1 ಕೋರಿಂಥ್ 16 - गवली उनाई नियमयरूशलेम गा मसीह गा मंडली गा घल्जी दान ( 16:1-4 ) 1 यरूशलेम शहर गेन परमेश्वर गा कुरकू गा घल्जी, जो दान गोलाए लक्के होय, डेगा बारेन आपे कुरकू डी शिक्षा गा पालन डाए, डीके इंज्नी गलातिया जिल्हा गा मसीह गा मंडली के घल्के डा। 2 आपे तालाटे हरेक कोरो हर इतुवार के हेजा गा कामय डामा गा रोंगो चोच्का अलग्गोकी आपना येनेन सजाका डोए। इनी खिजा इंजा आदिरु गा बादोन का दान गोगला गा जरुरत बान डाऊ। 3 डाबोलटे, जब इंज देटेन थंदळवा, मेटे इंज डी कुरकू के कुल्कुवा, दिकुके आपेनी भरोसामंद कोरोकु गा रुपोन कलामकेकु डा कि दिकु डामाके यरूशलेम शहर गेन साटे सेने। एठा इंज दिकुगा सेंग्गोन म्या पत्र भी कुलकीवा, कि डेगा विश्वासीकु टे दिकुगा परिचय डाकी होना। 4 अगर आपेन लगातिंजुवा होय कि इंजा सेने अच्छा होय, मेटे दिकु इंजा सेंग्गोन सेंदरावा। व्यक्तिगत विषय एठा उपसंहार ( 16:5-12 ) 5 इंज मकिदुनिया जिल्हा गा यात्रा स्याटे, आपे कुरकू गा येनेन हेजेवा, चोयाकी इंज मकिदुनिया जिल्हान सेने मिठाच मेना। 6 डाऊ सकतावा होय, कि इंज आपेगा सेंग्गोन पूरा रराम गा मोसम गेन थंदळकु। एठा डाबोलटे तोटेन काभी इंज सेनेवा, आपे इंज्के इंजा यात्रा लिंजेन कुल्कोम सकतावा होय। 7 अगर इनी परमेश्वर गा इच्छा टासो मेटे इंज आए सिर्फ म्या सानी मुलाखात गा घल्जी रुकातिंजू गा बजाय बादोन लम्बा टेमो टाएन थंदळ गा घल्जी हेजेवा। 8 पेनो इंज पिन्तेकुस्त गा तिवार टाएन इफिसुस शहर गेन थंदळवा। 9 चोयाकी आए भी येटे जगान घोनेचटेका कुरकू होय, जो परमेश्वर गा वचन आजोम चाहतावा होय, एठा इंजा येटेन थंदळ घोनेच उपयोगी होय। हालाकी घोनेचका कुरकू होय, जो इंजा खिलाफ दडावा होय। 10 जब डाई तीमुथियुस आपेगा मेरान कुरिन्थुस शहर गेन हेजेवा, मेटे येनेगा ध्यान डोकीका, एठा दियागा आपेगा तालान स्वागत डाकी, चोयाकी डीच इंजा खिजा प्रभु गा कामय गेन चालुका थंदळवा होय। 11 इनिघल्जी जेकाभी डीचके बेकार मेंटो बाकी चिचाना, आपे कुरकू इंजा मेरान दियागा शांती टे हिरा गा यात्रा गा सोए डाए, चोयाकी इंज डाईचो गा सेंग्गोन दिकुके तथाराव लक्के मेना। 12 आलेगा सोप्ती डाई अपुल्लोस गा बारेन इंजेन इनी मंडी होना होय, कि इंज्नी दिकुटे भेबाव बिनती डाके, कि दिकु डाईचो गा सेंग्गोन आपेगा येटेन सेने, पेनो डीच आए एकदम सेने बान चाहता। सही टेमो डाऊ लिंजेन डीच हेजेवा। आखरी हुकूम 13 आपे कुरकू ध्यान टे थंदळे, विश्वासेन पक्का थंदळे एठा हिम्मत कोरो आरोए, एठा विश्वास गेन मजबूत आरोए। 14 आपे जो चोच्काभी दडावा होय डीच प्यार टे डाए। 15 हे विश्वासी डाईचो, आपे स्तिफनास एठा दियागा खटला के हाडाई होय, कि दिकु अखाया जिल्हा गा पेला डा, जो मसीह गेन विश्वासी आरोए, एठा परमेश्वर गा कुरकू मदत दडा गा घल्जी तैयार थंदळवा होय। 16 इनिघल्जी इंज आपेटे बिनती दडावा मेना, कि येनोगो कुरकू गा हुकूम गा पालन डाए। जो भेबाव मेहनत दडावा होय एठा जो इनी खिजा गा सच्चो भक्ति गा सेंग्गोन सेवा दडावा होय। 17 एठा इंज स्तिफनास एठा फूरतूनातुस एठा अखइकुस गा हेजे टे खुशोके मेना, चोयाकी दिकु इंजागा मदत दडा लक्के होय, कि जो आपे येटेन बान थंदळ गा वोजीटे बान दडा लक्के डा। 18 एठा दिकुनी इंजा मन के मजबूतके सही डेनोगोका, जैसा डीच आपेगा घल्जी भी डाएवा, जब डीच आपेगा मेरान डाबोलटे हेजेवा, इनिघल्जी आपे येनोगोका गा आदर डाए। आखरी नमस्कार 19 आसिया जिल्हा गा मसीह गा मंडलीनौर गा विश्वासी कुरकू आपे कुरकू के नमस्कार मंडीवा होय। अक्विला एठा दियागा जापाएटे प्रिस्किल्ला एठा डी मसीह गा मंडली जो दिकुगा उरान गोलाऊवा होय, दिकु कुरकू के प्रभु गेन हार्दिक नमस्कार मंडीवा होय। 20 येनेगा सेबाई विश्वासी डाईचो आपेके नमस्कार दडावा होय, आपे भी आपे-आपेन का चोखरा चुम्मा टे नमस्कार डाए। 21 इंज, पौलुस इनी नमस्कार इंजा टी टे ओल लक्के मेना। 22 अगर जेका प्रभु टे प्यार बान दोडो, मेटे डीच श्रापोके होय। हे आलेगा प्रभु, हेजे। 23 इंज प्रार्थना दडावा मेना, कि आलेगा प्रभु यीशु मसीह गा कृपा आपे लिंजेन डाऊ चाले। 24 इंज आपे सेबाईकु टे प्यार दडावा मेना, जो मसीह यीशु गा सेंग्गोन मेरा गा संबंध दोडोवा होय। आमीन। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation