अच्छा डाऊवा कि ब्याह बाकी दडा?” 2 पेनो अंदाजो गेन बोचोटे आनोवा के बाकी दडा, इनिघल्जी हरेक कोरो के ब्याह डायोम होना। एठा हर जापाए गा सना होना। 3 साना हेजा जापाए गा प्रति हेजा फर्ज पुराए एठा डीका खिजा जापाए हेजा साना गा प्रति हेजा फर्ज के पुराए। 4 जापाए गा हेजा कोम्बोर लिंजेन हाक बाऊ, बनकी दियागा साना गा होय एठा डीका खिजा साना गा भी हेजा कोम्बोर लिंजेन हाक बाऊ, बनकी दियागा जापाएटे गा होय। 5 आपे इनिज-दियाटे अलग्गो बाकी थंदळ, पेनो बस थोळाका टेमो टाएन आपिंज गा राजिटे कि प्रार्थना गा घल्जी टेमो ओडे एठा डाबोलटे साना एठा जापाए गा खिजा आपे डाबोलटे म्या सेंग्गोन थंदळे, ताकी शैतान बुरा जीवन बिबातातिंज गा घल्जी आपेगा अंदजो बाकी दडा, चोयाकी आपे आपेका इच्छानौर के काबू गेन बान सा डाए। 6 पेनो इंज जो इनी मंडीवा मेना, डी बस इंजा सुझाव होय। 7 इंज मेटे चाहतावा मेना कि सेबाई कोरोकु इंजा खिजा होय, पेनो परमेश्वर गा कोनेटे हर म्याखोमेन अलग्गो-अलग्गो वरदान घाटाएन होय एठा परमेश्वर अदा कुरकू के ब्याह बान दडा गा वरदान जेबा होय एठा अदा कुरकू के ब्याह बान दडा गा वरदान जेबा होय। बिना ब्याह मिंकू गा घल्जी सलाह 8 नका बिना ब्याह मिंकू एठा विधवाकु गा घल्जी इंजा सलाह इनी होय, कि इंजा खिजा बिना ब्याह गा थंदळ अच्छा होय। 9 पेनो अगर दिकु आराम्बो बान दडुका, मेटे ब्याह डाए चोयाकी इच्छानौर गा वोजीटे अंदजो गेन बोचोटे ब्याह दडा अच्छा होय। ब्याह डाएन मिंकू गा घल्जी सलाह 10 ब्याह डाएन मिंकूके इंजा बाने, बनकी प्रभु गा इनी हुकूम होय, कि जापाए हेजा सानाटे फार्गाती बाकी जिऊ। 11 एठा अगर डीच अलग्गोएन टासो, मेटे जापाए के या मेटे बिना ब्याह गा थंदळ होना या हेजा सानाटे डाबोलटे मिलातिंजू होना। एठा न मेटे साना हेजा जापाएटे के तलाक जे। 12 नका इंज कास विश्वासीकु टे बातो लक्के मेना, जो विश्वासी डाईचो नी येनोगो जापाएटे ब्याह डावे होय, जो विश्वासी बाऊ होय। एठा डी जापाए दियागा डी साना गा सेंग्गोन लगातार जीवन बिबातातिंज गा घल्जी आराकी होय। मेटे डीच साना डी जापाए के तलाक बाकी जिऊ। 13 एठा अगर तुनिका विश्वासी जापाए गा सानाटे आलेगा प्रभु गेन विश्वास बान दडा एठा डीच हेजा जापाएटे गा सेंग्गोन थंदळ टेका आराकी होय, मेटे डी जापाए हेजा सानाटे के तलाक बाकी जिऊ। 14 चोयाकी विश्वास बान दडामिठाच साना हेजा जापाए द्वारा चोखरा डाके मेना होय, एठा विश्वास बान दडामिठाच जापाए हेजा विश्वासी सानाटे द्वारा चोखरा डाके मेना होय। बानकी मेटे अमागा कोणकु बिसोटोऊवा, पेनो नका डीच चोखरा होय। 15 दूसरा कोनेन, अगर विश्वास बान दडामिठाच जिंदगी भोर साथो जिऊमिठाच अलग्गोऊ होना चाहता टासो, मेटे डीच अलग्गोयु। येनोगो हालेन विश्वास दडामिठाच साना या जापाए तुनिका बंधन गेन बाऊ होय। पेनो फिरभी परमेश्वर नी आपेके शांती गा जीवन बितातिंजू गा घल्जी हाकोलेमी होय। 16 डाऊ सकतावा होय कि विश्वासी जापाए हेजा साना गा उध्दार गा वाजा आरोएन टासो, एठा विश्वासी साना हेजा जापाए गा उध्दार गा वाजा आरोएन टासो। परमेश्वर गा हाको गा रोंगो सेंदराए 17 जो इंज मंडी लक्के मेना डेगा निचोळ होय, कि हरेक कोरो के डी हालेन गेन आरुका थंदळ होना, डेननी प्रभु नी डीके डोके होय, इनी डीका हालेन होय, देटे आपे परमेश्वर गा कुरकू आरु गा घल्जी हाकोलेमी होय। एठा इंज हरेक मसीह गा मंडली के येनोगोका दडा के मंडीवा मेना। 18 अगर हाको कोम गा टेमो जेका गा खतना डाएन मेना टासो, मेटे डीच इनी बातो के उखु गा कोशिश बाकी दडा एठा अगर हाको कोम गा टेमो दियागा खतना बान दडुका टासो, मेटे डीच हेजा खतना बान दडुका। 19 चोयाकी खतना गा तुनिका महत्व बाऊ होय, महत्व सिर्फ परमेश्वर गा हुकूमनौर गा पालन दडा गा होय। 20 हर म्या कोरो जो हालेन हाकोलेमी डा, डीच डेनके का होय। 21 अगर हाको कोम गा टेमो आपे भाग्य डा? मेटे येनेगा चिंता बाकी दडा, एठा अगर आपेन आजादू गा मौका घाटाएन टासो, मेटे डी मौका गा फायदा टूले। 22 चोयाकी प्रभु द्वारा हाको कोम गा टेमो जो भाग्य डा, डीच प्रभु द्वारा आजादके होय एठा डीका खिजा प्रभु द्वारा हाको कोम गा टेमो जो आझाद डा, डीच मसीह गा भाग्य होय। 23 चोयाकी आपेके मसीह यीशु नी हेजा जीवन जीटे सावे होय, नका कोरोकु गा भाग्य बाकी आरु। 24 हे विश्वासी डाईचो, हर म्या कोरो जो हालेन हाकोकेमी डा, डीच डेनका परमेश्वर गा सेंग्गोन थंदळे। ब्याह संबंधित प्रश्ननौर गा जवाब 25 कुंवारी सानाकु एठा कुंवारी जापाएकु गा इंजेन प्रभु गा कोनेटे तुनिका हुकूम बान घाटाडुका होय, लेकिन परमेश्वर नी हेजा दया गा रोंगो इंज्के जो ज्ञान जिले होय, डे लिंजेन भारोसा डाए सकतावा होय एठा इनिघल्जी इंज इंजा सलाह जेबा मेना। 26 चोयाकी इनी दिननौर गा दौरान हर जगान विश्वासीकु गा घल्जी मुश्किल चीजो डाऊ लक्के होय, इंजेन लगातिंजुवा होय कि कोरोकु जैसा होय, डेनोगोका थंदळे। 27 अगर आपे ब्याह डाके टासो, मेटे ब्याह का थंदळे। अगर आपे ब्याह दडुका टासो, मेटे ब्याह दडा गा कोशिश बाकी दडा। 28 फिरभी अगर आपे ब्याह दडावा टासो, मेटे येनेन तुनिका पापो बाऊ एठा अगर कुंवारी ब्याह दडावा टासो, मेटे डीच पापो बान दडा। पेनो येनोगो कुरकू के इनी जीवन गेन जरुरी का तक्लिप सेहेसेन बोचोवा। इंकुटे इंज आपे कुरकू के बबाचातिंज चाहतावा मेना। 29 हे विश्वासी डाईचो इंज आपे कुरकू टे इनी मंडीवा मेना, इनी दुनिया गेन आलेगा मेरान जादा टेमो बाऊ होय। नका टे जो ब्याह डाके होय दिकुभी इनी खिजा थंदळके मेनकी ब्याह डाके बाऊ होय। 30 जो जाम्बा होय, दिकु येनोगो थंदळे मेनकी जाम एठा जाम आटीका लक्के होय, जो खुशी ममानातिंज लक्के होय, दिकु येनोगो मनातिंजे मेनकी खुशी बान ममानातिंज लक्के होय। जो मोलाटे सा मिंकू येनोगो होना, कि मेनाकी दिकुगा मेरान चोच्का होय बाऊ। 31 जो इनी दुनिया गा चीजो गा इस्तमाल दडावा होय, दिकु येनोगो डाए मेनकी दिकुगा इस्तमाल बान दडा होय, चोयाकी दुनिया गा आए टेमो रुपो बदलाऊ लक्के होय। 32 इंज चाहतावा मेना कि आपे कुरकू के तुनिका चिंता बाकी डाऊ। जो बिना ब्याह गा होय, डीच प्रभु गा बातोनौर गा चिंता दडावा होय चोयाकी डीच प्रभु के कुखोशो चाहतावा होय। 33 जो ब्याह डाके होय, डीच दुनियादारी बातो गा चिंता दडावा होय चोयाकी डीच हेजा जापाएटे के कुखोशो चाहतावा होय। 34 जो ब्याह डाके होय दिकुके बरी चीजो गा बारेन सोचातिंज बोचोवा होय, कि डीच परमेश्वर के टोनोगो खुशोएच्बा एठा टोनोगो डीच हेजा जापाएटे के खुशोएच्बा। जो जापाए गा ब्याह बान दडुका, एठा डीच कुंवारी का होय, डीच प्रभु गा बातो गा चिंता दडावा होय। दिकु तन एठा मन टे पवित्रऊ गा कोशिश गेन चालुका थंदळवा होय। जो ब्याह डावे होय, डीच दुनियादारी बातो गा चिंता दडावा होय एठा हेजा साना के कुखोशो चाहतावा होय। 35 इंज आपे कुरकू गा भालाई गा घल्जी इनी मंडी लक्के मेना। इंज आपेगा आजादी लिंजेन रोक येंडा बान चाहता। बनकी इनिघल्जी कि जैसा साही होय, ताकी आपे म्या चित्तो टे प्रभु गा सेवा गेन चालुका थंदळे। 36 अगर जेकान का येनोगो लगातिंजुवा होय, कि डीच हेजा गा कोंजाई टे गा ब्याह गा घल्जी टेमो घाई गा द्वारा दियागा सेंग्गोन अन्याय दडा लक्के होय, चोयाकी दियागा उमर चेल्के मेना होय, मेटे डीच डीका डाए जो दियेन अच्छा घाईव्वा होय, डीच दियागा ब्याह डाकी, इनी तुनिका पापो बाऊ। 37 पेनो अगर जेका मन गेन फैसला दडावा होय, कि दियागा कोंजाई टे गा ब्याह बान दडा सही होय एठा ठायका जारूरी बाऊ होय, एठा डीच हेजा इच्छानौर के ध्यानेन डोएबा होय, मेटे डीच दियागा ब्याह बाकी डाटे अच्छा दडावा होय। 38 इनी खिजा जो हेजा गा मंगेतर टे ब्याह दडावा होय, डीच अच्छा दडावा होय जो ब्याह बान दडा, डीच एठाभी अच्छा दडावा होय। 39 जब टाएन तुनिका जापाए गा साना जीटाका होय, डीच मेटे टाएन ब्याह गा संबंध टे टोल्का थंदळवा होय। अगर साना घोयुवा होय, मेटे डीच ब्याह गा संबंध टे आझाद जुवा होय एठा जेगा सेंग्गोन चाहतावा, ब्याह डाए सकतावा होय, पेनो डीच दियागा सेंग्गोन ब्याह डाए जो प्रभु गेन विश्वास दडावा होय। 40 फिरभी अगर डीच डेनोगोका थंदळ टे, मेटे डीच येठाभी धन्य होय। इंजेन लगातिंजुवा होय, कि जब इंज आपेटे इनी मंडीवा मेना, मेटे इंज परमेश्वर गा आत्मा गा द्वारा आपेगा कोरा घाले लक्के मेना। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation