Salmo 34 - Biblia

¹¹ Cheraɨ reta, peyu piyapɨsaka chiñee re, jare che pomboeta kërái pipɨu waerä Tumpa wi.

¹² Kía uipota iko yawe ipɨawiwe rewe jare uyekou ara reta re wae,

¹³ awɨye tuyemɨngeta ikawi mbae wae japicha reta kotɨ, jare awɨye tiyapu wi.

¹⁴ Tusɨrɨ ikawi mbae wae wi, jare tuyapo ikawi wae. Jekuaeño tueka kërái iko waerä ipɨakatu rewe opaete wae ndiwe.

¹⁵ Echa’ä yandeYa jekuaeño uyandareko oï jupi wae reta re jare uyapɨsaka oï jae reta uyerure chupe wae re.

¹⁶ Erëi yandeYa oyowaicho oï mbae ikawi mbae uyapo wae reta ndiwe.