1 ಕೋರಿಂಥ್ 2 - गवली उनाई नियमपौलुस गा मकसद गा घोषणा 1 हे विश्वासी डाईचो, जब इंज्नी आपेके परमेश्वर गा बारेन खाबोर घल्के, मेटे इंज्नी खापेट-खापेट शब्दनौर गा इस्तमाल बान दडुका, एठा इंज्नी आपेगा नजर गेन जादा समझदार आरु गा भी कोशिश भी बान दडुका। 2 इंज्नी इनी पक्काके डा, कि आपे कुरकू गा तालान इंज सिर्फ यीशु मसीह एठा क्रूस लिंजेन दियागा गुजू गा बारेन मांडे। 3 आए टेमो गेन इंज आपे कुरकू गा तालान थंदळ टेमो लोकोम, भेबाव हिगरा मिठाच एठा कपातिंजू मिठाच डा। 4 इंजा शिक्षा एठा इंजा प्रचार कोरोकु गा ज्ञान गा अच्छा शब्दोनौर गा सेंग्गोन बान डा, पेनो पवित्र आत्मा नी आपेके म्या शक्तीशाली तरीका टे घाल्ले कि जो शिक्षा इंज्नी आपेके घाल्के डी सच्चो डा। 5 इनिघल्जी कि आपेगा विश्वास कोरोकु गा ज्ञान लिंजेन बाने, पेनो परमेश्वर गा शक्ती लिंजेन निर्भर डायु। आत्मिक ज्ञान 6 दिकु कुरकू गा ताला, जो मजबूत जे होय, आलेभी ज्ञान गा बातो दडावा होय। इनी ज्ञान न मेटे इनी दुनिया गा होय एठा न इनी दुनिया गा हाकिमकु के होय, जो नाशोऊ मिंकू होय। 7 आले परमेश्वर गा डी रहस्यमय ज्ञान एठा मकसद गा बातो दडावा होय, जो आए टाएन उखुके मेना डा। येनेटे पेला कि परमेश्वर नी पृथ्वी आरुके, डीचनी पेलाटेका निर्णय सावे डा, कि दियागा ज्ञान आलेके महिमा जे चालेवा। 8 एठा जो ज्ञान के इनी दुनिया गा हाकिमकु तालाटे जेकाभी नी बान हाडाई डुका। अगर डी कुरकू डीके हाडाई, मेटे महिमा टे भेट्टिके प्रभु के क्रूस लिंजेन बान पेळेजडुका। 9 पेनो आले डी बातोनौर गा बारेन मंडीवा होय, डेगा बारेन पवित्र ग्रंथ इनी मंडीवा होय, “परमेश्वर नी हेजा प्यार दडा भक्तोकु गा घल्जी जो तैयार डाके होय, डीचके जेकानी भी चोलाका बान दोडुका, एठा न जेकानी आजुम्के, एठा न जेका दियागा सोच का डाके मेना।” 10 पेनो परमेश्वर नी इनी बातो के आले लिंजेन मतलब परमेश्वर गा कलामके मिठाच चेला लिंजेन अमागा पवित्र आत्मा गा द्वारा ओटके मेना। चोयाकी पवित्र आत्मा टे चोच्काभी उखुडुका बाने होय, डीच हार बातो के चिचानावा होय, येटे टाएन कि परमेश्वर गा मकसदनौर के भी, डेगा आए टाएन कोरोकुन मालूम बाऊ होय। 11 कोरोकु तालानजे तुनिका कोरो गा बातो हाडाई होय, बस कोरोकु गा आत्मा जो दियेन होय? डेनोगोका परमेश्वर गा बातो भी जेका बान हाडाई, बस परमेश्वर गा आत्मा। 12 परमेश्वर नी आलेके पवित्र आत्मा जिले होय, इनिघल्जी आले दुनिया गा कुरकू गा खिजा बान सोचातिंज एठा न समझातिंजुवा होय। पेनो आले डी बातो के सोचातिंज्बा एठा समझातिंजेवा होय, जो परमेश्वर नी आलेके फुकोटोन जिले होय। 13 आले जो परमेश्वर गा कलामके मिठाच चेला इनी बातो गा ससामझातिंज टेमो कोरोकु गा दिमाग गा शब्दनौर गा इस्तमाल बान दडुका, बनकी पवित्र आत्मा द्वारा इथूके मिनी शब्दनौर गा इस्तमाल डाके। इनी खिजा आलेनी आत्मिक बातो गा ससामझातिंजा गा घल्जी, आत्मिक शब्दनौर गा इस्तमाल डाके। 14 पेनो कोरो परमेश्वर गा आत्मा गा शिक्षा मनेन बाने। दिकु डीके बेदिमाग मनातिंजेवा एठा डीके समझातिंजू बाने होय, चोयाकी पवित्र आत्मा गा मदत टेका, डी शिक्षा के सामझातिंजे सकतावा होय। 15 दिकु कुरकू दिकुनी पवित्र आत्मा घाटाएन होय, दिकु डी सेबाई शिक्षानौर के समझातिंजेवा होय जो पवित्र आत्मा इथूवा होय। पेनो जो कुरकू गा मेरान पवित्र आत्मा बाऊ होय, दिकु डी कुरकू गा बिचारनौर के बान समझातिंज सकतावा दिकुगा मेरान पवित्र आत्मा होय। 16 इनी सच्चो होय चोयाकी जैसा कि पवित्र ग्रंथ गेन मंडीके मेना होय, “जेकाभी प्रभु गा मन के चिनाटे आलेके चोच्काभी इथू बान साकता, चोयाकी जेका चिनाये का बान साकता कि प्रभु गा मन गेन चोच होय।” पेनो आले जो मसीह यीशु लिंजेन विश्वास दडावा होय, आलेका समझातिंजुवा होय कि मसीह गा मन गेन चोच होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation