Bìoball air-loidhne

1 Kolɛtɩ‑dunyʋä 4 - GOD - u2

Kwlienyɔ ‑gänʋnyɔ kɔ lä ɔ yëku ‑dʋdʋkʋ

¹ Naa, a wlu‑anyɩ nynä Klisöö' ‑gänʋnyʋää' lʋä Laagɔ nyɛɛ‑ lä ‑tëbhu nynä ‑mä, wa pana nyɩkpa ʋʋ' ‑nʋawlɛɛ ‑zizio lä kʋ nä.

² Nyɩkpɔɔ' lɔɔ wa nyɛɛ‑ lä lebhee' ‑tëbhu nä, dä wa tänönöɔ lä nä, ‑lɔɔ plöö‑ lä nynä ‑mä, lebhee wa nyɩɔ‑ lä nä, ɔ ‑nʋɛ 'nää.

³ ‑Amʋ nä, sa yi bhä 'flɛ 'naa ‑za bhobho oo, ɩɩ' sonö'ö ‑wʋ sä. Nyɩkpa yi 'sää 'titi 'naa ‑jlë sä 'ŋʋ, ɩɩ' sonö'ö ‑wʋ sä. 'Nɩ nn' soo ‑wʋ 'sɩɩ n yëku wälɩklë.

⁴ 'Naa bhobhowluu 'mnö nä, wälɩklü‑nyënyëë' laa n ‑nʋ lä nä, n 'nöa ‑wʋ ‑yi. ‑Mä ɩɩ' ‑wʋ 'sɩɩ plöö‑ nynä ‑mä wälɩklë nö'ö ‑wʋ yëku ‑kʋ. ‑Ɔ yi lä 'naa wälɩɩ ‑döö nä, ɔmɔɔ‑ plöö‑ lä Kwlienyɔɔ.

⁵ Naa, aa' ‑döö lä nyɩkpɔɔ' wälɩɩ ‑mä, a ‑bɛɛ Kwlienyɔɔ' yi‑tänyɩɛ. Nʋnʋgbɩɩ 'fɩɩn‑ zizio lä 'cucuu 'mnö nä, ɔmɔɔ‑ 'gä lä gbä ‑yä ɩ 'kä 'yi nio. 'Nɩ saa 'fɩɩn nyɩkpɔ nyɩkpɔ ŋʋʋ‑ lä pleyii nä, Kwlienyɔɔ 'mɔɔ‑ 'gä lä 'sɩɩ gbä ‑yä sɔɔ 'kä yibhënöɔ. Ɩyä ‑lɩɩ 'fɩɩn nyɩkpɔ nyɩkpɔ ‑nʋ lä nä, Kwlienyɔɔ kɔ ɩɩ' ‑za ‑kpacɛ klä.

'Kwlɩ yi Klisöö' lobho lobhonyɔ bhɩä

⁶ Bhelie ‑yä bhɛŋwnɩänyɩ‑, wälɩɩ n ‑sonö'anyɩ lä nä, Apolɔsʋ 'nɩ ‑amʋ nä, kä n 'bhlünö‑anyɩ lä panalɩɩ' 'kʋ ‑yä, a 'ka ‑anyɩa 'sëploo 'kʋ 'bhlüü. Aa' kä ‑kä täkpɔ. Aa' kä ‑kä 'mʋ doo. Ɩyä aa' kä ‑kä 'sɩɩ nyɩkpaa' gbäzö.

⁷ 'Klë ‑sä yi bhä 'ŋnö kää 'nɩ nyɩkpɔ yi bhä ci nynä ‑mä kɔ zi ɔ ‑liee? ‑Lʋʋ n täkpɔ lä 'mʋ nä, Laagɔ 'nö‑ö mʋ ‑wʋ nyɛɛ ‑a? 'Nɩ Laagɔ‑ nyɛɛmʋ ylä nä, gba ‑sä ‑kä bhä 'ŋnö 'nɩ ‑n täkpɔnʋ bhä 'mʋ?

⁸ Bhɛŋwnɩä ‑yä bhelienyɩ‑, ka bhobho lä nynä ‑mä, a ‑kä wɛzä ‑lɩɩ 'fɩɩn nä, aa' bɔɔ yɩɔ lʋʋ! A yä yɩ loo, 'nɩ a plöö‑ yɩ 'sɩɩ lɛkäänyʋä! ‑Anyɩ, ‑a 'nöyɩ ‑lɔɔ ‑kʋ nä, anyɩ ‑kʋ ylä ‑lɔɔ nä, ka nynëti lä! A lä 'loyuë a plöö‑ yɩ. Yio ‑a? ‑Opoo! 'Nɩ ka plö bhɛ 'zaazɩ 'loyuë! 'Nɩ ‑a ‑yä anyɩ 'sɔ 'kämä bhɛ 'leyi‑duu ‑bhlo 'mnö.

⁹ ‑Amʋ, kä n bhobho nynä ‑mä ‑anyɩmɔɔ‑ plöö‑ lä Kwlienyɔɔ' lobho lobhonyʋa nä, nyɩkpaa 'fɩɩn nëëdë, kä Laagɔ 'ŋʋnö‑anyɩ 'gbɛkʋ. Wa ya‑anyɩ ‑sä 'nɩ ‑a ‑kʋ ylä ‑lɔɔ nynä nyɩkpaa' lʋä‑ ‑kʋ 'kwiee numnu 'kʋ nä. Nyɩkpaa 'fɩɩn 'klʋ, ɩyä ‑Laagɔzizii 'fɩɩn 'klʋ, ‑a plöö‑ yɩ ‑jlëë' nyɩä nyɩä nyɩkpa.

¹⁰ Klisöö' 'ŋnöö ‑za nä, ‑a yä yɩ dëbënyʋä 'plö 'nɩ anyɩ a ‑yi ylä dɩgälɩ. ‑A yä yɩ yɔmä, 'nɩ anyɩ‑ ‑kä ylä 'tɛtɩ. Anyɩ‑ wa ŋʋ yɩ 'klʋkpä, 'nɩ ‑anyɩ wa sʋkpa‑anyɩ ylä.

¹¹ 'Tänyɩnɛ 'mnö 'gliye ‑kʋ yla ‑lää nä, ‑anyɩ ‑gbugbe bhlä ylä, 'nɩ 'mnätʋ bhlä ylä. ‑Aa ‑wʋ 'kotu ‑kä ‑yä ‑a 'gä plä! Wa bhütü‑anyɩ 'nɩ ‑a jlä.

¹² 'Nɩ 'kwlɩkabhɩa 'mnö, ‑a nʋ lebhe ‑klɛ ‑yä ‑a 'ga ‑kä lümʋ. Nyɩkpa kä‑anyɩ 'bhɩsɛ nä, kä ‑a pʋwa 'nyu nynä wa 'ni 'nää. Wa ŋʋ‑anyɩ nyäkälɩɩ 'nɩ ‑a 'kuu 'mnö.

¹³ Wa ci ‑anyɩa nyenyi, 'nɩ ‑a tään nynä ‑mä wa 'ni 'tɛtɩ. ‑A ‑kʋ yɩ ‑mää zëkpëkʋ nynä ŋazɩ 'nɩ ‑a plöö‑ yɩ nyɩkpaa 'fɩɩn ‑za plʋplälʋʋ.

Pɔlʋ pana ɔɔ' ‑wawayua dɩgälɩ

¹⁴ Bhelie ‑yä bhɛŋwnɩänyɩ‑, ɩɩ' ‑wʋ plöö‑ nynä ‑mä, n 'kanyɩ zoo 'yi gʋä nä ɩɩ' ‑zä n sonö'anyɩ sɔɔ 'bɔɔgʋnʋ 'mnö. ‑Mä kä n ci lä sɔɔ ‑yä n 'kanyɩ gblɩmä 'naa ‑wawayuë 'bhisäkʋ.

¹⁵ Kä n mʋ'anyɩ soo ‑kää nynä ‑mä, Klisöö' ‑za nä, sä anyɩa' cɩanyʋä 'näyi zumë ‑kaaa nä, a yibhë sɔɔ nynä ‑mä, aa' ‑wʋ 'bäsɩ ‑bhutukpä ‑kä! ‑Amʋ Pɔlʋ, ‑amʋʋ‑ gbä 'nɩ a nuu‑ lä Zozi Klisöö' 'Nägädöö nä, ‑amʋʋ‑ plöö‑ lä a 'bä.

¹⁶ Nä kä n sla'anyɩ lä 'wlu nynä bheeje, a 'gë 'naa 'sëploo 'kʋ.

¹⁷ Ɩmɩɩ‑ kä lä 'ŋnö 'nɩ n ‑lobhu'anyɩ lä Timotee yëku. Timotee nä, Kwlienyɔɔ 'mnö ɔ ‑glö 'naa ‑wawayuu' lɔɔ n 'tɛɛ‑ lä dë nä. Sä n nämnö lä Kwlienyɔɔ' ‑blɔɔ 'kʋ nä, 'nɩ n plö 'nɩ n cɩa lä nyɩkpaa daa 'fɩɩn 'cɔcɩgbüü 'fɩɩn 'mnö nä, Timotee yi'anyɩ sɔɔ pana.

¹⁸ Nyɩkpaa' ‑nänʋä ‑kʋ'anyɩ nëëdë 'nɩ wa bhobho nynä ‑mä 'nn ‑läyɩɔ yi ‑yä n 'kanyɩ 'yi 'ni. Ɩ ‑kä 'ŋnö 'nɩ wa yi täkpɔlɩ 'kʋ cie.

¹⁹ ‑Mä Kwlienyɔ kä ‑gbä nä, n yi'anyɩ ‑zee 'yi 'ni kää yi. 'Nɩ n kä ‑yi nä, ‑lɔɔ' nyɩkpa‑cëa' sä wa ci lä nä, ɩyä 'päwa wa ‑kä lä nä, wa yi 'ma paa.

²⁰ ‑Ɔnöza bhää? Laagɔɔ' 'Leyiduu nä, ʋʋ' ‑wʋ 'flɛ 'sää ciciwälɩɩ 'mnö ‑kʋʋ, ‑mä ʋ ‑glö 'päwä.

²¹ Sa ‑waa bhä nynä ‑mä, n nämɔ ‑nämɔ ‑yä n yi'anyɩ bhä yëku? N kä yi nä, n bhɛɛ bhä ‑gblɩye ‑a? ‑mä n bhɛɛ bhä pɔlöwätɛ ‑yä ‑waawʋ 'sɔ ‑a?

« Roimhe

Air adhart »

Wycliffe Bible Translators, Inc.

Lean sinn:

Ceanglaichean taic

Sanasan