1 ಕೋರಿಂಥ್ 12 - गवली उनाई नियमपवित्र आत्मा गा वरदान 1 हे विश्वासी डाईचो, नका इंज डी सवाल गा बारेन घालेवा मेना, जो आपेनी पवित्र आत्मा गा वरदाननौर गा बारेन कोकम्बारावा होय। इंज चाहतावा मेना कि आपे दियागा बारेन अच्छा खिजाटे समझातिंजे। 2 आपे हाडाई होय, कि आपे विश्वासी आरुटे पेला टोनोगो जीवन बिबातातिंज डा। आपे डी गुं गा मूर्तिनौर गा आराधना दडा गा घल्जी चोटोका बातो गा द्वारा आसर डाएन डा। 3 इनिघल्जी इंज चाहतावा मेना कि आपे चिनाए, कि जो जेका परमेश्वर गा आत्मा गा अगुवाई टे मंडीवा होय, डीच बान मंडी कि यीशु श्रापोके होय। एठा पवित्र आत्मा का होय, जो जेकाकेभी मंडी गा घल्जी लायको डाए सकतावा होय कि, “यीशु प्रभु होय”। 4 परमेश्वर आलेके दियागा कामय दडा गा घल्जी चोटोका खिजा गा वरदान जेबा होय, आले तालाटे हरेक के अलग्गो-अलग्गो वरदान घाटाऊवा होय। लेकिन डी सेबाई वरदान सिर्फ पवित्र आत्मा गा द्वारा घाटाऊवा होय। 5 आले प्रभु गा सेवा गा घल्जी अलग्गो-अलग्गो खिजा गा कामय दडावा होय, लेकिन आले सेबाईकु म्याका प्रभु गा सेवा दडावा होय। 6 एठा आसरदार कामय भी चोटोका रेंग्गो गा होय, पेनो डीका परमेश्वर, जो सेबाई कुरकू गेन दिकुगा आसर ओडेवा मेना होय। 7 हरेक कोरो के सेबाई विश्वासीकु गा भला गा घल्जी आत्मा गा उजाला घाटाऊवा होय। 8 परमेश्वर गा आत्मा म्या कोरो के येनोगो खाबोर मंडी गा वरदान जिऊवा होय, जो खाबोर दिमाग टे भेट्टिके मिनी होय, एठा डीका आत्मा तुनिका दूसरा कोरो के येनोगो खाबोर मंडी गा वरदान जिऊवा जो खाबोर ज्ञान टे भेट्टिके मेना होय। 9 एठा डीका आत्मा म्या कोरो के मसीह गेन घोनेच विश्वास दडा गा वरदान जिऊवा होय, एठा दूसराकु के बिमार कुरकू के साही दडा गा वरदान जिऊवा होय। 10 एठा डीका आत्मा म्या कोरो के अचम्बो कामय दडा गा शक्ती जेबा होय, एठा दूसराके परमेश्वर गा खाबोर मंडी गा वरदान जेबा होय, एठा तुनिका आफाई के इनी वरदान जेबा होय कि डीच पवित्र आत्मा एठा भूतोकु गा वरदाननौर गा तालान फरक घल्की होना। एठा तुनिका कोरो के डीच अलग्गो बातो दडा गा वरदान जेबा होय, जो भाषा गेन डीचनी पळाई बान दडुका होय, एठा तुनिका एठा कोरो के इनी भाषानौर गा मतलब घागल गा वरदान जेबा होय, जो भाषा गा डीचनी पळाई बान दडुका। 11 पेनो इनी सेबाई वरदान म्याका आत्मा गा कामय होय। डीच हरेक विश्वासी के वरदान जेबा होय, जैसा डीच जिऊ चाहतावा होय। कोम्बोर म्या एठा अंगो चोटोका 12 कोरो गा कोम्बोर म्या होय, पेनो दियागा अंगो घोनेच थंदळवा होय। एठा सेबाई अंगो अलग्गो थंदळ टे भी, म्याका कोम्बोर आरुवा होय। मसीह गा बारेन भी इनिका बातो होय। 13 आले यहूदी कुरकू होय या यूनानी कुरकू होय, भाग्य होय या आझाद होय, आले सेबाईकु नी म्याका आत्मा गा बपतिस्मा साटे म्याका कोम्बोर आरोएन मेना होय। आले सेबाईकु नी डीका आत्मा घाटाएन होय, जो खिजाटे आले सेबाईकु म्याका कटोरी तालाटे नुनूवा होय। 14 आलेगा कोम्बोर गेन भी म्या बाने, बनकी घोनेच अंगो होय। 15 मनातिंजे अगर नंगा मांडे, “इंज टी बाने मेना, इनिघल्जी कोम्बोर गा अंगो बाने मेना”, मेटे चोच डी इनी वोजीटे कोम्बोर गा अंगो बाने मेना? 16 एठा अगर लुटूर मांडे, “इंज मेट बाने मेना, इनिघल्जी कोम्बोर गा अंगो बाने मेना”, मेटे चोच डी इनी वोजीटे कोम्बोर गा अंगो बाने होय? 17 अगर पूरा कोम्बोर मेट का धारे, मेटे डीच टोनोगो आजुमे साकतावा? अगर पूरा कोम्बोर लुटूर का धारे, मेटे डीच टोनोगो सुकींज साकतावा? 18 पेनो सच्चोका परमेश्वर नी हेजा इच्छा रोंगो आलेगा कोम्बोर गा अंगो के कोम्बोर गेन दिकुगा जगा जीके होय। 19 अगर म्याका अंगो होय, मेटे तुनिका कोम्बोर बाऊ थंदळ। 20 इनिघल्जी, भलाका कोम्बोर गा चोटोका अंगो होय, फिरभी म्याका कोम्बोर होय। 21 मेट टी टे बान मंडी साकता, “इंजेन आपेगा जरुरत बाऊ”, एठा कापार नंगा टे बान मंडी साकता, “इंजेन आपेगा जरुरत बाऊ।” 22 पेनो येनेगा बेदला, कोम्बोर गा जो अंगो सेबाई टे कमजोर समझातिंजुवा होय, डी येठाभी जरुरी डाऊवा होय। 23 कोम्बोर गा जो अंगोनौर के आले कम आदर गा लायको समझातिंजेवा होय, डेगा येठाभी आदर दडावा होय एठा हेजा सोबा बान अंगोनौर गा सेरोम गा येठाभी ध्यान दोडोवा होय। 24 आलेगा सोबामिनी अंगोनौर के आले येनेगा जरुरत बान डाऊ। मेटे, जो अंगो कम आदर घाटाएवा होय, परमेश्वर नी डीके येठाभी आदर जिऊ लठ्ठाका कोम्बोरके आरुके होय। 25 इनी इनिघल्जी डाएन कि कोम्बोर गेन भागोऊ ओटजू बाकी होना, बनकी दियागा सेबाई अंगो इनिज-दियागा ध्यान डोए। 26 इनिघल्जी अगर कोम्बोर गा तुनिका म्या अंगो कासु घाटाएवा होय, मेटे दियागा सेंग्गोन कोम्बोर गा दूसरा सेबाई अंगो कासुगुवा होय। अगर तुनिका म्या अंगो गा मन बळातिंजुवा होय मेटे सेबाई अंगो खुशोऊवा होय। 27 इनी खिजा आपे सबाईकु बेल्लाटे मसीह गा कोम्बोर होय आपे तालाटे हरेक दियागा अंगो होय। 28 परमेश्वर नी मसीह गा मंडली गेन अलग्गो-अलग्गो कोरोकु के कलामकेकु होय। पेला कलामके मिंकू चेलाकूके, दूसरा परमेश्वर गा कोनेटे मंडीमिंकू के, आफाई गुरूजीकु के एठा अचम्बो कामय दडामिंकू के, एठा डाबोलटे डी कोरोकु के, दिकुके ससाजा गा वरदान घाटाएन होय, एठा उपकार दडामिंकू के, प्रधानकु के एठा अलग्गो-अलग्गो भाषानौर गेन मंडीमिंकू के। 29 सेबाई कलामके मिंकू चेलाकू बाने होय, सेबाई परमेश्वर गा कोनेटे मंडीमिंकू बाने होय, सेबाई गुरूजीकु बाने होय एठा सेबाई अचम्बो कामय दडामिंकू बाने होय। 30 एठा सेबाईकु गा मेरान ससाजा गा वरदान बाऊ होय। एठा सेबाई अलग्गो-अलग्गो भाषा गेन बान मंडी साकता। 31 एठा सेबाई भाषा गा अनुवाद बान डाए साकता, मेटे आपेके ईमानदारी टे सेबाईकु टे उपयोगी वरदाननौर गा इच्छा दडा होना। लेकिन नका इंज आपेके सेबाईकु टे अच्छा कोरा घालेवा मेना। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation