1 ಕೋರಿಂಥ್ 6 - गवली उनाई नियमविश्वासी गेन मुकदमाबाजी 1 अगर आपे तालाटे तुनिका म्याखोम के तुनिका दूसरा विश्वासी गा खिलाफबेन मुकद्दमा दडा टासो, मेटे आपेके दुनिया गा तुनिका अदालत गेन बाकी सेने होना। पेनो आपेन आपेगा मसीह गा मंडली गेन परमेश्वर गा कुरकू टे इकुगा मामला गा फैसला दडा घल्जी मंडी होना, कि आपिंज बार्खिंज तालाटे जे सही होय। 2 आपे खिजा हाडाई होय, कि हेजे मिनी टेमो गेन परमेश्वर गा कुरकू दुनिया गा कुरकू गा न्याय डाएवा। पेनो आपे कुरकू सानी टे सानी झागळा गा भी निर्णय दडा गा लायको बाऊ होय कि जे सही होय। 3 आपे अच्छा खिजा हाडाई होय, कि हेजे मिनी टेमो गेन आले स्वर्गदूतकु गा न्याय डाएवा, इनिघल्जी आले इनी जीवन गा साधारण बातो गा न्याय डाए सकतावा होय। 4 अगर आपे कुरकू गेन साधारण जीवन गा बातो गा बारेन जेका न्याय डाए बान साकता, मेटे आपे चोया येनोगो कुरकू गा न्याय दडा गा घल्जी ककालाम्बा होय, जो मसीह गा मंडली गा नजर गेन न्याय दडा गा लायको बाऊ होय? 5 इंज आपेके सेसेरोम गा घल्जी इनी मंडी लक्के मेना। चोच आपे कुरकू गा तालान म्या भी समझदार कोरो बाऊ होय, जो आपे विश्वासी डाईचो गा तालान न्याय डाए सकतावा होय? 6 येनेगा चोच जरुरत होय, कि म्या विश्वासी डाई दूसरा विश्वासी डाई मठान मुकद्दमा सेंदराए, येटे टाएन कि दुनिया गा अदालत गेन सेने? 7 आए टेमोन पेला दोष मेटे इनी होय, कि आपे इनिज-दियागा लिंजेन मुकद्दमा सेंदराएवा होय। येनेगा बजाय इनी सही डाऊवा कि आपे अन्याय सेहेनजा एठा डी विश्वासी डाईचो गा मठान अदालत गेन तुनिका मुकद्दमा बाकी सेसंद्रा डीचनी आपेगा सेंग्गोन बुरा डाके होय। अगर म्या विश्वासी डाई नी धोकाटे आपेटे चोच्का रुटिये होय, मेटे दियागा सेंग्गोन चोच्का बाकी दडा। 8 पेनो आपे मेटे खुद अन्याय दडावा एठा दूसराकु के तक्लिप जिऊवा होय एठा दिकु सेबाई बुरा कामय आपे आपेगा विश्वासी डाईचो गा सेंग्गोन दडावा होय। 9 आपे अच्छा खिजाटे हाडाई होय, कि अन्याय दडामिठाच कोरो परमेश्वर गा राज्य गा अधिकारी बाने जेका आपेके धोकाटे इनी सोसाचातिंजेन मजबूर कोम बाकी कि आपे, आनोवा डाटे, मूर्तीपुजा डाटे, जापाएकु कुदरती तरीका टे सानाकु गा सेंग्गोन संबंध आरु आराटे जापाएकु गा सेंग्गोन संबंध आरुटे, एठा सानाकु कुदरती तरीका टे जापाएकु गा सेंग्गोन संबंध आरु आराटे सानाकु गा सेंग्गोन संबंध आरुटे, 10 चुरी डाटे, लालीचो आरुटे, सिडू मिठाच टे, आपमानी आरुटे एठा डोके बाज आरुटे एठा इनी खिजा गा सेबाई बुरा कामय डाटे आपे परमेश्वर गा कुरकू गा सेंग्गोन म्याखोम बान आरु साकता होय। 11 आपे कुरकू तालाटे अदा कुरकू येनोगोका बुरा कामय दडा डा। पेनो नका प्रभु यीशु मसीह गा जीमू टे एठा आलेगा परमेश्वर गा आत्मा गा द्वारा आपेके आबुंजकेमी चोखरा एठा धर्मी ठहरातिंजकेमी होय। कोम्बोर एठा आत्मा गेन परमेश्वर गा महिमा 12 आपे मंडी सकतावा होय, “इंजेन सेबाईका दडा गा अनुमति होय” चोयाकी इंज म्या विश्वासी मेना। इंज मंडी सकतावा मेना, “इंजेन सेबाईका दडा गा अनुमति होय,” पेनो इंज तुनिका चीजो गा गुलाम बान आरु। 13 जेका इनी भी मंडी सकतावा होय, “कि आटा लाज गा घल्जी एठा लाज आटा गा घल्जी होय।” पेनो परमेश्वर बार्खिंज गा भी नशो डाएवा। पेनो आलेगा कोम्बोर आनोवा गा घल्जी बाने, पेनो प्रभु गा सेवा दडा गा घल्जी होय एठा प्रभु अंगो गा जरुरत के जेबा मेना होय। 14 परमेश्वर नी डी खिजा प्रभु के मुर्दोकु तालाटे डाबोलटे जीटाकेनेच, डीका खिजा डीच आले कुरकू के भी हेजा शक्तीटे मुर्दोकु तालाटे डाबोलटे जीटाकोम्बा। 15 आपे अच्छा खिजाटे हाडाई होय, कि आपेगा कोम्बोर मसीह गा अंगो होय। मेटे चोच इंज मसीह गा अंगो साटे डीके रांडो गा अंगो आरुकी? बाने बिलकुल बाने! 16 आपे अच्छा खिजाटे इनी भी हाडाई होय, कि डेगा मिलातिंजू रांडो टे डाऊवा होय, डीच दियागा सेंग्गोन म्या कोम्बोर आरुवा हो। चोयाकी पवित्र ग्रंथ मंडीवा होय, “दिकिंज बार्खिंज म्याका कोम्बोर आरुवा।” 17 पेनो डेगा मिलातिंजू प्रभु टे डाऊवा होय, डीच दियागा सेंग्गोन म्या आत्मा आरुवा होय। 18 आनोवा बिलकुल बाकी दडा। चोयाकी तुनिका सपा रुपोटे कोरो के आसार बान दडा, जैसा इनी पापो गा मतलब आनोवा कोम्बोरके आसार डाएवा होय। पेनो आनोवा दडामिठाच कोरो हेजाका अंगो गा खिलाफ पापो दडावा होय। 19 आपे अच्छा खिजाटे हाडाई होय, कि आपेगा कोम्बोर पवित्र आत्मा गा मंदिर होय। एठा डीच आपेके परमेश्वर टे हासिलजे होय एठा परमेश्वर आपेन नी थंदळवा होय। एठा आपेन आपेगा कोम्बोर गा मठान तुनिका हाक बाऊ होय। 20 चोयाकी आपेके मसीह यीशु नी हेजा जीवन जीटे मोलाटे सावे होय। ताकी आपे कुरकू आपेका कोम्बोर टे परमेश्वर गा महिमा ओड डाए। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation