1 ಕೋರಿಂಥ್ 14 - गवली उनाई नियमअलग्गो भाषानौर एठा भविष्यवाणी 1 आपे इनिज-दियाटे प्यार दडा गा कोशिश दडाका लक्के। आपे आत्मिक वरदाननौर गा इच्छा दडा होना। पेनो कास मेंटो भविष्यवाणी गा वरदान गा इच्छा डाए चाले। 2 चोयाकी जो अलग्गो भाषा गेन मंडीवा होय, डीच कोरोकु टे बाने, बनकी परमेश्वर टे मंडीवा होय। जेकाभी डीके बान समझातिंजू चोयाकी डीच पवित्र आत्मा गा शक्तीगा द्वारा उखु बातो के मंडीवा होय। 3 पेनो जो भविष्यवाणी दडावा होय, डीच विश्वासीकु के मजबूत दडा, बबाळातिंज एठा तसल्ली जिऊ गा बातो मंडीवा होय! 4 जो अलग्गो भाषा गेन बातोवा होय, डीच हेजा विश्वास के मजबूत डाएवा होय। पेनो जो भविष्यवाणी दडावा होय, डीच मसीह गा मंडली गा सेबाई विश्वासीकु गा विश्वास के मजबूत देवा होय। 5 इंज चाहतावा मेना, कि आपे सेबाईकु अलग्गो भाषानौर गेन बातो मंडे, पेनो देटे येठाभी इंज चाहतावा मेना कि आपे भविष्यवाणी डाए। चोयाकी अगर अलग्गो भाषा मंडीमिठाच कोरो इनी बातो गा अर्थ बान घागल होय, कि डीच मसीह गा मंडली गेन विश्वासीकु गा विश्वास के मजबूत दडा गा घल्जी चोच चाहतावा होय, मेटे जो कोरो भविष्यवाणी दडावा होय डीच येठाभी महत्वपूर्ण कामय दडावा होय। अलग्गो भाषा गा अर्थ घाल्की होना 6 इनिघल्जी हे विश्वासी डाईचो, अगर इंज आपेगा मेरान हेजेवा डो अलग्गो भाषा गेन बातोए टासो, मेटे इंजाटे आपेन चोच फायदा डाऊवा? लेकिन अगर इंज आपेगा घल्जी चोच्का उखु बातो, चोच्का कास ज्ञान सेगे या भविष्यवाणी या शिक्षा जे, डी आपेगा घल्जी उपयोगी डाऊवा। 7 इनिका खिजा जब आपे पावी एठा विणा के ससाडीवा होय, अगर आपे धुन सही टे बान ससाडी होय, मेटे डाबोलटे दूसरा टोनोगो चिनाएवा कि डी पावी होय या विणा? एठा जेका के पता भी बान घाऊ कि डी चोच धुन ससाडी लक्के होय। 8 युध्द गेन, अगर लम्बा पिंगी गा आवाज सपा बान आजुमू होय, मेटे सैनिक लडाई लडातिंजू गा घल्जी तैयार बान साकता होय। 9 डीका खिजा जब आपे येनोगो भाषा मंडीवा होय, जो कुरकू समझातिंजे बान साकता, मेटे इनी कोयो गेन मंडी खिजा होय। 10 इनी दुनिया गेन घोनेच सेबाई अलग्गो-अलग्गो भाषानौर होय एठा हर भाषा गा अर्थ थंदळवा होय। 11 लेकिन अगर आले डी भाषा के बान समझातिंजू होय जो दूसराकु मंडी लक्के होय, मेटे इनी येनोगो डाऊवा मेनकी दिकु आलेगा घल्जी विदेशी होय, एठा आले दिकुगा घल्जी विदेशी थंदळवा। 12 आपे कुरकू पवित्र आत्मा द्वारा जीकेमिनी वरदाननौर गा घल्जी आरीके होय, इनिघल्जी आपे डी वरदाननौर गा इच्छा डाए, जो मसीह गा मंडली गेन विश्वासीकु गा विश्वास के मजबूत डाए। 13 इनिघल्जी जो अलग्गो भाषा मंडी टासो, मेटे डीच इनी प्रार्थना डाए, कि डीचनी जो मंडीके डेगा अर्थ खुद समझातिंज्की होना। 14 अगर इंज अलग्गो भाषा गेन प्रार्थना दडा लक्के मेना, मेटे इंज आत्मा गेन प्रार्थना दडावा मेना, लेकिन डेगा इंजा मन गा घल्जी तुनिका फायदा बाऊ होय, चोयाकी जो इंज मंडी लक्के मेना, डीके समझातिंजे बान साकता। 15 इंज आत्मा गेन प्रार्थना दडा चाहतावा मेना, पेनो इंज इनी भी चाहतावा मेना कि दूसरा कुरकू इनी समझातिंजे कि इंज चोच मंडी लक्के मेना। एठा जब इंज सिरिंजबा मेना, मेटे इंज चाहतावा मेना कि इंजा सिरिंज पवित्र आत्मा टे अगुवाई डायु, लेकिन इनी भी जरुरी होय, कि इंज जो गना लक्के मेना डी दूसराकु गा द्वारा समझातिंज्की। 16 मनातिंजे कि जेका साधारण कोरो आपेगा आराधना गेन होय, जब आपे आत्मा टे परमेश्वर गा स्तुति दडा लक्के होय। अगर डीच आपेगा बातो के बान समझातिंजे टासो, मेटे आपेगा परमेश्वर के धन्यवाद जिऊ गा बादोन, दियेन टोनोगो पता घाईवा कि आमीन चोला मंडे? चोयाकी डीच इनी भी बान हाडाई, कि आपे चोच मंडी लक्के होय? 17 परमेश्वर गा घल्जी आमगा धन्यवाद घोनेच अच्छा डाऊ सकतावा होय, लेकिन येनेटे दूसराकु के दिकुगा विश्वास गेन मजबूती बान घाटाऊ। 18 इंज इंजागा परमेश्वर गा धन्यवाद दडावा मेना, कि इंज आपे सेबाईकु गा तुल्न गेन येठाभी अलग्गो भाषा गेन मंडीवा मेना। 19 लेकिन येनेगा बावजूद, अगर इंज विश्वासीकु गा म्या सभा गेनके मेना, मेटे इंज अलग्गो भाषा बान मंडी, चोयाकी अलग्गो भाषा गेन गेल हजार शब्द जो समझातिंजे बान साकता, मेटे दिकुके मंडी अच्छा होय, कि इंज दूसराकु के शिक्षा जिऊ गा घल्जी मसीह गा मंडली सभा गेन इंजा दिमाग टे मोनाई शब्द मंडे जो समझातिंजे सकतावा होय। अलग्गो भाषा अविश्वासीकु गा घल्जी चिन्हा 20 हे विश्वासी डाईचो, सोच-बिचार गेन सनी बाकी आरु। जब बुराई गा बातो हेजेवा होय, मेटे सनीकु गा रुपोन निर्दोष आरोए, लेकिन इनी खिजा गा मामलानौर के समझातिंजून परिपक्का एठा सयाना आरोए। 21 पवित्र ग्रंथ गेन ओल्के होय, “प्रभु मंडीवा होय”, “इंज अलग्गो भाषा मंडीमिंकू गा द्वारा, एठा बल्ला मिंकू चाभु गा द्वारा, इनी कुरकू टे बातो डाएवा मेटे भी दिकु इंजा बान आजोम।” 22 येनेटे सपा होय कि अलग्गो भाषानौर विश्वासीकु गा घल्जी बाने, बनकी अविश्वासीकु गा घल्जी चिन्हा होय एठा भविष्यवाणी अविश्वासीकु गा घल्जी बाने बनकी विश्वासीकु गा घल्जी चिन्हा होय। 23 मेटे अगर मसीह गा मंडली म्या जगह गोलायु, एठा सेबाईकु गा सेबाईकु अलग्गो भाषा मंडी, एठा मेटे आपेगा तालान अविश्वासी कुरकू होय जो इनी भाषानौर बान समझातिंजू, दिकु जरुर सोचातिंजेवा कि आपे पागल होय। 24 पेनो अगर सेबाई भविष्यवाणी डाए एठा तुनिका अविश्वासी कोरो आपेगा तालान हेन टासो, मेटे डीच दिकुगा बातो टे आसारटे खुदके पापी समझातिंजेवा एठा खुद गा मन गा चिचाना डाएवा। 25 डीच डी बातो गा वोजीटे दियागा दिल गा उखु बातो ओटजुबा। डीच म्वार इटान टे बोचोटे परमेश्वर गा आराधना डाएवा एठा इनी मनेन नेवा कि परमेश्वर सच्चोका आपे कुरकू गा तालान के होय। मसीह सभा गा घल्जी नियम 26 हे इंजा विश्वासी डाईचो, आजुमे कि इनी कामयनौर टोनोगो दडा होना मेना जब आपे आराधना दडा गा घल्जी म्यागुवा होय, मेटे आपे तालाटे जेका मेटे सिरिंज घालेवा होय, जेका शिक्षा जेबा होय, जेका प्रभु गा द्वारा जीकेमिनी उखु बातो घालेवा होय, एठा जेका अलग्गो भाषा गेन बातो दडावा एठा जेका डेगा अनुवाद दडावा होय। पेनो इनी सेबाई बातो गा मकसद मसीह गा मंडली के विश्वास गेन मजबूत आरु गा घल्जी मदद डाकी होना। 27 देटे टाएन अलग्गो भाषानौर गेन मंडी गा प्रश्न होय, मेटे बाएरा या येठाभी टे येठाभी आफाई कोरोकु बरी - बरी टे अलग्गो भाषा मंडे एठा कोरो डी बातो गा अर्थ घाले। 28 अगर जेका मतलब घागल मिठाच बाने मेना, मेटे अलग्गो भाषा गेन मंडीमिठाच मसीह गा मंडली गेन कायोमका थंदळे। डीच हेजा मन गेन परमेश्वर गा सेंग्गोन कायोम टेका बातो डाए। 29 परमेश्वर गा कोनेटे मंडीमिंकू तालाटे बार्खिंज या आफाई कोरोकु का मंडीके, एठा दूसरा कुरकू गा घल्जी इनी जरुरी होय, कि हर जेका आजुमे एठा सोचातिंजे एठा चिनाकु कि चोच जो बातो तुंगान का चेल्के होय, डीच सही होय या बाने। 30 लेकिन अगर मसीह गा सभा गेन सुबने तुनिका दूसरा कोरो के परमेश्वर टे तुनिका दूसरा खाबोर घाटाऊवा होय, मेटे जो मंडी लक्के होय दियेन रुकातिंजू होना एठा दूसरा कोरो के मंडी डाए होना। 31 आपे सेबाईकु परमेश्वर गा खाबोर गा प्रचार डाए साकता होय, लेकिन म्या गा बादोन म्या, ताकी हर जेका इठोए एठा बळातिंजू। 32 परमेश्वर गा कोनेटे मंडीमिंकू के इकुगा वरदान के ककाबु होना। 33 चोयाकी परमेश्वर गळबोळ गा बाने, बनकी शांती गा परमेश्वर होय। इनिका नियम परमेश्वर गा कुरकू गा हर मसीह गा मंडलीनौर गेन पालन डाएवा मेना होय। 34 आपेगा मसीह गा मंडलीनौर गेन जापाएकु कायोम थंदळे। दिकुके इनी खिजा मंडी गा राजी बान जिऊ होय। पेनो दिकुके हात टाल्लेन थंदळ गा हुकूम होय, जैसा कि पवित्र ग्रंथ भी मंडीवा होय। 35 अगर दिकु तुनिका बातो गा जानकारी हासिल दडा चाहतावा होय, मेटे दिकु उरा गेन हेजा सनाकु टे कोम्बाराके। मसीह गा मंडली गेन मंडी जापाए गा घल्जी सही बाऊ होय। 36 येनोगो चोया होय, कि आपे तालाटे अदा कुरकू घाल्के मिनी इनी नियम गा पालन बान दडा चाहतावा होय? चोच आपेन लगातिंजुवा होय, कि आपे पेला होय, म्याका चिन्ह दिकुके परमेश्वर गा वचन जीके मेना डा? 37 अगर जेका समझातिंजेवा होय, कि डीच भविष्यवाणी या अलग्गो आत्मिक वरदाननौर टे भेट्टिके मेना होय, मेटे डीच इनी अच्छा खिजा चिनाया, कि इंज जो चोच्का आपे कुरकू के ओल लक्के मेना, डी प्रभु गा हुकूम होय। 38 जो जेकाभी मंडीके मिनी बातो लिंजेन ध्यान बान जिऊ, मेटे आपे भी दिया लिंजेन ध्यान बाकी जिऊ। 39 इनिघल्जी हे इंजा विश्वासी डाईचो, भविष्यवाणी दडा गा इच्छा दडा होना, एठा अलग्गो भाषा मंडीटे मना बाकी दडा। 40 पेनो जो चोच्काभी आपे मसीह गा मंडली गेन दडावा होय, सेबाई चोच्का सही एठा अच्छा खिजाटे डाकी होना। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation